Crime Thriller Series : మెడికల్ మాఫియా అన్నిటికంటే ప్రమాదకరంగా మారిపోయింది. ప్రజల ప్రాణాలు ఏ మాత్రం లెక్కలో లేకుండా పోయాయి. తెలిసింది గోరంత, తేలాల్సింది కొండంత ఈ మెడికల్ మాఫియాలో. అదృష్టం ఏంటంటే చాలా మందికి ఇప్పుడిప్పుడే వీటి సీక్రెట్స్ గురించి తెలుస్తోంది. ఈ నేపథ్యంలో ఒక సిరీస్ ఓటీటీలో స్ట్రీమింగ్ అవుతోంది. కోల్కతా నేపథ్యంలో సాగే ఈ కథ ఇన్వెస్టిగేటివ్ థ్రిల్లర్ గా సాగుతుంది. ఒక హత్య కేసుతో మొదలు పెడితే, మెడికల్ మాఫియా దగ్గర ఆగుతుంది ఈ కథ. ప్రతి ఎపిసోడ్ లో సస్పెన్స్ను ఓ రేంజ్ లో చూపించారు ఇందులో. అయితే ప్రతి ఒక్కరు చూడాల్సిన సిరీస్ ఇది.
ఈ ఇన్వెస్టిగేటివ్ క్రైమ్ థ్రిల్లర్ వెబ్ సిరీస్ పేరు ‘P.I. Meena’. ఈ హిందీ సిరీస్ను దేబాలోయ్ భట్టాచార్య డైరెక్ట్ చేశారు. ఇందులో తాన్యా మణిక్తల, పరమ్ బ్రత ఛటర్జీ, జిషూ సేన్గుప్తా, వినయ్ పాఠక్ ముఖ్య పాత్రలు పోషించారు. ఇందులో ముఖ్యంగా తాన్యా మణిక్తల (మీనా పాత్రలో) తన నటనతో ఆకట్టుకుంది. ఆమె గతంలో ‘A Suitable Boy’ తో మంచి గుర్తింపు తెచ్చుకుంది. అలాగే బెంగాలీ స్టార్ హీరో పరమ్ బ్రత ఛటర్జీ, సీనియర్ నటుడు వినయ్ పాఠక్ కీలక పాత్రల్లో కనిపిస్తారు. ఇది 2023 నవంబర్ 3 న మొత్తం 8 ఎపిసోడ్లతో Amazon Prime Videoలో స్ట్రీమ్ అవుతోంది. ఇది ఒరిజినల్గా హిందీలో తీసినప్పటికీ, తెలుగు, తమిళం, కన్నడ, మలయాళ భాషల్లో అందుబాటులో ఉంది.
మీనా అనే అమ్మాయి కోల్కతాలో ఒక ప్రైవేట్ డిటెక్టివ్. ఏదో చిన్న చిన్న కేసులు చూసుకునే ఆమె కళ్లముందే ఒక కుర్రాడు రోడ్డు ప్రమాదంలో చనిపోతాడు. పోలీసులు దాన్ని హిట్ అండ్ రన్ యాక్సిడెంట్ అని కొట్టేస్తారు. కానీ ఆ అబ్బాయి తల్లి మాత్రం నా కొడుకుది ముమ్మాటికీ హత్య, నువ్వే న్యాయం చేయాలని మీనా కాళ్లవేళ్ల పడుతుంది. ఇన్వెస్టిగేషన్ లో మీనాకు ఆ చావు వెనుక ఏదో పెద్ద స్కామ్ ఉందని అర్థమవుతుంది. ఆ కుర్రాడు ఒక మెడికల్ స్టూడెంట్ అని, వాడు ఏదో ప్రమాదకరమైన విషయాన్ని కనిపెట్టాడని తెలుస్తుంది.
ఇక అక్కడి నుండి కథ అసలు మలుపు తిరుగుతుంది. అది కేవలం ఒక హత్య మాత్రమే కాదు, ఒక పెద్ద బయో-టెర్రరిజం కుట్ర అని మీనాకు క్లారిటీ వస్తుంది. అంటే కొంతమంది పెద్ద మనుషులు కలిసి ఒక భయంకరమైన వైరస్ను జనాల్లోకి వదిలి, ఆ తర్వాత దానికి మందులు అమ్మి కోట్లు సంపాదించాలని ప్లాన్ చేస్తారు. ఈ క్రమంలో మీనాను ఆపడానికి రౌడీలు, పోలీసులు, ఇంటెలిజెన్స్ ఆఫీసర్లు అందరూ వెంటపడతారు. ఆమెను చంపడానికి ట్రై చేస్తారు, కానీ మీనా అస్సలు తగ్గకుండా ఆ వైరస్ వెనుక ఉన్న అసలు సూత్రధారి ఎవరో వెతకడం మొదలుపెడుతుంది. చివరికి మీనా అసలు నెరస్తులను కనిపెడుతుందా ? ఆ మెడికల్ మాఫియా కుట్రను బయట పెడుతుందా ? మీనా ఈ కేసుతో ఎలాంటి చిక్కుల్లో పడుతుంది ? అనే విషయాలను, ఈ క్రైమ్ థ్రిల్లర్ సినిమాను చూసి తెలుసుకోవాల్సిందే.
Read Also : చచ్చిన శవంలో నిద్రలేచే పిశాచి… పుట్టబోయే బిడ్డ కోసం వేట… క్షణక్షణం ఉత్కంఠ
Share
నిద్రలేమితో మహిళలకు ముప్పు.. ఈ కొత్త పరిశోధన నిజాలు తెలిస్తే ఆశ్చర్యపోతారు!
ఇల్లు ఇల్లాలు పిల్లలు.. మార్చి 29: బిందె పై శ్రీవల్లి డ్యాన్స్..చుక్కలు చూపించిన నర్మద..సాగర్, నర్మద ఒక్కటవుతారా?
