Action Thriller OTT : 30 గంటలు సాగే గ్యాంగ్‌స్టర్ డ్రామా… అడుగడుగునా ట్విస్టులు… ఊహించని మలుపులు

Action Thriller OTT : ఓటీటీలో బెస్ట్ క్రైమ్ థ్రిల్లర్‌ ని చూడాలనుకుంటే ఇప్పుడు చెప్పుకోబోయే యాక్షన్ థ్రిల్లర్ సిరీస్ పై ఓ లుక్ వేయండి. ఈ తమిళ సిరీస్ కేవలం 30 గంటల వ్యవధిలో జరిగే ఒక హై-వోల్టేజ్ డ్రామా. ఒక నిజాయితీ గల పోలీస్ ఆఫీసర్, ఒక ప్రమాదకరమైన గ్యాంగ్‌స్టర్ మధ్య జరిగే ఎత్తులు, పైఎత్తుల చుట్టూ కథ తిరుగుతుంది. కాప్ vs గ్యాంగ్‌స్టర్ థీమ్‌తో ఈ ఇంటెన్స్ థ్రిల్లర్ సిరీస్ ఉంటుంది. దీని పేరు ఏ ఓటీటీలో ఉంది ? అనే వివరాల్లోకి వెళ్తే …

ఎందులో స్ట్రీమింగ్ అవుతుందంటే

2023లో వచ్చిన ఈ తమిళ గ్యాంగ్‌స్టర్ యాక్షన్ థ్రిల్లర్ వెబ్ సిరీస్ పేరు ‘మథగమ్’ (Mathagam). ప్రసత్ మురుగేశన్ దీనిని రూపొందించారు. ఇది JioHotstar ఒరిజినల్ సిరీస్. ఇందులో అతర్వా మురళి IPS ఆఫీసర్ పాత్రలో నటించగా, కె. మణికండన్ పడలం శేఖర్ మెయిన్ విలన్ పాత్రలో నటించారు. ఇది పార్ట్ 1 2023 ఆగస్టు 18న స్ట్రీమింగ్ కి వచ్చింది. అలాగే పార్ట్ 2, 2023అక్టోబర్ 12 నుంచి స్ట్రీమింగ్ లో ఉంది. ఇది తమిళంలో నిర్మించబడినప్పటికీ తెలుగు, హిందీ, మలయాళం, కన్నడ, బెంగాలీ భాషల్లో డబ్బింగ్ వెర్షన్లు అందుబాటులో ఉన్నాయి.

స్టోరీ ఏమిటంటే

నగరంలో ఎన్నో ఏళ్ల క్రితమే చనిపోయాడని అందరూ భావించిన పడలం శేఖర్ (మణికందన్) అనే ప్రమాదకరమైన గ్యాంగ్‌స్టర్ మళ్లీ బయటకు వస్తాడు. అతను ఒక పాత నేరస్థుడి పుట్టినరోజు వేడుకను నెపంగా పెట్టుకుని, చెన్నై నగరం శివార్లలోని ఒక ఫామ్‌హౌస్‌లో నగరం నలుమూలల నుంచి ఉన్న గ్యాంగ్‌స్టర్లందరితో కలిసి ఒక భారీ సమావేశాన్నిఏర్పాటు చేస్తాడు. ఈ సమావేశం వెనుక అతని అసలు ఉద్దేశం ఒక భారీ క్రైమ్ కి ప్లాన్ చేయడం.

మరోవైపు నైట్ పెట్రోలింగ్‌లో ఒక నేరస్థుడిని పట్టుకున్న డిసిపి అశ్వత్ రత్నకుమార్ (అథర్వ), ఈ రహస్య సమావేశం గురించి తెలుసుకుంటాడు. కమీషనర్ సయంతిక బిస్వాస్ సహకారంతో, అశ్వత్ ఒక సీక్రెట్ ఆపరేషన్ మొదలుపెడతాడు. పడలం శేఖర్‌కు మంత్రి వీరవల్ నలంగిల్లి అండ ఉంటుంది. పోలీసుల ఆపరేషన్ గురించి తెలిసిన మంత్రి, కమీషనర్‌ను బదిలీ చేయించి ఆపరేషన్‌ను ఆపడానికి ప్రయత్నిస్తాడు. చివరికి అశ్వత్ పడలం శేఖర్ ని పట్టుకుంటాడా ? గ్యాంగ్‌స్టర్లతో ఎలాంటి సమస్యలు వస్తాయి ? పడలం శేఖర్ చేయాలనుకుంటున్న క్రైమ్ ఏమిటి ? అనే విషయాలను ఈ సిరీస్ ను చూసి తెలుసుకోవాల్సిందే.

Read Also :  ఆది సాయికుమార్ సూపర్ హిట్ మిస్టిక్ థ్రిల్లర్ ను ఏ ఓటీటీలో ఎప్పుడు చూడవచ్చో తెలుసా ?

Share

• 
• 
• 
• 
• 
•