OTT Movies : ‘రాత్ అకేలి హై: ది బన్సాల్ మర్డర్స్’ కంటే ముందు చూడాల్సిన రాధిక ఆప్టే మూవీస్

OTT Movies : తెలుగు ప్రేక్షకులకు సుపరిచితురాలైన బాలీవుడ్ హీరోయిన్ రాధికా ఆప్టే మోస్ట్ అవైటింగ్ మూవీ ‘రాత్ అకేలి హై ది బన్సాల్ మర్డర్స్’ అనే సినిమాతో ఈరోజు ప్రేక్షకుల ముందుకు వచ్చింది. అయితే ఈ సినిమా కోసం ఈగర్ గా వెయిట్ చేస్తున్న అభిమానులు, అంతకంటే ముందు రాధికా కెరీర్ లో వచ్చిన బెస్ట్ మూవీస్ పై ఓ లుక్కేయాల్సిందే.

‘పార్చ్డ్’ (2015) (Parched)

లీనా యాదవ్ దర్శకత్వం వహించిన ‘పార్చ్డ్’ ఒక అద్భుతమైన చిత్రం. రిలీజ్ అయిన ఏడాదే ఈ మూవీ టొరంటో అంతర్జాతీయ చలనచిత్రోత్సవం ప్రత్యేక ప్రదర్శనకు ఎంపికైంది. రాధికా ఆప్టే ప్రధాన నటిగా సుర్వీన్ చావ్లా, తన్నిష్ట ఛటర్జీ, ఆదిల్ హుస్సేన్‌లతో కలిసి నటించారు. ఈ చిత్రం ప్రైమ్ వీడియో (Prime Video)లో అందుబాటులో ఉంది.

‘ది వెడ్డింగ్ గెస్ట్’ (2019) (The Wedding Guest)

మైఖేల్ వింటర్‌ బాటమ్ దర్శకత్వం వహించిన ‘ది వెడ్డింగ్ గెస్ట్’ చిత్రంలో దేవ్ పటేల్‌తో పాటు రాధికా ఆప్టే నటించారు. ఈ చిత్రం నెట్‌ఫ్లిక్స్‌ (Netflix)లో అందుబాటులో ఉంది. ఈ చిత్రంలో రాధిక నటనకు మీరు మంత్రముగ్ధులవుతారు. ఈ సినిమాలో రొమాంటిక్ సీన్స్ ఇంటర్నెట్ ను ఓ ఊపు ఊపేశాయి. అలాంటి సీన్లు ఉన్నాయి కాబట్టి ఈ మూవీని సింగిల్ గా చూడడమే బెటర్.

‘లస్ట్ స్టోరీస్’ (2018) (Lust Stories)

జోయా అక్తర్, అనురాగ్ కశ్యప్, కరణ్ జోహార్, దిబాకర్ బెనర్జీ ఈ సిరీస్ కు దర్శకత్వం వహించారు. రోనీ స్క్రూవాలా, ఆషి దువా నిర్మించిన ఈ సిరీస్ నెట్‌ఫ్లిక్స్‌లో అందుబాటులో ఉంది. రాధికా ఆప్టేతో పాటు ఇందులో భూమి పెడ్నేకర్, కియారా అద్వానీ, విక్కీ కౌశల్ కూడా నటించారు.

‘ఫోబియా’ (2016) (Phobia)

పవన్ కృపలానీ దర్శకత్వం వహించిన ఈ చిత్రంలో రాధికా ఆప్టే, అంకుర్ వికల్, సత్యదీప్ మిశ్రా నటించారు. ఈ చిత్రాన్ని ZEE5 లో చూడవచ్చు. వింత వ్యాధితో పోరాడుతున్న కల్పన అనే అమ్మాయి కథ ఇది.

‘ప్యాడ్‌మ్యాన్’ (2018)(Padman)

ఆర్. బాల్కి దర్శకత్వం వహించిన ‘ప్యాడ్‌మ్యాన్’ చిత్రంలో రాధికా ఆప్టే, అక్షయ్ కుమార్, సోనమ్ కపూర్ నటించారు. ఈ చిత్రం మహిళలు తమ పీరియడ్స్ సమయంలో ఉపయోగించే శానిటరీ ప్యాడ్‌ల గురించి అవగాహన కల్పించేలా ఉంటుంది. తీవ్ర విమర్శలను ఎదుర్కొన్న ఈ అద్భుతమైన చిత్రం కలెక్షన్ల పరంగా దుమ్మురేపింది. ఈ చిత్రం నెట్‌ఫ్లిక్స్‌లో అందుబాటులో ఉంది. ఇక రీసెంట్ గా ‘సాలీ మొహబ్బత్’, ‘సిస్టర్ మిడ్ నైట్’ (Sister Midnight) అనే సినిమాలతో ఓటీటీ ఆడియన్స్ ను పలకరించిన రాధిక, ఇప్పుడు ‘రాత్ అకేలి హై’ సీక్వెల్ (Raat Akeli Hai- The Bansal Murders) తో ట్రెండింగ్ లో ఉంది.