Takshakudu: ఆనంద్ దేవరకొండ ప్రస్తుతం కెరియర్ పరంగా ఇండస్ట్రీలో ఎంతో బిజీగా ఉంటున్నారు ఈయన వరుస సినిమాలలో నటిస్తూ ప్రేక్షకుల ముందుకు వస్తున్నారు. దొరసాని, పుష్పక విమానం బేబి వంటి సినిమాలతో నటుడిగా మంచి గుర్తింపు సంపాదించుకున్నారు. ఇలా విభిన్నమైన కథ చిత్రాల ద్వారా ప్రేక్షకుల ముందుకు వస్తున్న ఆనంద్ దేవరకొండ (Anand Devarakonda) ఈసారి ఫుల్ మాస్ లుక్ లో ప్రేక్షకుల ముందుకు రావడానికి సిద్ధమవుతున్నారు. ప్రస్తుతం ఆనంద్ దేవరకొండ తక్షకుడు(Takshakudu) అనే సినిమాలో నటిస్తున్నారు. అయితే ఈ సినిమా థియేటర్లో కాకుండా నేరుగా ఓటీటీలో ప్రసార కాబోతున్న విషయం తెలిసిందే. ఇప్పటికే ఈ సినిమా స్ట్రీమింగ్ గురించి చిత్రం బృందం అధికారకంగా ప్రకటించారు.
ఈ సినిమా నెట్ ఫ్లిక్స్(Net Flix) లో ప్రసారం కాబోతోందని చిత్ర నిర్మాతలు తెలియజేశారు. ఇక ఈ సినిమా నుంచి ఇప్పటికే విడుదల చేసిన ఆనంద్ దేవరకొండ ఫస్ట్ లుక్ సినిమా పట్ల మంచి అంచనాలను పెంచేసింది. ఈ పోస్టర్ లో ఈయన రగ్గడ్ లుక్ లో కనిపించారు. కళ్ళల్లో కోపం చేతిలో తుపాకీతో ఈయన లుక్ అందరిని ఎంతగానో ఆకట్టుకుంది. ఇక ఈ పోస్టర్ కు వేటగాడి చేతిలో జింక పిల్లలే నేరస్తులు అనే ట్యాగ్ ఎంతో ఆసక్తిని కలిగిస్తోంది. అయితే తాజాగా ఈ సినిమా నుంచి మేకర్స్ మరొక కీలక అప్డేట్ విడుదల చేశారు.
ఈ సినిమా త్వరలోనే విడుదలకు సిద్ధమవుతున్న నేపథ్యంలో తాజాగా ఈ సినిమా నుంచి టీజర్ విడుదల చేయబోతున్నట్లు చిత్ర బృందం అధికారికంగా వెల్లడించారు. ఈ టీజర్ నెట్ ఫ్లిక్స్ లో విడుదల కాబోతోందని తెలుస్తోంది అయితే టీజర్ విడుదల సమయాన్ని మాత్రం ప్రకటించలేదు. తాజాగా టీజర్ విడుదల గురించి చిత్ర బృందం అప్డేట్ ఇవ్వడంతో అభిమానులు కూడా టీజర్ కోసం ఎదురుచూస్తున్నారు. ఇక ఈ సినిమాకు వినోద్ అనంటోజు దర్శకత్వం వహించగా సితార ఎంటర్టైన్మెంట్స్ , ఫార్చ్యూన్ ఫోర్ సినిమాస్ ఈ చిత్రాన్ని ఎంతో ప్రతిష్టాత్మకంగా నిర్మిస్తున్నాయి.
ఈ సినిమాలో ఆనంద్ దేవరకొండకు జోడిగా నితాన్షి గోయల్ నటిస్తున్నారు. ఈ సినిమా డార్క్ మైథలాజికల్ సర్వైవల్ డ్రామాగా ప్రేక్షకుల ముందుకు రాబోతోందని తెలుస్తోంది. ఇలా కెరియర్ మొదటి నుంచి కూడా సరికొత్త విభిన్న కథ చిత్రాలను ఎంపిక చేసుకుంటూ మంచి సక్సెస్ అందుకుంటున్న ఆనంద్ దేవరకొండకు తక్షకుడు సినిమా ద్వారా మరొక హిట్ రావడం గ్యారెంటీ అని తెలుస్తుంది. ఇక ఈ సినిమా నేరుగా థియేటర్లో కాకుండా నెట్ ఫ్లిక్స్ లో ప్రసారం కాబోతుందని చెప్పినప్పటికీ ఎప్పుడు విడుదలవుతుందనే విషయాల గురించి సరైన సమాచారం తెలియజేయలేదు. త్వరలోనే విడుదల తేదీకి సంబంధించి అధికారిక ప్రకటన కూడా రాబోతుందని తెలుస్తుంది. ఇక ఆనంద్ దేవరకొండ చివరిగా గం గం గణేశా అనే సినిమా ద్వారా ప్రేక్షకుల ముందుకు వచ్చి పర్వాలేదు అనిపించుకున్నారు.
Also Read: Allu Shirish: ఇక్కడ కూడా బన్నీని ఫాలో అవుతున్న శిరీష్.. పెళ్లి విషయంలో అన్నను కాపీ కొట్టిన తమ్ముడు
Share
BoAt Wave Elevate vs Fire-Boltt Ninja : యూత్ ఫేవరెట్ స్మార్ట్వాచ్లు.. రూ. 2 వేల లోపే ఇన్ని మంచి ఫీచర్లా ? బాబోయ్..
TDP : మా ఓపికను పరీక్షించొద్దు.. తమ్ముళ్లుకు ఏమైంది?
