OTT Movie : రీసెంట్ గా మరో హారర్ మూవీ ఓటీటీలో ఎంట్రీ ఇచ్చేసింది. ఇది ఫౌండ్ ఫుటేజ్ జానర్లో కన్నడ సినిమాల్లో రికార్డ్ సెట్ చేసింది. ఆడియన్స్ నుంచి ఈ సినిమాకి మంచి రెస్పాన్స్ వచ్చింది. ఒక మిస్టీరియస్ గ్రామంలో ఎంట్రీ ఇచ్చిన నలుగురు వ్యక్తుల చుట్టూ ఈ కథ తిరుగుతుంది. సస్పెన్స్ తో నడిచే ఈ మూవీ ఏ ఓటీటీలో స్ట్రీమింగ్ అవుతుంది ? దీని పేరు ఏమిటి ? అనే వివరాల్లోకి వెళ్తే …
ఈ కన్నడ హారర్ థ్రిల్లర్ మిస్టరీ మూవీ పేరు ‘అంతిమ క్షణగళు’ (Anthima Kshanagalu). నిర్మల్ బేబీ వర్గీస్ డైరెక్షన్ లో 2025 మే 20న ఈ సినిమా విడుదలైంది. ఇందులో జెఫిన్ జోసెఫ్, వరుణ్ రవీంద్రన్, అస్వతి అనిల్ కుమార్, ష్యామ్ సలాష్ లీడ్ రోల్స్ లో నటించారు. 95 నిమిషాల నిడివి ఉన్న ఈ సినిమా ఐయండిబిలో 8.8/10 రేటింగ్ ని పొందింది. నవంబర్ 28 నుంచి బీసీనీట్ ఓటీటీలో ఈ సినిమా స్ట్రీమింగ్ అవుతోంది.
దీపా, రీమా ఇద్దరూ బెస్ట్ ఫ్రెండ్స్, యూట్యూబ్లో ‘మిస్టరీ హంటర్స్’ అనే ఛానల్ నడుపుతారు. దీని కోసం కేరళ-కర్ణాటక బోర్డర్ దగ్గర ఉన్న మిస్టరీ గ్రామానికి వెళ్తారు. ఆ గ్రామంలో 30 ఏళ్ల క్రితం ఒక భయంకరమైన సంఘటన జరిగింది. ఒకే రాత్రి మొత్తం గ్రామంలోని 27 మంది మిస్సింగ్ అయిపోయారు, ఎవరూ తిరిగి రాలేదు. ఆ గ్రామం ఇప్పుడు ఖాళీగా ఉంది. లోకల్స్ కూడా ఎవరూ దగ్గరికి రారు. దీపా, రీమా ఇద్దరూ రెండు కెమెరాలు, ఒక డ్రోన్ తీసుకుని ఆ గ్రామంలోకి వెళతారు. మొదట రోజు అంతా నార్మల్ గా ఉంటుంది. పాడుబడిన ఇళ్లు, పాత బస్సు, దేవాలయం, అక్కడే సిథిలంగా ఉండే స్కూలుని షూట్ చేస్తారు. అయితే ఆ చుట్టుపక్కల గ్రామాల వాళ్లు వార్నింగ్ ఇస్తారు. రాత్రి 7 అయ్యాక ఎవరూ ఉండకూడదు, లేదంటే తిరిగి రారు అని హెచ్చరిస్తారు. కానీ ఇద్దరూ ఛానల్ కోసం ఒక రాత్రి పూర్తిగా బయట షూట్ చేయాలని డిసైడ్ అవుతారు. ఇక సూర్యుడు అస్తమించగానే నరకం మొదలవుతుంది.
Read Also : ఆరు ఆస్కార్లు గెలిచిన సినిమా … బ్యాండ్ వాయించే వాడితో ప్రేమ… ఊహించని ట్విస్ట్ తో హార్ట్ టచింగ్ క్లైమాక్స్
అక్కడి రీమా బాయ్ ఫ్రెండ్ రాహుల్, మరో ఫ్రెండ్ ష్యామ్ వాళ్లని వెతక్కుండా వస్తారు కానీ వాళ్లు కూడా చిక్కుకుపోతారు. రీమా కెమెరాలో గతంలో మిస్సింగ్ అయిన 27 మంది ముఖాలు కనిపిస్తాయి. ఆమె గొంతులో వేరే గొంతులా మాట్లాడుతుంది. 30 ఏళ్ల క్రితం ఆ గ్రామంలో ఒక బ్లాక్ మ్యాజిక్ రిచ్యువల్ జరిగింది. అప్పటి నుంచి ఇప్పటివరకు ఒక ఆత్మ ఆ గ్రామంలోనే ఉంది. దీపా శరీరంలోకి ఆ ఆత్మ ఎంటర్ అయిపోతుంది. దీంతో స్టోరీలో భయంకరమైన సంఘటనలు మొదలవుతాయి. ఒక్కొక్కరూ దారుణంగా హంట్ అవుతుంటారు. చివరికి వీళ్లల్లో ఎవరైనా ప్రాణాలతో బయట పడతారా ? ఆ గ్రామంలో 27 మంది ఎలా చనిపోయారు ? ఈ కథ క్లైమాక్స్ ఏంటి ? అనే విషయాలను ఈ కన్నడ హారర్ మూవీని చూసి తెలుసుకోండి.
Share
CM Revanth Reddy: తెలంగాణ రైజింగ్-2047.. భవిష్యత్ కోసం పారదర్శక పాలసీలు
Sabarimala: శబరిమల 18మెట్ల వెనకున్న ఆధ్యాత్మిక రహస్యం తెలుసా?.. ఒక్కో మెట్టుకు ఒక్కో ప్రాధాన్యత!
