OTT Movie : ఒక గుండెల్ని పిండే ఎమోషనల్ మూవీ చూడాలనుకుంటే, ఈ మూవీని మిస్ కాకుండా చూడండి. ఇది లండన్లోని ఒక బంగ్లాదేశీ ఇమ్మిగ్రెంట్ ఫ్యామిలీ కథ. చిన్న వయసులోనే ఒక ముసలి వ్యక్తిని పెళ్లి చేసుకుని, ఒక అమ్మాయి పడే వ్యధ ఇది. మధ్యలో ఒక యువకుడి ఎంట్రీతో కథ పూర్తిగా మారిపోతుంది. ఇలాంటి రియల్ లైఫ్ స్టోరీలు సినిమాలుగా, చాలానే వచ్చాయి. అయితే ఈ స్టోరీ మరింత రియలిస్టిక్ గా ఉంటుంది. ఈ సినిమా పేరు ? ఏ ఓటీటీలో ఉంది ? అనే వివరాల్లోకి వెళ్తే..
సారా గావ్రాన్ దర్శకత్వం వహించిన ఈ సినిమా పేరు ‘బ్రిక్ లేన్’ 2007లో వచ్చిన ఈ బ్రిటీష్ చలనచిత్రం, బ్రిటీష్ రచయిత మోనికా అలీ అదే పేరుతో 2003లో రచించిన నవల నుండి రూపొందింది. దీనికి లారా జోన్స్, అబి మోర్గాన్ స్క్రీన్ ప్లే రాశారు. ఇందులో తన్నిష్ఠా చటర్జీ (నజ్నీన్), సత్యజిత్ శర్మ (చను), క్రిస్టోఫర్ సింప్సన్ (కరీం) మెయిన్ రోల్స్లో ఉన్నారు. యునైటెడ్ స్టేట్స్లోని టెల్లూరైడ్ ఫిల్మ్ ఫెస్టివల్లో ఈ చిత్రం మొదటి పబ్లిక్ స్క్రీనింగ్ను కలిగి ఉంది. ప్రస్తుతం ఈ సినిమా pime Video, Netflix లలో అందుబాటులో ఉంది.
నజ్నీన్ అనే 17 ఏళ్ల బంగ్లాదేశీ అమ్మాయి, అమ్మానాన్నలు ఏది చెప్తే అదే అన్నట్లు పెరిగింది. అరేంజ్డ్ మ్యారేజ్లో చను అనే బంగ్లాదేశీ అంకుల్ని పెళ్లి చేసుకుని లండన్ వచ్చేస్తుంది. చను మంచోడే కానీ చాలా ఓల్డ్. భార్య ఇంట్లోనే ఉండాలి, బయటకి రావద్దు అనే రూల్స్ పెడతాడు. నజ్నీన్ కు ఇద్దరు పిల్లలు కూడా పుడతారు. ఆమె లండన్లోని బ్రిక్ లేన్ అనే బంగ్లాదేశీ కాలనీలో ఇరుక్కుపోయి ఒంటరిగా బతుకుతుంది. ఇంగ్లీష్ రాదు, ఫ్రెండ్స్ లేరు, బయట ప్రపంచం తెలియదు… రోజూ సీలింగ్ చూస్తూ ఏడుస్తూ ఉంటుంది. కొన్నేళ్ల తర్వాత ఇంట్లో డబ్బు కోసం సీమింగ్ మెషీన్ తెచ్చుకుని ఇంట్లోనే బట్టలు కుట్టడం మొదలు పెడతాడు చను.
Read Also : సీరియల్ కిల్లర్గా స్టార్ హీరోయిన్… జైల్లో ఉంటూనే వరుస హత్యలు… టీజర్తోనే టాక్ ఆఫ్ ది టౌన్
అప్పుడు డెలివరీ బాయ్గా కరీం అనే యంగ్ బంగ్లాదేశీ అబ్బాయి వస్తాడు. కరీంతో నజ్నీన్తో మాటలు మొదలవుతాయి. మొదట ఫ్రెండ్షిప్… తర్వాత ప్రేమ… తర్వాత పూర్తి అఫైర్ గా మారుతుంది. నజ్నీన్కి మొదటిసారి ఎవరో తనని అర్థం చేసుకుంటున్నట్టు అనిపిస్తుంది. కానీ ఇది బయటపడితే? చను తెలిస్తే? పిల్లలు? సొసైటీ? ఇలా రెండు వైపులా గందరగోళంలో పడుతుంది నజ్నీన్. చివర్లో తన కోసం, తన పిల్లల కోసం నజ్నీన్ ఒక పెద్ద నిర్ణయం తీసుకుంటుంది. ఆ నిర్ణయం ఏంటి ? ఆమె ఆ ముసలి భర్తతోనే ఉంటుందా ? కరీంతో వెళ్లిపోతుందా ? అనే విషయాలను, ఈ సినిమాను చూసి తెలుసుకోండి.
Share
Intinti Ramayanam Today Episode: మీనాక్షిని చంపేందుకు చక్రధర్ మాస్టర్ ప్లాన్.. మీనాక్షికి షాకిచ్చిన పార్వతి.. అక్షయ్ కు నిజం తెలుస్తుందా..?
Illu Illalu Pillalu Today Episode: ధీరజ్ కు చెమటలు పట్టించిన శ్రీవల్లి.. నర్మద ప్లాన్ సక్సెస్.. అడ్డంగా దొరికిన అమూల్య..
