Comedy Drama OTT : ఓటీటీలో ఒక కొరియన్ సినిమా ప్రేక్షకులను తెగ ఎంటర్టైన్ చేస్తోంది. ముగ్గురు వ్యక్తుల మధ్య జరిగే యాక్షన్ సీన్స్ ఆకట్టుకుంటున్నాయి కూడా. ఈ సినిమాను కేవలం యాక్షన్ మాత్రమే కాకుండా కామెడీని కూడా దట్టించి తీశారు. ఒక డిటెక్టివ్, ఒక దొంగ, ఒక గ్యాంగ్స్టర్ మధ్య జరిగే సన్నివేశాలు భలే నవ్వు తెప్పిస్తాయి. ఈ సినిమా షూటింగ్ అంతా సౌత్ కొరియాలోని అందమైన జేజు ఐలాండ్లో జరిగింది. అక్కడ ఉండే అందమైన లొకేషన్లు, సముద్ర తీరాలు ఈ సినిమాకు మంచి లుక్ ఇచ్చాయి. యాక్షన్ కామెడీ సినిమాలను ఇష్టపడే వారికి ఇది ఒక మంచి ఆప్షన్.
ఈ కొరియన్ యాక్షన్ కామెడీ సినిమా పేరు (The Desperate Chase). కిమ్ జే-హూన్ దర్శకత్వం వహించిన ఈ చిత్రం 2024 ఆగస్టు 21న థియేటర్లలో విడుదలై మంచి విజయం కూడా అందుకుంది. ఇందులో పార్క్ సుంగ్-వూంగ్, క్వాక్ సి-యాంగ్, యూన్ క్యుంగ్-హో లీడ్ రోల్స్ లో నటించారు. సుమారు 110 నిమిషాల నిడివి ఉన్న ఈ చిత్రం, ప్రేక్షకులను అస్సలు బోర్ కొట్టించకుండా వేగంగా సాగిపోతుంది. ఇక బాక్సాఫీస్ విషయానికి వస్తే, 2024 ఆగస్టులో విడుదలైన ఈ సినిమా మంచి వసూళ్లనే సాధించింది. ఇందులో నటించిన పార్క్ సుంగ్-వూంగ్ అనే నటుడు రకరకాల గెటప్పుల్లో కనిపించి తన నటనతో అందరినీ ఆకట్టుకున్నాడు. ప్రస్తుతం ఈ సినిమా నెట్ఫ్లిక్స్ (Netflix) లో స్ట్రీమింగ్ అవుతోంది.
ఇందులో హీరో కిమ్ మామూలోడు కాదు, అచ్చం ఊసరవెల్లిలా రంగులు మార్చేసే రకం. రకరకాల గెటప్పులు వేసి జనాల్ని బురిడీ కొట్టించడంలో తోపు. వీడి తెలివితేటలతో ఎవరినైనా ఇట్టే బుట్టలో వేసేస్తాడు. ఇతనిపేరు చెబితేనే జేజు ఐలాండ్లో దొంగలందరికీ వణుకు. వీడు చేసే స్కామ్లు, వీడు వేసే ప్లాన్లు అసలు ఎవరికీ ఊహకు కూడా అందవు. ఇక ఇందులో రెండోవాడు డిటెక్టివ్ జో సూ-క్వాంగ్. ఇతనికి కోపం వస్తే ఆపడం ఎవరితరం కాదు. బీపీ వస్తే చాలు, ఎదుటివాడు ఎవడైనా సరే చితక్కొట్టేస్తాడు. ఆ కోపం వల్లే ట్రాన్స్ఫర్ అయ్యి ఈ ద్వీపానికి వస్తాడు. ఇక మూడోవాడు అసలైన విలన్ జూ రిన్-పాంగ్. వీడు పెద్ద డాన్, అక్కడ ఉన్న మెడికల్ సెంటర్ ప్రాజెక్టును ఎలాగైనా కొట్టేయాలని చూస్తుంటాడు. వీడు ఎంత క్రూరుడంటే, అడ్డొచ్చిన వాడ్ని లేపేయడానికి అస్సలు వెనకాడడు. ఇక అసలు రచ్చ ఎక్కడ మొదలవుతుందంటే.. ఆ మొండి డిటెక్టివ్, ఈ తెలివైన మోసగాన్ని పట్టుకోవాలని చూస్తుంటాడు. కానీ విధి ఆడిన వింత నాటకంలో, ఇద్దరూ కలిసి ఆ రౌడీ విలన్ను కొట్టాల్సి వస్తుంది. ఆ జేజు ఐలాండ్లో అసలు ఏం జరుగుతోంది? వీళ్ళిద్దరూ ఆ డాన్ను ఎలా ఆడుకున్నారు? అనేదే ఈ సినిమా క్లైమాక్స్.
Read Also : వెన్నులో వణుకు పుట్టించే జాంబీల దండయాత్ర… కలలోను వెంటాడే హారర్ సీన్లు
Share
"ధురందర్ 2"పై రివ్యూ...విరాట్ కోహ్లీపై ఉరితీయండి అంటూ తన్వీర్ కామెంట్స్ !
Kavitha: వ్యూహం కవితది.. లాభం కాంగ్రెస్దా? ఖమ్మం రాజకీయాల్లో అనూహ్య మలుపులు!
