Comedy movie OTT : కామెడీ సినిమాలు చాలా వరకు మనసును తేలిక చేస్తాయి. ఆ పవర్ ఒక్క కామెడీ జానర్ కే ఉంది. ఓటీటీలో ఈ జానర్ సినిమాలకి కొదవ లేదు. ఇప్పుడు మనం చెప్పుకోబోయే హిందీ సినిమాలో కామెడీ చాలా బాగుంటుంది. ఒక ఎమ్మెల్యే ఇంటి తోట నుండి రెండు పనస పండ్లు దొంగతనానికి గురవుతాయి. ఈ కేసును ఒక మహిళా పోలీస్ ఆఫీసర్ డీల్ చేస్తుంది. ఈ క్రమంలో స్టోరీ ఆసక్తికరంగా, కడుపుబ్బా నవ్వించే విధంగా సాగుతుంది. జాతీయ అవార్డును కూడా ఈ సినిమా గెలుచుకుంది. మరి ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే ..
2023లో విడుదలైన హిందీ కామెడీ సినిమా పేరు ‘కథల్: ఏ జాక్ఫ్రూట్ మిస్టరీ’ (Kathal: A Jackfruit Mystery). బాలాజీ మోషన్ పిక్చర్స్, శిఖ్య ఎంటర్టైన్మెంట్ బ్యానర్లపై శోభా కపూర్, ఏక్తా కపూర్, గుణీత్ మోంగా, అచిన్ జైన్ నిర్మించిన ఈ సినిమాకు యశోవర్ధన్ మిశ్రా దర్శకత్వం వహించారు. ఇందులో సానియా మల్హోత్రా, అనంత్ జోషి, విజయ్రాజ్, రాజ్పాల్ యాదవ్ ప్రధాన పాత్రల్లో నటించారు. ఈ సినిమా ప్రస్తుతం నెట్ఫ్లిక్స్ ఓటీటీలో హిందీతో పాటు తెలుగు, తమిళం, ఇంగ్లీష్ భాషల్లో కూడా స్ట్రీమింగ్ అవుతోంది. ఇక 2025లో ప్రకటించిన 71వ జాతీయ చలనచిత్ర అవార్డులలో ఉత్తమ హిందీ ఫీచర్ ఫిల్మ్గా అవార్డును కూడా గెలుచుకుంది ఈ సినిమా .
ఈ కథ ఒక వింతైన కేసుతో మొదలవుతుంది. ఒక చిన్న ఊరిలో ఉండే లోకల్ ఎమ్మెల్యే ఇంటి తోటలో రెండు ఖరీదైన పనస పండ్లు దొంగతనానికి గురవుతాయి. ఆ ఎమ్మెల్యేకి ఆ పండ్లు అంటే చాలా ఇష్టం. అంతేకాదు దాంతో చేసిన వంటకాలు సిఎం కి పంపాల్సి ఉంటుంది. అందుకే వాటిని వెతకడానికి పోలీసులపై విపరీతమైన ఒత్తిడి తెస్తాడు. దీంతో పోలీస్ ఆఫీసర్ మహిమా బాసోర్ (సన్యా మల్హోత్రా) ఆ పనస పండ్ల కోసం గాలింపు మొదలుపెడుతుంది. కేవలం రెండు పండ్ల కోసం పోలీసులు పడుతున్న పాట్లు, ఆ క్రమంలో జరిగే కామెడీ సన్నివేశాలు నవ్వు తెప్పిస్తాయి.
అయితే ఈ పనస పండ్ల వేటలో మహిమకు ఒక సీరియస్ విషయం తెలుస్తుంది. అదే గ్రామంలో ఒక పేద తోటమాలి కూతురు తప్పిపోయిందని, కానీ ఆమె కోసం పోలీసులు పెద్దగా పట్టించుకోవడం లేదని ఆమె గమనిస్తుంది. ఆ అమ్మాయిని వెతకడానికి ఈ పనస పండ్ల కేసును ఒక సాకుగా వాడుకుంటూ మహిమ తన తెలివితేటలతో దర్యాప్తును ముందుకు తీసుకెళ్తుంది. చివరికి ఆ పనస పండ్లు ఏమయ్యాయి? తప్పిపోయిన అమ్మాయిని మహిమ ఎలా కాపాడింది? అనే విషయాలను, ఈ సినిమాను చూసి తెలుసుకోండి.
Read Also : తండ్రీకొడుకుల ఎడబాటు… విధి ఆడే వింత నాటకం… మనసును హత్తుకునే ఫ్యామిలీ డ్రామా
Share
CM Chandrababu: మండలానికో స్వచ్ఛ రథం.. చెత్త ఇస్తే సరుకులు ఉచితం, సీఎం చంద్రబాబు కీలక వ్యాఖ్యలు
Ramana Success: పల్సర్ బైక్ రమణ లవ్ ఫెయిల్ అయినపుడు ఏం చేశాడో తెలుసా?.. పాపం అందుకే రిజక్ట్ చేసింది..
