Comedy thriller OTT : సస్పెన్స్, కామెడీ కలయికతో ఓ మరాఠీ మూవీ కడుపుబ్బా నవ్విస్తోంది. గత ఏడాది థియేటర్లలో సందడి చేసిన ఈ సినిమా, ఓటీటీలో చూసి కూడా తెగ నవ్వుకుంటున్నారు ప్రేక్షకులు. ఈ కథ చాలా కాలం తరువాత కలిసే బ్యాక్బెంచర్ల చుట్టూ తిరుగుతుంది. వాళ్ళకి ఒక శవం కనిపించడంతో సరదా కాస్తా గందరగోళంగా మారుతుంది. ఈ సినిమాను ఫ్యామిలితో కలసి ఎంచక్కా ఎంటర్టైన్ అవ్వచ్చు. దీని పేరు, ఏ ఓటీటీలో ఉంది ? అనే వివరాల్లోకి వెళ్తే..
ఈ మరాఠీ కామెడీ థ్రిల్లర్ సినిమా పేరు ‘చికీ చికీ బూబూమ్ బూమ్’ (ChikiChiki BooBoomBoom). 2025లో విడుదలైన ఈ సినిమాకి ప్రసాద్ ఖండేకర్ దర్శకత్వం వహించారు. ఈ చిత్రంలో స్వప్నిల్ జోషి, ప్రార్థనా బెహెరే, ప్రజక్తా మాలి, ఖండేకర్, రోహిత్ మానే, ప్రథమేష్ శివల్కర్, నమ్రతా సంభేరావ్, వనితా ఖరత్ వంటి నటులు నటించారు. ఇక రోహన్-రోహన్ ఈ చిత్రానికి సంగీతాన్ని అందించారు. ఈ సినిమా ప్రస్తుతం అమెజాన్ ప్రైమ్ వీడియో (Amazon Prime Video) ఓటీటీలో అందుబాటులో ఉంది.
ఈ సినిమా కథ ఆరుగురు కాలేజ్ స్నేహితుల చుట్టూ తిరుగుతుంది. చాలా ఏళ్ల తర్వాత వీరంతా ముంబై దగ్గరలోని ఒక ఫామ్హౌస్లో కలుసుకుంటారు. పాత జ్ఞాపకాలను గుర్తుచేసుకుంటూ, పార్టీ చేసుకుంటూ ఎంజాయ్ చేయాలనుకుంటారు. కానీ ఆ రాత్రి వాళ్ళు ఊహించని విధంగా ఒక డెడ్ బాడీ కనిపిస్తుంది. దీంతో ఆనందంగా సాగాల్సిన పార్టీ కాస్తా ఒక్కసారిగా గందరగోళంగా, భయంకరంగా మారిపోతుంది.
పోలీసులకు ఫోన్ చేద్దామని అనుకుంటారు కానీ, ఒక చిన్న పొరపాటు వల్ల పోలీసులకు ఫిర్యాదు చేసే అవకాశం లేకుండా పోతుంది. ఆ శవాన్ని ఏం చేయాలి? అసలు ఆ వ్యక్తి ఎలా చనిపోయాడు? అన్న విషయాలను దాచిపెట్టే క్రమంలో వాళ్ళు పడే ఇబ్బందులు, చేసే పొరపాట్లు నవ్వు తెప్పిస్తాయి. సస్పెన్స్, కామెడీ కలగలిసిన ఈ కథలో ఆ స్నేహితులు చివరకు ఆ సమస్య నుండి ఎలా బయటపడ్డారు అనేదే ఈ సినిమా.
Read Also : సిరీస్ గా రాబోతున్న మోస్ట్ డేంజరస్ అడవి దొంగ వీరప్పన్ జీవిత చరిత్ర… ఏ ఓటీటీలో ఎప్పుడు చూడచ్చు అంటే ?
Share
Xiaomi 75-Inch TV: 75 ఇంచ్ల అతిపెద్ద QLED TV లాంచ్ చేసిన షావోమీ.. ఇక ఇంట్లోనే థియేటర్ ఫీల్.. ధర?
Family Drama OTT: తండ్రీకొడుకుల ఎడబాటు... విధి ఆడే వింత నాటకం... మనసును హత్తుకునే ఫ్యామిలీ డ్రామా
