Crime Drama OTT : ఓటీటీలో ఎన్నో రకాల సినిమాలు అందుబాటులో ఉన్నాయి. అయితే స్టాక్ మార్కెట్ మాయాజాలం ఎంత ప్రమాదకరమో, ప్రజలకు తెలియజేసే మూవీ మాత్రం చైనా నుంచి వచ్చింది. ఈ సినిమా ముఖ్య ఉద్దేశం కూడా ఇదేనని నటుడు ఆండీ లౌ ఒక ఇంటర్వ్యూలో కూడా చెప్పడం జరిగింది. పేదరికం నుండి వచ్చిన ఒక తెలివైన ఫైనాన్స్ విద్యార్థి, ఇన్వెస్ట్‌మెంట్ మాయా ప్రపంచంలోకి అడుగుపెట్టి అక్కడ మోసాలను ఎలా ఎదుర్కొన్నాడనేది ఈ సినిమా కథ. ఈ సినిమా పేరు, ఏ ఓటీటీలో ఉంది ? అనే వివరాలను తెలుసుకుందాం పదండి.
ఈ బ్యాంకింగ్ క్రైమ్ డ్రామా సినిమా పేరు ‘Gilded Game’. యాక్షన్ సినిమాలకు పేరుగాంచిన హర్మన్ యాయు ఈ చిత్రానికి దర్శకత్వం వహించారు. ఈ చిత్రంలో ప్రముఖ నటుడు ఆండీ లౌ ప్రధాన పాత్రలో నటించారు. ఇది 2025 మే 1న చైనాలో విడుదలైంది. ప్రస్తుతం ఈ మూవీ Apple TV లో అద్దెకు మాత్రమే అందుబాటులో ఉంది.
గావో హాన్ అనే కుర్రాడు చాలా తెలివైనవాడు కానీ పేదరికం నుండి వస్తాడు. ఫైనాన్స్ చదువు పూర్తి చేసి, ఎలాగైనా లైఫ్‌లో సెటిల్ అవ్వాలని బ్లూస్టోన్ అనే పెద్ద ఇన్వెస్ట్‌మెంట్ బ్యాంక్‌లో ఇంటర్న్‌గా చేరతాడు. అక్కడ అతనికి ఫైనాన్స్ దిగ్గజం టాడ్ జాంగ్ పరిచయం అవుతాడు. టాడ్ శిక్షణలో గావో హాన్ త్వరగానే బ్యాంకింగ్ మెళకువలు నేర్చుకుంటాడు. కానీ ఆ స్టాక్ మార్కెట్ మాయాజాలంలో బయట పడని భయంకరమైన రహస్యాలు ఉన్నాయని అతనికి నెమ్మదిగా అర్థమవుతుంది.
ఒక కథ నడిచే కొద్దీ, ఒక పెద్ద కంపెనీకి సంబంధించిన షేర్ల వ్యవహారంలో భారీ కుంభకోణం జరుగుతుందని గావో హాన్‌కు తెలుస్తుంది. తన గురువు అయిన టాడ్ జాంగ్‌తో కలిసి పని చేస్తున్నప్పుడు, అక్కడ జరుగుతున్న మార్కెట్ మోసాలు అతన్ని చిక్కుల్లో పడేస్తాయి. ఆ మరో ప్రపంచంలో నిజాయితీగా ఉండాలా ? డబ్బు కోసం తప్పు చేయాలా ? అనే ఆలోచలలో పడతాడు గావో హాన్. చివరికి ఈ క్లైమాక్స్ ఎలా ఉంటుందో తెలుసుకోవాలి అనునుకుంటే, ఈ సినిమాను మిస్ కాకుండా చూడండి.
Read Also : పూల తోటలో మృతదేహాలు… ప్రేమలో పడ్డ అమ్మాయిని కూడా… ఈ ఆరు ఎపిసోడ్‌ల క్రైమ్ థ్రిల్లర్ భీభత్సమే
Share
3D Display Laptop: లెనోవో 3D డిస్‌ప్లే ల్యాప్‌టాప్ త్వరలోనే లాంచ్.. ఫీచర్స్ లీక్
Kerala Story 2 Review : ' ది కేరళ స్టోరీ 2' రివ్యూ.. సినిమా ఎలా ఉందంటే..?
