Crime Drama OTT :ఓటీటీలలో క్రైమ్ డ్రామాలకు ఉండే క్రేజ్ అంతా ఇంతా కాదు. మర్డర్ మిస్టరీ నుంచి సీరియల్ కిల్లర్ల వరకు… ఇలాంటి సినిమాలు అంటే చెవి కోసుకుంటారు మూవీ లవర్స్. క్రేజీ ట్విస్టులతో ఎంగేజింగ్ గా ఉండే ఈ జానర్ కి మీరు కూడా అభిమానులా ? అయితే ఈ మూవీ సజెషన్ మీ కోసమే. మరి ఇంతకీ ఈ మూవీని ఎక్కడ చూడొచ్చు ? సినిమా కథ ఏంటి ? అనే విషయాలపై ఒక లుక్కేద్దాం పదండి.
బ్యాక్ టు బ్యాక్ ట్విస్టులతో మైండ్ బ్లాక్ చేసే ఈ మూవీ పేరు ‘తిట్టం ఇరందు’ (Thittam Irandu). విగ్నేష్ కార్తీక్ దర్శకత్వం వహించిన ఈ సినిమాను దినేష్ కన్నన్, వినోద్ కుమార్ సంయుక్తంగా నిర్మించారు. ఈ సినిమాలో ఐశ్వర్య రాజేష్ అతిర అనే 25 ఏళ్ల పోలీస్ ఆఫీసర్ గా నటించింది. అలాగే అతిరను ప్రేమలో పడేసే అర్జున్ గా సుభాష్ సెల్వం నటించాడు. సూర్య పాత్ర అతిర చిన్ననాటి స్నేహితురాలుగా కనిపించింది. సినిమాలో వీళ్ళ ముగ్గురివే కీ రోల్స్. ఇందులో చాలా సున్నితమైన అంశాన్ని మేకర్స్ అద్భుతంగా తెరపై చిత్రీకరించారు. పెద్దగా వైలెన్స్ లేకుండానే సీరియల్ కిల్లర్ కథనంతో క్లైమాక్స్ వరకు సస్పెన్స్ ను మెయింటైన్ చేస్తూ, చివర్లో సీట్ ఎడ్జ్ థ్రిల్ ఇచ్చారు మేకర్స్. ప్రస్తుతం ఈ మూవీ సోనీ లివ్ (Sony Liv) ఓటిటిలో స్ట్రీమింగ్ అవుతుంది.
Read Also : ‘మహారాజా’ ‘దృశ్యం’ను మించిన ట్విస్టులు… కదిలించే క్లైమాక్స్… IMDbలో 7.1 రేటింగ్
అతిర అనే అమ్మాయి లేడీ పోలీస్ ఆఫీసర్ గా పని చేస్తుంది. ఆవిడ పని మీద చెన్నైకి వెళ్ళినప్పుడు అర్జున్ అనే ఒక కొత్త వ్యక్తిని కలుస్తుంది. ఇద్దరి మధ్య నెమ్మదిగా స్నేహం మొదలవుతుంది. కొద్దికాలంలోనే ఆ స్నేహం కాస్త ప్రేమకి దారి తీస్తుంది. మరోవైపు అతిర స్నేహితురాలు సూర్య మిస్ అవుతుంది. ఆమె కనిపించకుండా పోయిందంటూ సూర్య భర్త ఇచ్చిన కంప్లైంట్ తో రంగంలోకి దిగుతుంది అతిర. తన చిన్నప్పటి స్నేహితురాలు కావడంతో ఈ కేసు మీద ఎక్కువగా దృష్టి పెడుతుంది. అయితే ఇన్వెస్టిగేషన్లో భాగంగా సూర్యను ఎవరైనా చంపేసారేమోనని అనుమానం కలుగుతుంది అతిరకి.
ఇక దర్యాప్తులో భాగంగా ఆమె చుట్టూ ఉన్నవారందరినీ సస్పెక్స్ట్ గా చూస్తుంది హీరోయిన్. ముఖ్యంగా సూర్య భర్త కిషోర్ ను మెయిన్ సస్పెక్ట్ గా తీసుకుంటుంది. ఇదిలా ఉండగానే మరో హత్య జరుగుతుంది. దానికి సూర్య హత్యతో సంబంధం ఉన్నట్టు అతిర కనిపెడుతుంది. ఇక చివర్లో అతిరకు ఊహించని షాక్ తగులుతుంది. ఇంతకీ హీరోయిన్ చిన్నప్పటి స్నేహితురాలు ఏమైంది ? ఆమె భర్త కిషోర్ సూర్యని చంపాడా ? అర్జున్ తో హీరోయిన్ ప్రేమ వ్యవహారం ఎక్కడికి దారి తీసింది ? చివరికి హీరోయిన్ సీరియల్ కిల్లర్ని పట్టుకోగలిగిందా? ఆ ఊహించని క్లైమాక్స్ కథ ఏంటి ? అన్నది మూవీని చూసి తెలుసుకోవాల్సిందే.
Share
Today Movies in TV : శనివారం టీవీల్లోకి రాబోతున్న సినిమాలు.. వాటిని మిస్ అవ్వకండి..
Nindu Noorella Saavasam Serial Today January 10th: ‘నిండు నూరేళ్ల సావాసం’ సీరియల్: స్కూల్ లో ఎదురెదురుగా మిస్సమ్మ, అమర్ 
