Crime Thriller OTT : క్రైమ్ థ్రిల్లర్ సిరీస్ లు ప్రేక్షకులు చూసేందుకు ఇప్పుడు చాలా ఇష్టపడుతున్నారు. ఇక కొరియెన్ కంటెంట్ ను అస్సలు వదలటం లేదు. డిఫరెంట్ కంటెంట్ తో వచ్చిందంటే ఆ సిరీస్ టాప్ ట్రెండింగ్ లో ఉండాల్సిందే. ఇప్పుడు మనం ఐయండిబిలో టాప్ రేటింగ్ తో నడుస్తున్న ఒక సిరీస్ గురించి చెప్పుకోబోతున్నాం. ఇది ఒక కాలేజ్ విద్యార్థి అనుకోకుండా సీరియల్ కిల్లర్ గా మారడంతో ఊహించని మలుపులు ఇస్తుంది. దీని స్టైలిష్ మేకింగ్, వేగవంతమైన స్క్రీన్ ప్లే తో ఈ సిరీస్, ప్రేక్షకులని చివరి వరకు ఉత్కంఠకు గురిచేస్తుంది. ఒక్క ఎపిసోడ్ చూస్తే ఇక మిగతా ఎపిసోడ్ ను అస్సలు చూడకుండా వదలలేరు.
ఈ కొరియన్ క్రైమ్ థ్రిల్లర్ వెబ్ సిరీస్ ‘ఎ కిల్లర్ పారడాక్స్’ (A Killer Paradox)’. ఇది కొమాబి అనే రచయిత రాసిన పాపులర్ వెబ్టూన్ ఆధారంగా రూపొందింది. దీనిని ‘స్ట్రేంజర్స్ ఫ్రమ్ హెల్’ ఫేమ్ దర్శకుడు లీ చాంగ్-హీ చాలా అద్భుతంగా తెరకెక్కించారు. విమర్శకుల నుండి ఈ సిరీస్కు అద్భుతమైన స్పందన లభించింది. ముఖ్యంగా ‘రోటెన్ టొమాటోస్’లో దీనికి 100% స్కోర్ రావడం విశేషం. నటుడు చోయ్ వూ-శిక్ తన పాత్రలో ఒదిగిపోగా, డిటెక్టివ్గా చేసిన సన్ సుక్-కు నటనకు మంచి ప్రశంసలు దక్కాయి. ఈ సిరీస్ 2025 డైరెక్టర్స్ కట్ అవార్డ్స్లో ఉత్తమ దర్శకుడు, ఉత్తమ నటుడు వంటి ప్రధాన విభాగాల్లో అవార్డులను గెలుచుకున్నారు. అలాగే ఏషియా కంటెంట్స్ అవార్డ్స్లో కూడా దీనికి గుర్తింపు లభించింది. ఎనిమిది ఎపిసోడ్ లు ఉన్న ఈ సిరీస్ 2024 ఫిబ్రవరి 9 నుంచి నెట్ఫ్లిక్స్లో స్ట్రీమింగ్ అవుతోంది.
టాంగ్ అనే ఒక కాలేజీ కుర్రాడు పొరపాటున ఒక వ్యక్తిని చంపేస్తాడు. తను చేసిన పనికి భయపడిపోయి పోలీసులకు దొరికిపోతానని ఆందోళన చెందుతుంటే, అతనికి ఒక వింత విషయం తెలుస్తుంది. తను చంపిన వ్యక్తి గతంలో ఎన్నో నేరాలు చేసిన క్రూరమైన నేరస్థుడని అర్థమవుతుంది. చిత్రంగా అతను హత్య చేసిన ప్రదేశంలో ఏ సాక్ష్యం కూడా పోలీసులకు దొరకదు. ఆ సంఘటన తర్వాత, లీ టాంగ్కు తనలో ఒక వింత శక్తి ఉందని తెలుస్తుంది. సమాజంలో నేరాలు చేస్తూ తప్పించుకు తిరుగుతున్న వాళ్ళను అతను గుర్తించగలడు. దీంతో తనే అలాంటి నేరస్థులను చంపడం మొదలుపెడతాడు. అతను చంపే ప్రతి ఒక్కరూ ఏదో ఒక ఘోరమైన నేరం చేసినవారే అయివుంటారు.
ఇక ఈ వరుస హత్యల వెనుక ఎవరున్నారో కనిపెట్టడానికి జాంగ్ నాన్-గామ్ అనే ఒక తెలివైన పోలీస్ ఆఫీసర్ రంగంలోకి దిగుతాడు. లీ టాంగ్ చేసే ప్రతి హత్యను క్షుణ్ణంగా పరిశీలిస్తూ అతనిని వెంబడిస్తుంటాడు. ఈ ఇద్దరి మధ్య జరిగే మైండ్ గేమ్స్, అలాగే మధ్యలో వచ్చే ఇతర పాత్రల వల్ల కథ చాలా ఉత్కంఠభరితంగా సాగుతుంది. చివరికి టాంగ్ ను పోలీస్ ఆఫీసర్ పట్టుకుంటాడా ? టాంగ్ హత్యల పరంపరను కొనసాగిస్తూనే ఉంటాడా ? అనే విషయాలను,ఈ సిరీస్ ను చూసి తెలుసుకోవాల్సిందే.
Read Also : మైండ్ గేమ్ తో మతిపోగొట్టే అంతుచిక్కని మిస్టరీ… అసలు పిచ్చి ఎవరికో అర్థం కాక బుర్ర తిరిగిపోయే థ్రిల్లర్
Share
సీతమ్మగా సాయి పల్లవి.. 4000 కోట్ల 'రామాయణ'లో ఆమె రెమ్యూనరేషన్ ఇంత తక్కువా?
గెర్రీమాండరింగ్తో 2029 ఎన్నికల్లో గెలవాలని బీజేపీ ప్లాన్.. రాహుల్ సంచలన ట్వీట్
