Crime Thriller OTT : ఇప్పుడు వెబ్ సిరీస్ ల టైమ్ నడుస్తోంది. చిన్న హీరోల దగ్గరనుంచి, స్టార్ హీరోల దాకా ఈ సిరీస్ లలో నటించేందుకు ఇంట్రెస్ట్ చూపిస్తున్నారు. ఇక వీటిలో కూడా థ్రిల్లర్ జానర్ ను రూపొందించేందుకు మేకర్స్ మరింత ఆసక్తిని చూపిస్తున్నారు. ఒక మంచి థ్రిల్లింగ్ ఎక్స్పీరియన్స్ కోసం కసరత్తులు చేసి ఓటీటీలోకి వదిలి అదృష్టాన్ని పరీక్షించుకుంటున్నారు. ఇక కంటెంట్ బాగుంటే ఆడియన్స్ కూడా వీటిని ఎక్కడికో తీసుకెళ్తున్నారు భాషను కూడా లెక్కచేయకుండా. ఇప్పుడు మనం చెప్పుకోబోయే సిరీస్ ఓటీటీలో రిలీజ్ అయిన తరువాత బాగా ట్రెండింగ్ లో నడిచింది. ఇది ఒక అమ్మాయి మిస్సింగ్ చుట్టూ సాగే థ్రిల్లర్. ఒక్క ఎపిసోడ్ స్టార్ట్ చేస్తే చివరి ఎపిసోడ్ దాకా అస్సలు ఆపలేరు.
ఈ అర్జెంటీనా క్రైమ్ థ్రిల్లర్ వెబ్ సిరీస్ పేరు ‘కాట్’ (Caught). ఇది ప్రముఖ రచయిత హర్లన్ కోబెన్ రాసిన నవల ఆధారంగా లాటిన్ అమెరికాలో రూపొందించబడిన మొట్టమొదటి ప్రాజెక్ట్. ఇందులో నటించిన సోలెడాడ్ విల్లామిల్ (ఆస్కార్ గెలిచిన ‘ది సీక్రెట్ ఇన్ దేర్ ఐస్’ నటి) అల్బెర్టో అమ్మాన్ (‘నార్కోస్’ ఫేమ్) తమ నటనతో సిరీస్కు ప్రాణం పోశారు. మొత్తం 6 ఎపిసోడ్లు ఉన్న ఈ లిమిటెడ్ సిరీస్, నెట్ఫ్లిక్స్లో విడుదలైన అతి తక్కువ కాలంలోనే మంచి ఆదరణ పొందింది. మిగ్యుల్ కోహన్, హెర్నాన్ గోల్డ్ఫ్రిడ్ దర్శకత్వం వహించిన ఈ సిరీస్ 2025 మార్చి 26 నుంచి నెట్ఫ్లిక్స్ (Netflix)లో అందుబాటులో ఉంది.
అర్జెంటీనాలోని బారిలోచే అనే అందమైన నగర నేపథ్యంలో ఈ కథ సాగుతుంది. ఎమా అనే ఇన్వెస్టిగేటివ్ జర్నలిస్ట్, తప్పించుకు తిరుగుతున్న నేరస్థులను పట్టుకోవడంలో దిట్ట. ఆమె ఒక టీవీ షో ద్వారా ఇలాంటి వాళ్ళని వెలుగులోకి తెస్తుంటుంది. ఈ క్రమంలో మార్టినా అనే 16 ఏళ్ల అమ్మాయి అదృశ్యం కావడంతో ఆ కేసును ఛేదించాలని ఎమా నిర్ణయించుకుంటుంది. అయితే ఈ కేసులో అసలు ట్విస్ట్ ఏంటంటే.. ఈ కిడ్నాప్ వెనక లియో అనే ఒక సోషల్ వర్కర్ ఉన్నాడని అనుమానం వస్తుంది. ఈ లియో ఎవరో కాదు, ఒకప్పుడు ఎమాకి మనసిచ్చిన పాత ప్రేమికుడు. బయట అందరూ అతన్ని చాలా మంచోడు, దైవసమానుడు అని నమ్ముతుంటారు.
కానీ ఎమాకి మాత్రం అతను ఏదో తప్పు చేస్తున్నాడని గట్టిగా అనిపిస్తుంది. తన పాత ప్రేమను పక్కన పెట్టి, వాడి అసలు రంగు బయటపెట్టాలని కంకణం కట్టుకుంటుంది. చివరికి ఆ అమ్మాయి ఏమైంది? నిజంగానే లియో ఆ అమ్మాయిని ఏమైనా చేశాడా? లేక దీని వెనక ఇంకెవరైనా పెద్ద తలకాయలు ఉన్నారా? ఎమా ఈ కేసును ఎలా డీల్ చేస్తుంది ? అనేదే అసలు కథ. క్లైమాక్స్లో వచ్చే మలుపులు మాత్రం అస్సలు ఊహించలేం.
Read Also : చదువు ఉన్నా విధిని జయించలేక… పల్లెటూరి ఆచారాల మధ్య చిక్కుకున్న ఒక డాక్టర్ కథ
Share
పోలీసులకే అంతుచిక్కని కిడ్నాప్ కేసు... షాకింగ్ ట్విస్టులతో సాగే క్రైమ్ థ్రిల్లర్
చిన్నపిల్లల చేతిలో గన్నులు.. దేవుడు కూడా చూడలేని దారుణాలు... ఐయండిబిలో 8.6 రేటింగ్
