Crime Thriller Web Series OTT : ఈ మధ్య ఇన్వెస్టిగేషన్, సీరియల్ కిల్లర్ ల కథలు ఎక్కువ ట్రెండింగ్ లో ఉంటున్నాయి. ప్రేక్షకులు కూడా వీటిని కళ్లార్పకుండా చూస్తున్నారు. ఆడియన్స్ కి కావాల్సినంత థ్రిల్ ని ఇస్తున్నాయి ఈ జోనర్ సినిమాలు. ఇక వెబ్ సిరీస్ ల గురుంచి ప్రత్యేకంగా చెప్పక్కర్లేదు ఎక్కువ శాతం ఇలాంటి జానర్ లే వస్తున్నాయి. ఇప్పుడు మనం చెప్పుకోబోయే తమిళ సిరీస్ మొదటి సీజన్ హిట్ అవ్వడంతో రెండో సీజన్ కూడా వచ్చింది. దానికి కూడా ఆడియన్స్ నుంచి మంచి రెస్పాన్స్ వచ్చింది. వరుస హత్యల నేపథ్యంలో ఈ స్టోరీ ఉంటుంది. ప్రతి ఎపిసోడ్ ఇంటెన్స్ గా సాగుతుంది. దీని పేరు, ఏ ఓటీటీలో ఉంది ? అనే వివరాల్లోకి వెళ్తే …
‘ఇరు ధురువం’ (iru dhuruvam) తమిళ క్రైమ్ థ్రిల్లర్ వెబ్ సిరీస్. ఇది సోనీలివ్ ఒరిజినల్ సిరీస్. కొత్త దర్శకుడు ఎం కుమరన్ దీనిని తెరకెక్కించాడు. అప్లాజ్ ఎంటర్‌టైన్‌మెంట్, ఎ సైన్ ఆఫ్ లైఫ్ ప్రొడక్షన్స్ బ్యానర్‌పై సమీర్ నాయర్ దీనిని నిర్మించారు. ఈ సిరీస్ ప్రధాన పాత్రలో నంద దురైరాజ్ నటించగా, అబ్దుల్,సెబాస్టిన్ ఆంటోని, అభిరామి వెంకటాచలం మిగతా పాత్రల్లో నటించారు. ఈ సిరీస్ SonyLIV కోసం రూపొందించబడిన మొదటి తమిళ ఒరిజినల్ స్ట్రీమింగ్ సిరీస్‌గా గుర్తించబడింది. మొదటి సీజన్ 2019 సెప్టెంబర్ 29న తొమ్మిది ఎపిసోడ్‌లతో విడుదలైంది. 2023 ఫిబ్రవరి 24న10 ఎపిసోడ్‌లతో రెండవ సీజన్ విడుదలైంది. ఈ సిరీస్ ప్రస్తుతం Sony LIV లో తెలుగు, తమిళం, హిందీ, మలయాళం, కన్నడ భాషల్లో స్ట్రీమింగ్ అవుతోంది.
Read Also : కిల్లర్ ని పరుగులు పెట్టించే హ్యాకర్… బుర్రకు పదును పెట్టే థ్రిల్లర్ మూవీ
విక్టర్ సెల్వరాజ్(నంద) అనే ఒక పోలీస్ ఆఫీసర్ చుట్టూ ఈ కథ తిరుగుతుంది. అతను నగరంలో జరుగుతున్న వరుస హత్యలను విచారిస్తుంటాడు. ఈ హంతకుడు హత్యలు చేయడమే కాకుండా, సంఘటనా స్థలంలో క్లూస్ కూడా వదిలి వెళ్తుంటాడు. ఇదే సమయంలో విక్టర్ భార్య కూడా మిస్సింగ్ అవుతుంది. ఇక ఈ హత్యలతో పాటు, తన భార్య మిస్సింగ్ వెనుక ఉన్న రహస్యాన్ని కూడా ఛేదించాల్సి వస్తుంది. రెండు సీజన్లు చాలా ఉత్కంఠంగా ఉంటాయి. మొదటి సీజన్ ముగిసిన చోటు నుండే రెండో సీజన్ కూడ ప్రారంభమవుతుంది. విక్టర్ తన భార్య కోసం వెతుకుతూనే, హై ప్రొఫైల్ వ్యక్తులను లక్ష్యంగా చేసుకుని జరుగుతున్న కొత్త హత్యల కేసును విచారిస్తాడు. చివరికి కిల్లర్ ఎవరు ? ఎందుకు హత్యలు చేస్తున్నాడు ? విక్టర్ భార్య మిస్సింగ్ వెనుక సీక్రెట్ ఏమిటి ? అనే విషయాలను ఈ తమిళ క్రైమ్ థ్రిల్లర్ వెబ్ సిరీస్ ను చూసి తెలుసుకోండి.
Share
Rafale Jets: భారత రక్షణ రంగంలో సరికొత్త శకం.. 114 రాఫెల్ విమానాల కొనుగోలుకు గ్రీన్ సిగ్నల్!
Nellore District: రాష్ట్రంలో దారుణ విషాదం.. సముద్రంలో స్నానానికి వెళ్లి నలుగురు యువకులు గల్లంతు
