Crime Thriller Movie on OTT : దెయ్యాలు, దేవుళ్ళు అనే విషయాలను చాలామంది నమ్ముతారు. అలాగే ఎంతోమంది నమ్మని వాళ్ళు కూడా ఉన్నారు. మరి అలాంటి వారికి కూడా దెయ్యాలు కన్పిస్తే, అవి కళ్ళముందే కదలాడుతూ ఒక్కొక్కరినీ భయంకరంగా హత్య చేస్తే ? తనను చంపిన వాళ్లపై ఓ ఆత్మ ఎలా పగ తీర్చుకుంది ? అన్న ఇంట్రెస్టింగ్ పాయింట్ తో తెరకెక్కిన ఇన్వెస్టిగేటివ్ హారర్ మూవీనే ఈరోజు మన మూవీ సజెషన్. మరి ఆ మూవీ ఏ ఓటీటీలో స్ట్రీమింగ్ అవుతోంది ? మూవీ కథేంటి ? అన్నది తెలుసుకుందాం పదండి.
అద్భుతమైన సూపర్ నేచురల్ క్రైమ్ థ్రిల్లర్ A Haunting in Venice (2023). అగాథా క్రిస్టీ రాసిన ‘Hallowe’en Party’ నవల ఆధారంగా తెరకెక్కిన మూవీ ఇది. ప్రముఖ డిటెక్టివ్ హెర్క్యులే పోయిరోట్ (కెన్నెత్ బ్రానాగ్) రిటైర్మెంట్ తరువాత, ఒక భయంకరమైన మిస్టరీని ఎలా ఛేదించాడనే కథే ఈ సినిమా స్టోరీ. ఈ సినిమా ప్రస్తుతం JioHotstar లో తెలుగు, హిందీ, ఇంగ్లీష్ భాషల్లో స్ట్రీమింగ్ కి అందుబాటులో ఉంది. క్రైమ్ థ్రిల్లర్ కు హారర్ ఎలిమెంట్స్ కూడా కలిపి అద్భుతంగా తెరకెక్కించారు. వెనిస్ నగరపు చీకటి సందులు, పాత కాలపు భవనాలు ఈ సినిమాలో స్పెషల్ థ్రిల్ ను ఇస్తాయి. అగాథా క్రిస్టీ రాసిన ‘Murder on the Orient Express’ లేదా ‘Death on the Nile’ సినిమాలను చూసిన వాళ్లకు ఈ సినిమా ఖచ్చితంగా నచ్చుతుంది. అలాగే హారర్ జానర్ ను ఇష్టపడే వాళ్ళు కూడా డోంట్ మిస్.
ప్రముఖ హెర్క్యులే పోయిరోట్ ఇందులో హీరో క్యారెక్టర్. రెండవ ప్రపంచ యుద్ధం తర్వాత ఆయన రిటైర్మెంట్ తీసుకుంటాడు. వెనిస్ నగరంలో ప్రశాంతంగా బతుకుతాడు. అయితే పాత స్నేహితురాలు, రచయిత్రి అరియాడ్నే ఆలివర్ ఎంట్రీ ఇచ్చి అతని జీవితాన్ని మార్చేస్తుంది. అతన్ని ఒక ‘సెయాన్స్’ అనే ఆత్మలతో మాట్లాడే కార్యక్రమానికి ఆహ్వానిస్తుంది. ఈ తతంగం అంతా ఒక పాత భవనంలో షురూ అవుతుంది. కానీ ఆ భవనానికి ఒక భయంకరమైన స్టోరీ ఉంటుంది. గతంలో చాలా మంది పిల్లలు అక్కడ చనిపోయారని, వారి ఆత్మలు ఇంకా అక్కడే ఉన్నాయని అందరూ కథలు కథలుగా చెప్పుకుంటూ ఉంటారు. ఆ భవన యజమాని తన చనిపోయిన కూతురు ఆత్మతో మాట్లాడాలని ఇప్పుడు ఈ దెయ్యలతో మాట్లాడే కార్యక్రమాన్ని ఏర్పాటు చేస్తుంది.
ఆత్మలతో మాట్లాడే మహిళ సెయాన్స్ జరుగుతున్న సమయంలోనే సడన్ గా హత్యకు గురవుతుంది. బయటేమో భయంకరమైన తుఫాను, ఇంట్లో ఊహించని మర్డర్ తో వణికిపోయే వాతావరణం ఏర్పడుతుంది. ఇక ఆత్మలను ఏమాత్రం నమ్మని పోయిరోట్, ఇది మనిషి చేసిన హత్యే అని బలంగా నమ్ముతాడు. అయితే ఆ భవనంలో వస్తున్న వింత శబ్దాలు, కంటికి కనిపించని ఆకృతులు అతనికి కూడా కన్పించడంతో గందరగోళం ఏర్పడుతుంది.
ఈ క్రమంలోనే పోయిరోట్ తన తెలివితేటలకు పని చెపుతాడు. ఆ భవనంలోని ప్రతి ఒక్కరిని తనదైన స్టైల్ లో విచారిస్తాడు. ఈ ఇన్వెస్టిగేషన్ లో ఆ భవన యజమాని కూతురు గతంలో ఎలా చనిపోయింది ? ఆ హత్యకు, ఇప్పుడు జరిగిన హత్యకు ఉన్న లింక్ ఏంటి ? అనే విషయాలను కూడా కనిపెడతాడు. మనుషులు ఆత్మల పేరుతో తమ పాపాలను ఎలా కప్పిపుచ్చుకుంటారో ఆధారాలతో సహా అతను ప్రూవ్ చేస్తాడు. మరి నిజంగానే అక్కడ దెయ్యాలు ఉన్నాయా? అంతమంది మనుషులు ఉండగా ఆ మహిళను ఎవరు, ఎలా హత్య చేశారు ? అన్నది ఈ సినిమా ఇంట్రస్టింగ్ క్లైమాక్స్.
Read Also : రొటీన్ ఫార్ములాను బ్రేక్ చేసిన ‘సైకలాజికల్ మాస్టర్ పీస్’.. ఈ సినిమా వేరే లెవెల్..
Share
చిన్న డిటెక్టివ్ చేతికి పెద్ద కేసు... నవ్వులు పూయిస్తూనే వెన్నులో వణుకు పుట్టించే మర్డర్ మిస్టరీ
Weekly Horoscope May 10 To May 16: ఈ వారం ఆ రాశి రాజకీయ నాయకులకు అద్బుతంగా ఉంటుంది
