Crime Thriller Series OTT : ఈ డిజిటల్ ప్రపంచంలో లైక్స్, ఫాలోవర్స్ కోసం జనం ఈ మధ్య ఎంతకైనా తెగిస్తున్నారు. ఈ నేపథ్యంలో ఓటీటీలోకి ఒక వెబ్ సిరీస్ రీసెంట్ గా స్ట్రీమింగ్ కి వచ్చింది. ఇది డిజిటల్ ప్రపంచంలోని మోసాలను, రహస్యాలను ఆసక్తికరంగా చూపిస్తుంది. ఇందులో వరుసగా సోషల్ మీడియా ఇన్ఫ్లుయెన్సర్లు హత్యకు గురవుతుంటారు. ఈ హత్యలను ఒక పోలీస్ డిటెక్టివ్ ఇన్వెస్టిగేషన్ చేయడం మొదలు పెడతాడు. ఆ తరువాత ఊహించని ట్విస్ట్లు వస్తూనే ఉంటాయి.
2026లో వచ్చిన ఈ తైవానీస్ క్రైమ్ థ్రిల్లర్ వెబ్ సిరీస్ పేరు ‘మిలియన్ ఫాలోయర్ డిటెక్టివ్’ (Million-Follower Detective). 8 ఎపిసోడ్లతో నడిచే ఈ సిరీస్ కు షాన్ సు దర్శకత్వం వహించారు. ఇందులో ప్రముఖ హాంకాంగ్ నటుడు ఎకిన్ చెంగ్ ప్రధాన పాత్రలో నటించారు. ఇతర ముఖ్య పాత్రల్లో లౌ జున్-షువో, ప్యాటీ లీ నటించారు. ఇది 2026 ఫిబ్రవరి 13 నుంచి నెట్ఫ్లిక్స్ (Netflix) లో అందుబాటులో ఉంది.
సిటీలో సోషల్ మీడియా ఇన్ఫ్లుయెన్సర్లు వరుసగా హత్యకు గురవ్వడం పెద్ద సంచలనం రేపుతుంది. విచిత్రం ఏంటంటే, ఈ హత్యలు జరగక ముందే విచ్ బాబా అనే ఒక మిస్టరీ ఆన్లైన్ జ్యోతిష్యుడు వాటిని ముందుగానే ఊహిస్తాడు. ఈ కేసును ఇన్వెస్టిగేట్ చేసే సీనియర్ డిటెక్టివ్ చెన్ చియా-జెన్, అనుకోకుండా తనే ఒక వైరల్ వీడియో వల్ల ఫేమస్ అయిపోతాడు. దాంతో కేసును ఛేదించడానికి మిలియన్ ఫాలోయర్లు ఉన్న యూజీ అనే ఒక పాపులర్ యూట్యూబర్తో అతను టీమ్ కట్టాల్సి వస్తుంది.
ఇన్వెస్టిగేషన్ సాగే కొద్దీ, ఈ హత్యల వెనుక ఉన్న అసలు కారణాలు, ఆన్లైన్ మాఫియా గురించిన షాకింగ్ విషయాలు బయటపడతాయి. ఒక పక్క కిల్లర్ను పట్టుకోవడానికి ప్రయత్నిస్తూనే, మరొక పక్క తన కూతురితో ఉన్న పర్సనల్ గొడవలతో ఇబ్బంది పడుతుంటాడు. చివరికి ఆ డిటెక్టివ్ కిల్లర్ ని పట్టుకున్నాడా ? అసలు కిల్లర్ ఎందుకు సోషల్ మీడియా ఇన్ఫ్లుయెన్సర్లను చంపుతున్నాడు ? విచ్ బాబాకి ఈ హత్యల గురించి ముందే ఎలా తెలుస్తోంది ? అనే విషయాలను ఈ క్రైమ్ థ్రిల్లర్ వెబ్ సిరీస్ ను చూసి తెలుసుకోవాల్సిందే.
Read Also : వింతైన విమాన ప్రమాదం… అగ్రరాజ్యం రాజకీయాలను కదిలించే మర్డర్ మిస్టరీ… ఇంటెన్స్ సస్పెన్స్ థ్రిల్లర్
Share
Today Movies in TV : బుధవారం టీవీ సినిమాలు.. ఆ రెండు వెరీ స్పెషల్..
Jagadatri Deepthi : దీప్తి లవ్ స్టోరీలో ట్విస్ట్.. మా పెళ్లి ఎలా జరిగిందంటే..?
