Crime Thriller Series OTT : రియల్ సంఘటనల ఆధారంగా ఓటీటీని షేక్ చేసింది ఒక క్రైమ్ థ్రిల్లర్ సిరీస్. ఇది థ్రిల్లర్ జానర్ లో టాప్ 10 ట్రెండింగ్ లో నిలిచింది కూడా. ఐయండిబిలో దీనికి 8.2 రేటింగ్ ఉందంటే దీని కథ ఏమిటో తెలిసిపోతుంది. చిన్నప్పుడు స్కూల్ లో దారుణంగా వేధింపులకు గురైన ఒక అమ్మాయి పదేళ్ళ తరువాత రివేంజ్ తీర్చుకునే క్రమంలో ఈ కథ సాగుతుంది. చూశాక మళ్ళీ ఒకసారి చూడాలనిపిస్తుంది ఈ సిరీస్ ను. మేకింగ్ స్టైల్ అంత అద్భుతంగా ఉటుంది మరి.
2022లో వచ్చిన ఈ సూపర్ హిట్ క్రైమ్ థ్రిల్లర్ బ్ సిరీస్ పేరు ‘ది గ్లోరీ’ (The Glory). ఈ సిరీస్లో ఒక వింత విశేషం ఏంటంటే, కథలో హీరోగా నటించిన లీ దో-హ్యున్, విలన్ పాత్రలో నటించిన లిమ్ జి-యోన్ షూటింగ్ సమయంలోనే ప్రేమలో పడ్డారు. ప్రస్తుతం వీరిద్దరూ రియల్ లైఫ్ కపుల్గా కొనసాగుతున్నారు. ఇక అవార్డుల విషయానికొస్తే, 2023 బేక్సాంగ్ ఆర్ట్స్ అవార్డ్స్లో ఈ సిరీస్ ‘బెస్ట్ డ్రామా’గా నిలవడమే కాకుండా, హీరోయిన్ సాంగ్ హ్యే-క్యో ‘బెస్ట్ యాక్ట్రెస్’ అవార్డును కూడా గెలుచుకుంది.
ఇది విడుదలైన తర్వాత నెట్ఫ్లిక్స్లో ప్రపంచవ్యాప్తంగా టాప్ ట్రెండింగ్లో నిలిచింది. ఈ సిరీస్ 16 ఎపిసోడ్లతో రెండు భాగాలుగా విడుదలయ్యింది. పార్ట్-2 రిలీజ్ అయినప్పుడు వ్యూయర్ షిప్ ఎంతలా ఉందంటే, కొన్ని దేశాల్లో నెట్ఫ్లిక్స్ సర్వర్లు కూడా కాసేపు మొరాయించాయి. ఈ సిరీస్ కోసం మెయిన్ హీరోయిన్ సాంగ్ హ్యే-క్యో ఒక్కో ఎపిసోడ్కు దాదాపు 1.2 కోట్ల రూపాయల పారితోషికం తీసుకున్నట్లు సమాచారం. ఈమెకు ఇది కెరీర్లోనే బిగ్గెస్ట్ హిట్లలో ఒకటి. అలాగే విలన్ పాత్ర చేసిన లిమ్ జి-యోన్ కి ఈ సిరీస్ తర్వాత విపరీతమైన పాపులారిటీ వచ్చింది. తెలుగులో డబ్బింగ్ వెర్షన్ లో కూడా ఇది అందుబాటులో ఉంది.
స్కూల్లో ఉన్నప్పుడు ఒక హీరోయిన్ ను కొందరు డబ్బున్న రౌడీ బ్యాచ్ పిల్లలు కలిసి నరకం చూపిస్తారు. ఒంటి మీద వాతలు పెట్టడం, కొట్టడం లాంటివి చేసి ఆమె చదువుని, జీవితాన్ని నాశనం చేస్తారు. ఆ బాధ భరించలేక చనిపోదాం అనుకున్న ఆ పిల్ల, తనని ఏడిపించిన వాళ్ళ పని పట్టాలని గట్టిగా డిసైడ్ అవుతుంది. తిండి తిన్నా తినకపోయినా కష్టపడి చదివి, పదేళ్ల తర్వాత అదే బ్యాచ్ ముందర ఒక టీచర్లా వచ్చి నిలబడుతుంది. హీరోయిన్ తన పగని తీర్చుకోవడానికి ఒక్కో అడుగు చాలా ప్లాన్గా వేస్తుంది. తనని వేధించిన మెయిన్ విలన్ కూతురు చదువుతున్న స్కూల్లోనే టీచర్గా జాయిన్ అవుతుంది.
ఇక ఆ రౌడీ బ్యాచ్లో ఉన్న ఒక్కొక్కడి గుట్టు లాగుతూ, వాళ్ళ మధ్యనే గొడవలు పెడుతుంది. వాళ్ళకి తెలియకుండానే వాళ్ళ చుట్టూ ఒక ఉచ్చు బిగిస్తుంది. ఈ క్రమంలో ఆమెకి ఒక డాక్టర్ కూడా హెల్ప్ చేస్తాడు, అతను కూడా తన సొంత పగ కోసం చూస్తుంటాడు. చివరికి ఆ విలన్ గ్యాంగ్ చేసిన పాపాలన్నీ ఒక్కొక్కటిగా బయటపడతాయి. కొందరు జైలుకి వెళ్తారు, కొందరు ఒకరినొకరు చంపుకుంటారు. తను పడ్డ కష్టానికి డబుల్ ట్రీట్మెంట్ వాళ్ళకి ఇచ్చి, అందరినీ రోడ్డు మీదకి లాగుతుంది హీరోయిన్. ఒక్క రక్తపు బొట్టు కూడా తన చేతికి అంటకుండానే, వాళ్ళ జీవితాలని ముక్కలు ముక్కలు చేసి తన పగ తీర్చుకుంటుంది.
Read Also : మాయా తాయత్తు కోసం రాక్షసులతో భీకరమైన పోరాటం… ఓటీటీలో ఆకట్టుకుంటున్న ఫాంటసీ అడ్వెంచర్
Share
అన్న తెచ్చిన తంటాలతో తమ్ముడికి తప్పని తిప్పలు... మామూలు రచ్చ కాదిది
Gundeninda Gudigantalu Shruthi : 'గుండెనిండా గుడిగంటలు ' డబ్బుడమ్మ ఇక కనిపించదా?
