Fantasy Adventure OTT : ఓటీటీలోకి ఒక ఫాంటసీ అడ్వెంచర్ సినిమా వచ్చేసింది. ఇది పాత కాలపు అడ్వెంచర్ సినిమాలను ఇష్టపడే వారికి, ముఖ్యంగా కత్తుల యుద్ధాలు, వింత రాక్షసుల కథలను కోరుకునే వాళ్ళకి ఒక మంచి ఆప్షన్. ఈ సినిమా ప్రత్యేకత ఏమిటంటే, ఇందులో నేటి కాలపు సినిమాల్లో లాగా కంప్యూటర్ గ్రాఫిక్స్ వాడకుండా, 80ల నాటి పద్ధతిలో ప్రాక్టికల్ ఎఫెక్ట్స్ ఉపయోగించి తీశారు. అంటే రాక్షసుల కోసం రబ్బరు సూట్లు, మాస్కులు ,కదిలే బొమ్మలను వాడారు. దీనిని చూస్తున్నప్పుడు పాత కాలం సినిమాలను చూసిన ఫీలింగ్ కలుగుతుంది. ఈ కథలో ఒక యోధుడు, ఒక శపించబడిన తాయెత్తును పొందుతాడు. దానివల్ల కలిగే ప్రమాదాలు, రాక్షసులతో అతను చేసే పోరాటమే ఈ సినిమా.
ఈ ఫాంటసీ సినిమా పేరు ‘డెత్స్టాకర్’ (Deathstalker). దీనికి స్టీవెన్ కోస్టాన్స్కీ దర్శకత్వం వహించారు. ప్రముఖ గిటారిస్ట్ స్లాష్ ఈ సినిమాకు నిర్మాతగా వ్యవహరించడమే కాకుండా, తనదైన శైలిలో అదిరిపోయే మ్యూజిక్ కూడా ఇచ్చారు. హాలీవుడ్ యాక్షన్ స్టార్ డేనియల్ బెర్న్హార్డ్ ఇందులో డెత్స్టాకర్ పాత్రలో నటించారు. ఆయన గతంలో ‘జాన్ విక్’ వంటి సినిమాల్లో తన ఫైట్స్తో మెప్పించారు. ఈ సినిమా సుమారు 1 గంట 30 నిమిషాల నిడివితో కుర్చీలకు కట్టిపడేస్తుంది. 2025 అక్టోబర్ 10న విడుదలైన ఈ సినిమా, ప్రస్తుతం Shudder ఓటీటీలో అందుబాటులో ఉంది. మీరు దీనిని Amazon Prime Video, Apple TV, Google Play Movies లలో అద్దెకు కూడా తీసుకోవచ్చు.
డెత్ స్టాకర్ అనే ఒక బలమైన యోధుడు, తన ప్రయాణంలో ఒక పురాతనమైన, శపించబడిన తాయెత్తును చజిక్కించుకుంటాడు. అయితే ఆ తాయెత్తు వెనుక ఒక మంత్రగాడు, అతని రాక్షస సైన్యం ఉన్నారని అతనికి ఆలస్యంగా తెలుస్తుంది. దాని కోసం వాళ్ళు డెత్స్టాకర్ను వెంటాడటం మొదలుపెడతారు. ఈ క్రమంలో డెత్స్టాకర్కు డూడాడ్ అనే ఒక వింత ప్రాణి, అలాగే బ్రిస్బేన్ అనే ఒక డేరింగ్ యువతి తోడవుతారు. వీళ్ళంతా కలిసి ఆ మంత్రగాడి మనుషులను ఎదుర్కోవాల్సి వస్తుంది. సినిమా అంతా పాత కాలపు కత్తుల యుద్ధాలు, వింత రాక్షసులతో ఉత్కంఠభరితంగా సాగుతుంది. చివరికి ఆ శపించబడిన తాయెత్తు అసలు సీక్రెట్ ఏమిటి ? ఆ మంత్రగాడిని డెత్స్టాకర్ తన కత్తి పవర్తో ఎలా మట్టికరిపించాడు ? అనే విషయాలను ఈ సినిమాను చూసి తెలుసుకోవాల్సిందే.
Read Also : రైలు పట్టాలపై పసివాడి ప్రయాణం… ప్రపంచం మొత్తాన్ని ఏడిపించిన ఒక మాస్టర్ పీస్… ఐయండిబిలో 8 రేటింగ్
Share
ఇదెక్కడి వింత.. గ్యాస్ లేకున్నా బ్లూ కలర్ మంట! ఈ ప్లాస్మా పొయ్యి ధర, కథా కమామిషు మీ కోసం..
సంగీతం కోసం దెయ్యంతో దోస్తీ... అక్కాచెల్లెళ్ల మధ్య చిచ్చు పెట్టే డైరీ... వణికిస్తున్న స్టోరీ
