Crime Thriller OTT : సైకో థ్రిల్లర్ సినిమాలకు ఓటీటీ ఎప్పటికీ ఎవర్ గ్రీన్ ఆదరణ ఉంటుంది. కిల్లర్ మర్డర్ చేసే తీరు ఒళ్లు గగుర్పొడిచే విధంగా ఉన్నప్పటికీ, ఇన్వెస్టిగేషన్, పోలీసుల నుంచి సైకో తప్పించుకుని తిరిగే తీరు రెప్ప వేయకుండా సినిమాను చూసేలా చేస్తుంది. ఈరోజు మన మూవీ సజెషన్ కూడా క్షణక్షణం ఉత్కంఠభరితంగా ఉండే అలాంటి సినిమానే. మరి ఆ మూవీ ఏ ఓటీటీలో ఉంది ? స్టోరీ ఏంటి ? అనే వివరాలను తెలుసుకుందాం పదండి.
“ది బోన్ కలెక్టర్” మూవీ 1999లో విడుదలైంది. ఈ అమెరికన్ క్రైమ్ థ్రిల్లర్ మూవీ అదే పేరుతో జెఫరీ డీవర్ రాసిన నవల ఆధారంగా రూపొందింది. ఇందులో డెంజెల్ వాషింగ్టన్, ఏంజెలీనా జోలీ నటన ఆకట్టుకుంటుంది. ఫిలిప్ నోయిస్ ఈ సినిమాకు దర్శకత్వం వహించగా, డెంజెల్ వాషింగ్టన్ (Denzel Washington), ఏంజెలీనా జోలీ (Angelina Jolie), క్వీన్ లతీఫా, మైఖేల్ రూకర్ తదితరులు ప్రధాన పాత్రలు పోషించారు. 2 గంటల రన్ టైమ్ ఉన్న ఈ మూవీకి IMDbలో 6.7 రేటింగ్ ఉంది. కానీ అప్పట్లో ఆడియెన్స్ తో పాటు క్రిటిక్స్ నుంచి మంచి రెస్పాన్స్ దక్కింది. 48 మిలియన్ల బడ్జెట్ తో తీసిన ఈ మూవీ 151 మిలియన్ డాలర్లు కొల్లగొట్టి నిర్మాతలకు కాసుల పంట కురిపించింది. ప్రస్తుతం ఈ మూవీ నెట్ ఫ్లిక్స్ (Netflix)లో అందుబాటులో ఉంది.
Read Also : ఓటీటీలోకి వచ్చేసిన సెన్సేషనల్ కోర్టు రూమ్ డ్రామా ‘హక్’… అస్సలు మిస్ అవ్వొద్దు భయ్యా
టాప్ ఫోరెన్సిక్ క్రిమినాలజిస్ట్ గా పేరు తెచ్చుకుంటాడు లింకన్ రైమ్ (డెంజెల్ వాషింగ్టన్). అలాగే ఆయన ఒక డిటెక్టివ్ కూడా. ఇంతటి టాలెంట్ ఉన్న లింకన్ ఓ యాక్సిడెంట్ లో గాయపడతాడు. ఈ ప్రమాదంలో పక్షవాతం వచ్చి, బెడ్ కే పరిమితం అయిపోతాడు. మరోవైపు ఒక సీరియల్ కిల్లర్ ఘోరంగా హత్యలు చేస్తూ న్యూయార్క్ ను వణికిస్తాడు. అయితే అతను హత్య చేసిన చోటల్లా ఓ వింత హింట్ వదిలేస్తాడు. ప్రతి క్రైమ్ సీన్ లో తాను చంపిన మనిషి ఎముక ముక్కలను క్లూస్ గా వదిలేసి, చేతనైతే తనను పట్టుకోమని హింట్ వదులుతాడు. ఈ కిల్లర్ కు పోలీసులు “బోన్ కలెక్టర్” అనే పేరు పెడతారు.
ఇదిలా ఉండగా యంగ్ ప్యాట్రోల్ ఆఫీసర్ అమెలియా డోనాఘీ (ఏంజెలీనా జోలీ) రంగంలోకి దిగుతుంది. ఆమె అద్భుతమైన ఫోరెన్సిక్ స్కిల్స్ చూసి, సైకో కేసును ఇన్వెస్టిగేట్ చేస్తున్న రైమ్ తన టీమ్ లోకి తీసుకుంటాడు. ఆమెను ఉపయోగించి కిల్లర్ ను పట్టుకోవడానికి ట్రై చేస్తాడు. మరి కిల్లర్ వీళ్ళకి చిక్కాడా ? ఎందుకింత బ్రూటల్ గా హత్యలు చేస్తున్నాడు ? అనేది మూవీలో చూసి తెలుసుకోవాల్సిందే.
Share
Thriller Movies OTT : సైకలాజికల్ థ్రిల్లర్ల నుండి మిస్టరీ డ్రామా వరకు... ఓటీటీలో ఉన్న సీట్ ఎడ్జ్ థ్రిల్లర్లు
Bigg Boss : బిగ్ బాస్ లో కొట్టుకున్న కంటెస్టెంట్స్.. ఇదేం టాస్క్ రా అయ్యా..
