Crime Thriller OTT : పెద్ద స్టార్లు లేకపోయినా కొన్ని సినిమాలు ప్రేక్షకులను అమాంతం ఆకట్టుకుంటాయి. ఈ సినిమాలో తక్కువ బడ్జెట్ లో వచ్చిన కూడా ప్రేక్షకుల మనసులో చెరగని ముద్ర వేసుకుంటాయి. అలాంటి మూవీ గురించి ఇప్పుడు మనం చెప్పుకోబోతున్నాం. ఈ సినిమా 4 అవార్డులతో పాటు తొమ్మిది అంతర్జాతీయ నామినేషన్లను కూడా పొందింది. ఇప్పుడు ఈ సినిమాకి సీక్వెల్ కూడా రాబోతుంది. ఈ సినిమా పేరు ఏమిటి ? ఆ వివరాలు ఏంటో తెలుసుకుందాం పదండి.
2022లో విడుదలైన ఈ హిందీ క్రైమ్ థ్రిల్లర్ మూవీ పేరు ‘వాద్’ (Vadh). దీనిని జస్పాల్ సింగ్ సంధు, రాజీవ్ బర్న్వాల్ రచించి దర్శకత్వం వహించారు. ఇది 2022 డిసెంబర్ 9 న థియేట్రికల్‌గా విడుదలైంది. ఈ చిత్రం పెద్ద తారలు లేకుండానే నాలుగు అవార్డులు, తొమ్మిది అంతర్జాతీయ నామినేషన్లు అందుకుంది. జస్పాల్ సింగ్ సంధు ఫిల్మ్‌ఫేర్ ఉత్తమ తొలి దర్శకుడి అవార్డును గెలుచుకున్నాడు. సంజయ్ మిశ్రా ఫిల్మ్‌ఫేర్ క్రిటిక్స్ ఉత్తమ నటుడి అవార్డును గెలుచుకున్నాడు. ఈ సినిమా IMDbలో 7.2 రేటింగ్‌ను కూడా పొందింది. మీరు ఈ సినిమా చూడాలనుకుంటే నెట్‌ఫ్లిక్స్‌లో అందుబాటులో ఉంది.
ఒక వృద్ధ జంట చుట్టూ తిరిగే ఈ చిత్రానికి సీక్వెల్ తెరపైకి రావడానికి సిద్ధంగా ఉంది. ఈ క్రైమ్-థ్రిల్లర్‌లో తమ నటనతో అందరినీ ఆశ్చర్యపరిచిన ఈ జంట “వాధ్ 2″తో తిరిగి వస్తున్నారు. దీని ట్రైలర్ జనవరి 27న విడుదల కానుంది. ఇది మొదటి భాగం మాదిరిగానే ఉత్కంఠతను కలిగి ఉంటుందని చెబుతున్నారు మేకర్స్. “వాధ్ 2” 2026 ఫిబ్రవరి 6న థియేటర్లలోకి రానుంది. ప్రేక్షకులు ఈ సినిమా గురించి ఆసక్తిగా ఎదురుచూస్తున్నారు. ఇటీవల నిర్మాతలు ఈ సినిమాకు సంబంధించి ఒక పోస్టర్‌ను కూడా విడుదల చేశారు. ఇందులో సంజయ్ మిశ్రా, నీనా గుప్తా మరొక్క సారి మెరవనున్నారు.
ఈ చిత్రం ఒక వృద్ధ జంట చుట్టూ తిరుగుతుంది. వాళ్ళ కొడుకు విదేశాలకు చదువు కోసం వెళ్ళాక అసలు కథ మొదలవుతుంది. అతని భవిష్యత్తు కోసం తమ ఇంటిని కూడా తాకట్టు పెడతారు ఈ తల్లిదండ్రులు. కానీ కొడుకు క్రమంగా వాళ్ళకు దూరమవుతాడు. ఆ జంట ఆర్థికంగా కుదదేలవుతారు. ఒక వడ్డీ వ్యాపారి డబ్బు కోసం వారిని వేధించడం మొదలు పెడతాడు. పరిస్థితులు శంభునాథ్ ఒక నేరం చేయడానికి దారితీస్తాయి. దీంతో వీళ్ళ జీవితాలు పూర్తిగా తలకిందులు అవుతాయి. దీని నుంచి వీళ్ళు ఎలా బయట పడతారన్నదే ఈ కథ.
Read Also : 8వ రాత్రి శాపం… చూశారంటే పోతారు… హార్ట్ వీక్ గా ఉన్నవాళ్ళు చూడకూడని హర్రర్ మూవీ
Share
Ambati Rambabu: రెడ్ బుక్, పిచ్చి బుక్ ను నా కుక్క కూడా లెక్క చేయదు: అంబటి రాంబాబు
Demon -Ritu: అరె.. ఇలా దొరికిపోయారేంట్రా? రీతూ, పవన్ల డ్యాన్స్పై ట్రోలింగ్
