Romantic Thriller OTT : ఓటీటీలోకి ఒక కొత్త తమిళ మూవీ స్ట్రీమింగ్ కు వచ్చింది. థియేటర్లలో రిలీజ్ అయిన రెండు నెలలకు ఇది డిజిటల్ ఆడియన్స్ ని పలకరిస్తోంది. ఈ మూవీ అమ్మాయిలతో మాట్లాడడానికి తెగ భయపడిపోయే ఒక యువకుడి చుట్టూ తిరుగుతుంది. తన భయాన్ని పోగొట్టుకోవడానికి, ఒక రోజు అమ్మాయిని కూడా అద్దెకు తీసుకుంటాడు. అయితే ఇక్కడినుంచే స్టోరీ ఊహించని మలుపులు తిరుగుతుంది. ఈ సినిమా థియేటర్లలో మంచి టాక్ తో నడిచింది. అయితే ఇప్పుడు ఏకంగా మూడు ఓటీటీలలో స్ట్రీమింగ్ కి వచ్చింది.
ప్రవీణ్ కె మణి దర్శకత్వం వహించిన ఈ తమిళ రొమాంటిక్ థ్రిల్లర్ మూవీ పేరు ‘డియర్ రాధి’ (Dear Radhi). ఇందులో శరవణ విక్రమ్ (మదన్), హస్లీ అమన్ (రాధీ) ప్రధాన పాత్రల్లో నటించారు. ఈ చిత్రం 2026 జనవరి 2న థియేటర్లలోకి వచ్చింది. ఈ సినిమా 2026 మార్చి 6 నుండి Sun NXT, Simply South, Tentkotta ఓటీటీ ప్లాట్ ఫామ్లలో అందుబాటులో ఉంది. ప్రస్తుతం ఈ సినిమా తమిళ భాషలో మాత్రమే ఉంది.
మదన్ అనే కుర్రాడు ఐటీ ఉద్యోగం చేస్తున్నా, అతనికి ఆడపిల్లలంటే తెగ భయం. గైనోఫోబియా(మహిళల భయం)తో ఎవరితోనూ సరిగ్గా మాట్లాడలేక, బిక్కుబిక్కుమంటూ బతికేస్తుంటాడు. దీంతో ఒక రోజు మధన్ స్నేహితుడు స్పా లో పనిచేసే రాధిక అనే అమ్మాయిని అతనికి పరిచయం చేస్తాడు. ఈ భయాన్ని పోగొట్టుకోవాలని మదన్ కూడా ఆమెకు డబ్బులిచ్చి, తనతో ఒక రోజంతా గడపమని అడుగుతాడు. అయితే శారీరకంగా కాకుండా, తన భయాలను ఎదుర్కోవడానికి మాత్రమే ఆమెతో 24 గంటలు మాట్లాడమని మధన్ అడుగుతాడు. ఏదో సరదాగా గడిచిపోతుందనుకుంటే, అసలు కథ అక్కడే మొదలవుతుంది. ఆ అమ్మాయి గతం అంత ఈజీగా ఉండదు. తన వెనుక ఒక పెద్ద క్రిమినల్ గ్యాంగ్ పడుతుంది.
ఇక ఆ ఒక్క రోజులో మదన్ జీవితం మొత్తం రివర్స్ అయిపోతుంది. ఇటు రాధీని చంపాలని చూసే గ్యాంగ్, అటు వెంటాడే పోలీసులు.. వీరిద్దరి మధ్య మదన్ ఎలా ఇరుక్కుపోయాడు ? తన భయాన్ని మర్చిపోయి ఆ అమ్మాయిని ఎలా కాపాడాడు ? అనేదే సినిమా. లవ్, కామెడీ కంటే కూడా ఈ సినిమాలో వచ్చే ఆ ఛేజింగ్ సీన్లు, ఆ అమ్మాయి వెనకున్న సీక్రెట్ చాలా రఫ్ అండ్ టఫ్ గా ఉంటాయి.
Read Also : తండ్రిని జైలుకు పంపే కూతురు… భర్త కోసం భార్య ఎదురుచూపులు… ఏడిపించే ఎమోషన్స్ కూడా
Share
Road Accident: రంగారెడ్డి జిల్లాలో కారు బీభత్సం.. బైక్ను ఢీకొట్టి 2 కి.మీ ఈడ్చుకెళ్లిన కారు
Luxury Train: పట్టాల మీద పరుగులు తీసే ప్యాలెస్, ఈ రైళ్లో వెళ్లాలంటే ఆస్తులు అమ్ముకోవాల్సిందే!
