Dilruba OTT Delay: జీవితంలోనే కాదు ప్రేమలో కూడా ఒక చిన్న పొరపాటు చేసినా జీవితం ఎంతగా మారుతుందో ప్రత్యేకంగా చెప్పక్కర్లేదు. ప్రేమను నిరూపించుకోవడానికి మనం చేసే చిన్న చిన్న తప్పులే లైఫ్ ను దారుణంగా మారుస్తాయి. ఆ మార్పులు ఏంటో తెలియాలంటే రొమాంటిక్ యాక్షన్ డ్రామా ‘దిల్రూబా’ (Dilruba 2025)ను చూడాల్సిందే. కానీ ఈ సినిమా థియేటర్లలోకి వచ్చి ఏడాది గడిచినా, ఇంకా ఓటీటీలోకి రాలేదు. మరి ఈ సినిమాకు వచ్చిన ఓటీటీ కష్టాలు ఏంటో తెలుసుకుందాం పదండి.
హీరో సిద్ధు చిన్ననాటి స్నేహితురాలు, ప్రేయసి మ్యాగీ. ఆమెతో గాఢమైన ప్రేమలో ఉంటాడు. సిద్ధు తన స్నేహితుడిని నమ్మి వ్యాపారంలో భాగస్వామిగా చేర్చుకుంటాడు. ఆ స్నేహితుడు సిద్ధును దారుణంగా మోసం చేస్తాడు. ఈ ఆర్థిక నష్టం, షాక్ భరించలేక సిద్ధు తండ్రి మరణిస్తాడు. అదే సమయంలో కొన్ని అనివార్య పరిస్థితుల వల్ల మ్యాగీ కూడా సిద్ధుకు బ్రేకప్ చెప్పి అమెరికా వెళ్ళిపోతుంది. వరుస విషాదాలు, గుండెకోతతో తీవ్రంగా గాయపడిన సిద్ధు ఇకపై తన జీవితంలో ఎవరికీ “సారీ”, “థాంక్యూ” చెప్పకూడదని నిర్ణయం తీసుకుంటాడు.
ఆ పాత జ్ఞాపకాలను వదిలేసి, కొత్త జీవితాన్ని ప్రారంభించడానికి బెంగళూరులోని ఒక ఇంజనీరింగ్ కాలేజీలో చేరతాడు. కాలేజీలో సిద్ధుకు అంజలి పరిచయమవుతుంది. ఒక సందర్భంలో అంజలిని ఒక ఆకతాయి నుండి సిద్ధు కాపాడటంతో, ఆమె సిద్ధు క్యారెక్టర్కు ముగ్ధురాలై అతనితో ప్రేమలో పడుతుంది. సిద్ధు మొదట్లో నిరాకరించినప్పటికీ, కాలక్రమేణా అంజలి ప్రేమను అంగీకరిస్తాడు. అంతా సజావుగా సాగుతుందనుకున్న సమయంలో, కాలేజీలో జరిగే ఒక చిన్న గొడవ పెద్దదై పోలీసుల వరకు వెళ్తుంది.
ఆ సమస్య పూర్తి కావాలంటే పోలీసులకు లేదా కాలేజీ యాజమాన్యానికి క్షమాపణ చెప్పమని అంజలి సిద్ధును బ్రతిమాలుతుంది. కానీ తన జీవితంలో సారీ అనే పదమే వాడనని శపథం చేసిన సిద్ధు, అందుకు అస్సలు ఒప్పుకోడు. ఈ పట్టింపుల వల్ల ఇద్దరి మధ్య పెద్ద వివాదం జరిగి, అంజలి కూడా సిద్ధుకు బ్రేకప్ చెప్పి దూరం అవుతుంది. అదే సమయంలో కథలోకి జోకర్ అనే ప్రమాదకరమైన డ్రగ్ మాఫియా క్రిమినల్ ప్రవేశిస్తాడు.
సిద్ధు వల్ల జోకర్ వందల కోట్ల విలువైన డ్రగ్స్ను నష్టపోవాల్సి వస్తుంది. దీనితో జోకర్ సిద్ధును, అతని చుట్టూ ఉన్నవారిని టార్గెట్ చేస్తాడు. డ్రగ్ మాఫియాను సిద్ధు ఎలా ఫేస్ చేశాడు ? సిద్ధు మళ్లీ తన ప్రేమను ఎలా దక్కించుకున్నాడు ? అనేదే ‘దిల్రూబా’ సినిమా కథ.
కిరణ్ అబ్బవరం, రుక్షర్ థిల్లాన్, క్యాథరిన్ డేవిసన్ ప్రధాన పాత్రల్లో నటించిన చిత్రం ‘దిల్రూబా’. విశ్వ కరణ్ దర్శకత్వంలో తెరకెక్కింది. మార్చి 2025లో థియేటర్లలో విడుదలైన ఈ సినిమా ఇప్పటికీ ఓటీటీలోకి రాలేదు. ఇది కిరణ్ అబ్బవరం ఇటీవలి చిత్రాలలో ఓటీటీలో విడుదల కాని ఏకైక సినిమా ఇదే కావడం గమనార్హం. ఆయన తాజాగా నటిస్తున్న ‘చెన్నై లవ్ స్టోరీ’ రిలీజ్ నేపథ్యంలో ‘దిల్రూబా’ ఓటీటీ రిలీజ్ గురించి చర్చ మొదలైంది. మరి ఈ మూవీ ఎప్పుడు డిజిటల్ గా రిలీజ్ అవుతుందో చూడాలి.
Read Also: పెళ్ళయిన వ్యక్తితో ప్రేమ… ఓటీటీలోకి వచ్చేసిన ట్రయాంగిల్ రొమాంటిక్ డ్రామా
Share
వానలో ఆఫీస్కి వెళ్తున్నారా? రూ.300 లోపున్న ఈ గ్యాడ్జెట్స్ లేకపోతే.. రూ.వేలల్లో నష్టపోవాల్సిందే!
Operation Akarsh: బీఆర్ఎస్ పార్టీకి బీజేపీ మాస్టర్ స్ట్రోక్.. పల్లా, మల్లారెడ్డి, గంగుల లిస్ట్ రెడీ?
