ETV Win OTT : ప్రస్తుతం నెట్ ఫ్లిక్స్, అమెజాన్ ప్రైమ్ వీడియో, హాట్ స్టార్ వంటి దిగ్గజ ఓటీటీల హవా నడుస్తోంది. అయితే వీటిలో అన్ని భాషల సినిమాలు అందుబాటులో ఉంటాయి. కానీ ప్యూర్ తెలుగు కంటెంట్ మాత్రం ఉండదు. తెలుగు మూవీ లవర్స్ కోసం అలా ప్యూర్ తెలుగు కంటెంట్ ఉండే ఓటీటీలు అనగానే ఆహా, ఈటీవీ విన్ గుర్తొస్తాయి. ఇందులో ఈటీవీ విన్ ఇటీవల కాలంలో కాస్త జోరు పెంచింది. ఇక కొత్త మంత్ వచ్చేసింది కదా… మరి ఇందులో ఈ నెలలో రిలీజ్ కాబోతున్న సినిమాలు ఏంటి? అనే విషయాన్ని తెలుసుకుందాం పదండి.
అక్టోబర్ సినిమాల లిస్ట్
ఈటీవీ విన్ లో ఈ మంత్ పండగలు, హాలిడేస్ సందర్భంగా సరికొత్త సినిమాలు ,వెబ్ సిరీస్ లు ప్రేక్షకుల ముందుకు రాబోతున్నాయి. తాజాగా ఇందులో2 తెలుగు సినిమాలతో పాటు ఒక కొరియన్ డబ్బింగ్ వెబ్ సిరీస్ ను కూడా ఈనెల రిలీజ్ చేయబోతున్నట్టు అఫీషియల్ గా అనౌన్స్ చేశారు. ప్రతి నెలా ఈటీవీ విన్ మొదటి రోజునే తమ ఓటీటీ ప్లాట్ ఫామ్ లో ఆ నెలలో రిలీజ్ కాబోయే సినిమాలు, వెబ్ సిరీస్ ల వివరాలను ప్రకటిస్తుంది. అలా ఎప్పటిలాగే అక్టోబర్ నెలకు సంబంధించిన లిస్టును కూడా రిలీజ్ చేసింది. అందులో ఈనెల ఏఏ సినిమాలు, సిరీస్ లు ఈటీవీ విన్లో ఎప్పుడెప్పుడు స్ట్రీమింగ్ కాబోతున్నాయి అనే విషయాలను వెల్లడించారు. అక్టోబర్ 3 న రాజ్ తరుణ్ హీరోగా నటించిన రీసెంట్ మూవీ ‘భలే ఉన్నాడే’ స్ట్రీమింగ్ కాబోతోంది. ఈ విషయాన్ని ఇదివరకే ఈటీవీ విన్ సోషల్ మీడియా ద్వారా వెల్లడించారు అక్టోబర్ 10న ‘తత్వ’ అనే తెలుగు మూవీ ఈటీవీ విన్ లోకి అడుగు పెట్టబోతోంది. ఆ తర్వాత అక్టోబర్ 4న థియేటర్లలో రిలీజ్ అవుతున్న ‘కలి’ అనే మూవీ డిజిటల్ రైట్స్ ను కూడా ఈటీవీ విన్ చేజిక్కించుకుంది. నరేష్ అగస్త్య, ప్రిన్స్ కలిసి నటించిన ఈ సస్పెన్ థ్రిల్లర్ మూవీని అక్టోబర్ నెలలోనే ఓటిటిలో స్ట్రీమింగ్ చేయబోతున్నట్టు ఈటీవీ విన్ వెల్లడించింది.
కొరియన్ సినిమా కూడా…
ఇక ఈ రెండు తెలుగు సినిమాలతో పాటు 2017లో రిలీజ్ అయిన బ్లాక్ బస్టర్ కొరియన్ వెబ్ సిరీస్ ను కూడా ఈటీవీలో స్ట్రిమింగ్ చేయబోతున్నారు. ఈ వెబ్ సిరీస్ పేరు ‘హిడెన్ ఐడెంటిటీ’. దీన్ని అక్టోబర్ 31 నుంచి ఈటీవీ విన్లో స్ట్రీమింగ్ చేయనున్నారు. మరి ఇంకెందుకు ఆలస్యం ఈనెల ఈటీవీ విన్ లో మూడు తెలుగు సినిమాలను, ఒక సిరీస్ ను చూడడానికి రెడీ అయిపోండి. ఇక ఇదే ఓటిటీ ప్లాట్ ఫామ్ లో థియేటర్లలో బహిట్ టాక్ తెచ్చుకున్న కమిటీ కుర్రోళ్ళు, సోపతులు, సురాపానం, నింద, ఆర్టిఐ లాంటి తెలుగు సినిమాలు స్ట్రీమింగ్ అవుతున్నాయి. అలాగే ‘వెల్కమ్ టు లైఫ్’ అనే కొరియన్ వెబ్ సిరీస్ కూడా ఈటీవీ విన్లో స్ట్రీమింగ్ అవుతోంది.
Share
This Week Releases: సినీ లవర్స్‌కు పండగే.. అక్టోబర్ తొలి వారంలో అరడజను సినిమాలు వచ్చేస్తున్నాయ్!
OTT Movie : డబ్బున్నోడిగా బిల్డప్ ఇస్తూ వేశ్య కూతురిపై కన్ను... క్లైమాక్స్ చూస్తే దిమాక్ కరాబ్
