Family Drama OTT : ఒక అద్భుతమైన సినిమా చూడాలనుకుంటే, ఇప్పుడు మనం చెప్పుకోబోయే సినిమాను హ్యాపీగా చూసేయొచ్చు. ముఖ్యంగా పిల్లలతో ఈ సినిమాను చూస్తే చాలా బాగుంటుంది. 11 ఏళ్ల పిల్లాడి ఎమోషన్స్, పల్లెటూరి వాతావరణంతో ఈ సినిమా హార్ట్ టచింగ్ గా ఉంటుంది. చిన్ననాటి జ్ఞాపకాలను గుర్తుచేసే ఒక అందమైన చిత్రం ఇది. మరాఠీ నుంచి వచ్చిన ఈ సినిమాకి, నేషనల్ అవార్డు కూడా లభించడం విశేషం. అంతేకాకుండా ఐయండిబిలో 7.8 టాప్ రేటింగ్ ను కూడా ఈ సినిమా పొందింది.
ఈ మరాఠీ డ్రామా మూవీ పేరు ‘కిల్లా’ (Killa). అవినాష్ అరుణ్ దర్శకత్వం వహించిన ఈ సినిమాలో అర్చిత్ దేవధర్, అమృతా సుభాష్, పార్థ్ బాలేరావ్ ప్రధాన పాత్రల్లో నటించారు. ఈ చిత్రం 26 జూన్ 2015న విడుదలై, విమర్శకుల ప్రశంసలు అందుకుంది. మార్చి 2015లో జరిగిన 62వ జాతీయ చలనచిత్ర అవార్డులలో, ఈ చిత్రం మరాఠీలో ఉత్తమ చలనచిత్రంగా అవార్డును గెలుచుకుంది. అలాగే 64వ బెర్లిన్ ఇంటర్నేషనల్ ఫిల్మ్ ఫెస్టివల్‌లో ప్రతిష్టాత్మకమైన ‘క్రిస్టల్ బేర్’ అవార్డును గెలుచుకుంది. ఇది ప్రస్తుతం ZEE5, Amazon Prime Video లో అందుబాటులో ఉంది.
చిన్మయి అనే 11 ఏళ్ల పిల్లాడి తండ్రి చనిపోయాక, వాళ్ల అమ్మకు కొంకణ్ ఏరియాలో వేరే ఊరికి ట్రాన్స్‌ఫర్ అవుద్ది. దీంతో చిన్మయి తన పాత స్నేహితులను వదిలేసి, ఆ కొత్త ఊరికి వెళ్లాల్సి వస్తుంది. అక్కడ వాతావరణం, ఆ కొత్త స్కూలు అన్నీ వాడికి అస్సలు నచ్చవు. పాత జ్ఞాపకాలు గుర్తొచ్చి, ఒంటరిగా ఫీల్ అవుతుంటాడు. మెల్లమెల్లగా ఆ స్కూల్లో కొందరు కుర్రాళ్లు వాడికి దోస్తులవుతారు. ముఖ్యంగా బండ్య అనే అల్లరి పిల్లాడు, వాడిని తన గ్రూపులో చేర్చుకుంటాడు. వాళ్లంతా కలిసి పాత కోటలు తిరగడం, సైకిళ్లు తొక్కడం, వర్షంలో తడవడం చేస్తూ ఉంటే.. చిన్మయి మెల్లగా తన బాధను మర్చిపోతాడు. ఆ కొత్త ఊరి మనుషులతో, అక్కడి ప్రకృతితో వాడికి ఒక తెలియని అనుబంధం ఏర్పడుతుంది. చిన్న పిల్లాడిగా ఆ ఊరికి వచ్చిన చిన్మయికి, జీవితం అంటే ఏంటో, మనుషులు ఎలా ఉంటారో అర్థం చేసుకుని ఒక మెచ్యూరిటీ వస్తుంది. మొత్తానికి మనసుని మెలిపెట్టే ఒక స్వచ్ఛమైన చిన్ననాటి కథ ఇది.
Read Also : తండ్రిని జైలుకు పంపే కూతురు… భర్త కోసం భార్య ఎదురుచూపులు… ఏడిపించే ఎమోషన్స్ కూడా
Share
Useful Android Apps: మీ ఫోన్‌లో ఈ యాప్స్ ఉంటే లైఫ్ ఈజ్ బ్యూటిఫుల్.. ఇల్లు, ఆఫీస్ రెండింటికీ ఉపయోగకరం
Andhra Pradesh: నాడు మద్యం మాఫియా, నేడు దాడులు.. జగన్ సర్కార్‌పై షర్మిల నిప్పులు
