Family Drama OTT : ఓటీటీలో ఫ్యామిలీ అంతా కలిసి చూసే విధంగా ఉండే సినిమాలు, లేదా సిరీస్ లు చాలా తక్కువ. హర్రర్, క్రైమ్, యాక్షన్ జానర్లో మాత్రం లెక్కలేనన్ని సినిమాలు ఉంటాయి. ఎప్పుడైనా ఫ్యామిలీతో కలిసి ఎంచక్కా ఒక మంచి సినిమాను చూడాలి అనుకుంటే, అలాంటి మూవీని వెతకడానికే టైమ్ అంతా సరిపోతుంది. మీకు కూడా అలాంటి మూవీ కావాలి అనుకుంటే దీనిపై ఒక లుక్కేయండి.
ఇప్పుడు మనం చెప్పుకుంటున్న హార్ట్ టచింగ్ ఫ్యామిలీ-డ్రామా ‘ఎ బ్రదర్ అండ్ 7 సిబ్లింగ్స్’ (A Brother and 7 Siblings). 2024లో విడుదలైన ఇండోనేషియా ఫ్యామిలీ డ్రామా చిత్రం. ఎమోషన్స్, కామెడీ, త్యాగం, కుటుంబ బంధాలతో నిండి ఉంటుంది ఈ మూవీ. సినిమా ఇండోనేషియా లోకల్ భాషలో తెరకెక్కింది, కానీ తెలుగు డబ్ వెర్షన్ Netflixలో అందుబాటులో ఉంది. సుమారు 120-130 నిమిషాల రన్ టైమ్ ఉన్న ఈ మూవీకి IMDbలో 8.0 రేటింగ్ ఉంది. చాలా మంది ఈ సినిమాను చూసిన తర్వాత ఏడ్చారు, సంతోషపడ్డారు. ఒక్క మాటలో చెప్పాలంటే సినిమా కుటుంబం, బంధాల విలువను తెలియజేసేలా ఉంటుంది. ఒక్కసారి చూస్తే మర్చిపోలేము. అలాగే ఫ్యామిలీకి దూరంగా ఉంటే వెంటనే వాళ్ళను కలవాలి అన్పిస్తుంది దీన్ని చూశాక. మీరు గనుక ఇలాంటి సినిమాలను ఇష్టపడితే పొరపాటున కూడా మిస్ కాకుండా చూడండి.
Also Read :
కథ ఇండోనేషియాలోని ఒక సాధారణ గ్రామీణ కుటుంబం చుట్టూ తిరుగుతుంది. పెద్ద అన్నయ్య రహ్మత్ తన 7 మంది తమ్ముళ్లు, చెల్లెళ్లను చూసుకుంటాడు. తల్లిదండ్రులు చనిపోయిన తర్వాత రహ్మత్ ఒక్కడే కుటుంబానికి ఆధారం అవుతాడు. అతను ఒక చిన్న ఉద్యోగం చేస్తూ, ఫ్యామిలీని పోషిస్తాడు. సిస్టర్స్ బ్రదర్స్ చదువు, వివాహాలు, కలలను నెరవేర్చడానికి రాత్రింబవళ్లు కష్టపడతాడు. చిన్న చెల్లెలు వివాహం కోసం రహ్మత్ డబ్బు సమకూర్చుకోవడం, ఒక తమ్ముడు ఉన్నత చదువు కోసం పోరాడటం, మరొక చెల్లెలు ఉద్యోగం సాధించడానికి ప్రయత్నించడం… ఇలాంటి సంఘటనలు కథను ముందుకు తీసుకెళ్తాయి.
అయితే అంతలోనే కలహాలు మొదలవుతాయి. కుటుంబంలో చిన్న చిన్న గొడవలు, సంతోషాలు, హాస్యం, ఏడుపు అన్నీ సహజంగా చూపిస్తారు. మధ్యలో పెద్ద సమస్యలు వస్తాయి. ఆర్థిక కష్టాలు, రహ్మత్ ఆరోగ్య సమస్యలు, సోదర సోదరీమణులలో ఒకరు తప్పుదారి పట్టడం వంటి ఇబ్బందులు తలెత్తుతాయి. అయినా రహ్మత్ తన సిస్టర్స్ బ్రదర్స్ కోసం అన్ని బలిదానాలు చేస్తాడు. క్లియర్ గా చెప్పాలంటే ఈ మూవీ చిరంజీవి ‘హిట్లర్’ లాగా ఉంటుంది. కాకపోతే అక్కడ అందరూ సిస్టర్స్, హీరో ఒక్కడే బ్రదర్. ఇందులో హీరోతో పాటు బ్రదర్స్, సిస్టర్స్ కూడా ఉంటారు. మరి ఫ్యామిలీ అంతా కలిసి తమ కోసం ఇంత చేసిన అన్నయ్య కోసం చివరికి ఏం చేశారు ? వాళ్ళ సమస్యలను ఎలా అధిగమించారు ? అన్నది మూవీని చూసి తెలుసుకోవాల్సిందే.
Share
Visakha Crime: మహిళ గొంతు నులిమి.. ఆ తర్వాత బంగారం దోచేశాడు, విశాఖలో దారుణం
Maha Shivratri 2026: మహాశివరాత్రి.. ఫిబ్రవరి 15నా లేక 16నా? తిథి, ముహూర్తం వివరాలు
