Family Drama OTT : సోషల్ మీడియా ఇప్పుడు మనుషుల జీవితాల్లో ఒక భాగం అయిపోయింది. ఫ్యామిలీతో కంటే సోషల్ మీడియాలోనే ఎక్కువ సమయాన్ని వెచ్చిస్తున్నారు యువత. రీల్స్, లైక్ ల కోసం నానా తంటాలు పడుతున్నారు. ఈ నేపథ్యంలో ఒక మలయాళం ఫ్యామిలీ డ్రామా మూవీ వచ్చింది. ఈ చిత్రం సోషల్ మీడియా, జనరేషన్ గ్యాప్ వంటి అంశాలను ఆసక్తికరంగా చూపిస్తూ ప్రేక్షకులను ఆకట్టుకోవడానికి ప్రయత్నించింది. దీని పేరు, ఏ ఓటీటీలో ఉంది ? అనే వివరాల్లోకి వెళితే..
బింటో స్టీఫెన్ దర్శకత్వం వహించిన ఈ మలయాళ కామెడీ సినిమా పేరు ‘ప్రిన్స్ అండ్ ఫ్యామిలీ’ (Prince and Family). ఇది మలయాళ నటుడు దిలీప్ (Dileep) కెరీర్‌లో 150వ సినిమాగా నిలిచింది. ఈ చిత్రాన్ని లిస్టిన్ స్టీఫెన్ మ్యాజిక్ ఫ్రేమ్స్ ద్వారా నిర్మించారు. ఇందులో దిలీప్, రాణియా రాణా, ధ్యాన్ శ్రీనివాసన్, సిద్దిక్, బిందు పణిక్కర్, జానీ ఆంటోనీ, మంజు పిళ్ళై, జోస్కుట్టి జాకబ్ ప్రధాన పాత్రలు పోషించారు. ఈ చిత్రానికి సనల్ దేవ్ సంగీతం అందించాడు. ఈ సినిమా 2025 మే 9న థియేటర్లలో విడుదలైంది. థియేటర్ రన్ తర్వాత, ఈ చిత్రం 2025 జూన్ 20 నుండి ZEE5 లో స్ట్రీమింగ్ అవుతోంది. ఇది 2025లో అత్యధిక వసూళ్లు సాధించిన ఆరవ మలయాళ చిత్రంగా నిలిచింది.
కేరళలోని ఒక గ్రామీణ ప్రాంతంలో ‘ప్రిన్స్ చక్కలకల్’ (దిలీప్) అనే వ్యక్తి ఉంటాడు. అతను బ్రైడల్ బొటిక్ నడుపుతుంటాడు. అతను తన ఉమ్మడి కుటుంబానికి ఏకైక ఆధారం. తన ఇద్దరు తమ్ముళ్ల పెళ్లిళ్లు కూడా చేస్తాడు. 30 ఏళ్ల పైబడినా అతను మాత్రం ఇంకా బ్రహ్మచారిగానే ఉండిపోతాడు. తనకంటూ ఒక ప్రత్యేక గదిని కూడా సిద్ధం చేసుకుని పెళ్లి కోసం ఎదురుచూస్తున్న ప్రిన్స్, చివరకు 24 ఏళ్ల చింజు రాణి (రానియా రానా) అనే యువతిని పెళ్లి చేసుకుంటాడు.
ఇక అసలు కథ అక్కడి నుంచి మొదలవుతుంది. చింజు ఒక చురుకైన సోషల్ మీడియా ఇన్‌ఫ్లుయెన్సర్. ఆమె తన రోజువారీ జీవితాన్ని ఎప్పుడూ వ్లాగ్స్ చేస్తూ సోషల్ మీడియాలో పోస్ట్ చేస్తుంది. మొదట్లో ఇది సరదాగా అనిపించినా, ఆమె ప్రైవేట్ విషయాలను కూడా పబ్లిక్‌గా పెట్టడం వల్ల ప్రిన్స్‌కు, అతని కుటుంబానికి ఇబ్బందులు మొదలవుతాయి. అయితే ఇది కాస్త ఒక రోజు హద్దులు దాటుతుంది. చింజు ఒక ‘ప్రాంక్ వీడియో’ కోసం తాను గర్భవతినని అబద్ధం చెప్పడంతో ఆమె పట్ల ప్రజల్లో వ్యతిరేకత పెరిగి ఆమె కెరీర్, వైవాహిక జీవితం రెండూ ప్రమాదంలో పడతాయి. చివరికి ప్రిన్స్ ఎలా దీనిని సరిచేశాడనేది మిగిలిన కథ.
Read Also : ప్రపంచాన్ని చూసే కోణాన్ని మార్చేసే మూవీ… మైండ్ బెండింగ్ ఎక్స్పీరియన్స్… తెలుగులోనే స్ట్రీమింగ్
Share
Prakasam Crime: దారుణం.. వివాహేతర సంబంధానికి అడ్డొస్తున్నాడని భర్తను లేపేసిన భార్య
Gundeninda GudiGantalu Today episode: నిజాన్ని బయటపెట్టిన రోహిణి.. మీనాపై సీరియస్.. రోహిణికి కొత్త టెన్షన్..
