Family Drama OTT : ఆడియన్స్ కు మంచి అనుభూతినిచ్చే సినిమా ఒకటి ఓటీటీలోకి వచ్చింది. ఈ కథ అంతా ఒక మారుమూల పల్లెటూరి నేపథ్యంలో సాగుతుంది. గర్భవతిగా ఉన్న ఆవు తప్పిపోవడంతో ఈ సినిమా ఆసక్తికరంగా తిరుగుతుంది. ఇక ఈ సినిమా పల్లెటూరి వాతావరణాన్ని సహజంగా చూపించిన తీరుకు ప్రశంసలు కూడా అందుకుంటోంది. ఈ సినిమాను పిల్లలతో కలసి చూస్తే మరింత బాగుంటుంది.
ఈ ఫీల్ గుడ్ కన్నడ మూవీ పేరు ‘వలవార’ (Valavaara). సతన్ గౌడ దర్శకత్వం వహించిన ఈ మూవీ విమర్శకుల ప్రశంసలు అందుకుంది. ఇందులో వేదిక్ కౌశల్ (కుందేశి), షయన్ (కొసుడి), మాలతేష్ హెచ్.వి (తండ్రి), హర్షిత గౌడ (తల్లి) ప్రధాన పాత్రల్లో నటించారు. దీనికి మణికాంత్ కద్రి సంగీతం అందించగా, బాలరాజ్ గౌడ సినిమాటోగ్రఫీ నిర్వహించారు. ఈ సినిమా 2026 జనవరి 30న థియేటర్లలో విడుదలైన తర్వాత, మార్చి 20 నుంచి Sun NXT ప్లాట్ఫామ్లో అందుబాటులోకి వచ్చింది. ఈ సినిమాలో పాత్రల మాటలు రియలిస్టిక్ ఉండటం కోసం సింక్ సౌండ్ (Sync Sound) టెక్నాలజీ వాడారు. దీనివల్ల అడవిలోని కీచురాళ్ల శబ్దాలు, గాలి చప్పుడు వంటివి ప్రేక్షకులకు చాలా రియలిస్టిక్గా అనిపిస్తాయి.
కర్ణాటకలో సకలేశ్పుర కొండల మధ్య ఉండే ఒక చిన్న పల్లెటూరిలో ఒక పేద రైతు కుటుంబం ఉంటుంది. ఆ ఇంట్లో కుందేశి అనే పిల్లాడు, అతని అన్నయ్య కొసుడి ఉంటారు. వాళ్ల నాన్న కొంచెం ముక్కోపి మనిషి, ఏ చిన్న తప్పు చేసినా తోలు తీస్తాడు. ఒకరోజు ఇంట్లో అందరూ గర్భంతో ఉన్న ఆవును జాగ్రత్తగా చూసుకోమని చెప్పి బయటకెళ్తే, ఈ అన్నదమ్ములు ఇద్దరూ ఆ ఆవును మేత కోసం అడవిలోకి తీసుకెళ్తారు. అక్కడ ఆడుకుంటూ ఆవు సంగతి మరచిపోతారు. అయితే ఆ టైంలో ఆ ఆవు కాస్తా తప్పిపోతుంది. ఇక అక్కడి నుంచి అసలు సినిమా మొదలవుతుంది. నాన్న ఇంటికి వచ్చేలోపు ఆ ఆవును ఎలాగైనా వెతికి పట్టుకోవాలని ఆ పిల్లలు పడే తాపత్రయం అంతా ఇంతా కాదు. అడవిలో చెట్లు, గుట్టలు గాలిస్తూ.. ఆకలిని, అలసటను మర్చిపోయి వాళ్ళు పడే కష్టం చూస్తే ఎవరికైనా కళ్లు చెమర్చుతాయి. చివరికి ఆ పిల్లలు ఆవును కనిపెట్టారా ? తన తండ్రి కోపం నుంచి తప్పించుకున్నారా ? అనేదే మిగిలిన కథ.
Read Also : పాపి మీద పగ పెంచుకునే పాస్టర్… లెక్కకు అందని ఇన్వెస్టిగేషన్… దిమాక్ కరాబయ్యే ట్విస్టులు
Share
Aditya Dhar: క్రికెటర్ కావాల్సిన వాడు.. బాక్సాఫీస్ ధురంధరుడయ్యాడు.. ఇదే స్టోరీ!
SRH : 300 కాదు, ఈ సారి 400 లోడింగ్..బ్యాటింగ్ లో SRHను తట్టుకోవడం కష్టమే, కానీ అదొక్కటే మైనస్
