Gatha Vaibhava OTT : గత ఏడాది థియేటర్లలో అడుగుపెట్టిన కన్నడ ఫాంటసీ పీరియాడిక్ రొమాంటిక్ డ్రామా ‘గాథ వైభవ’. దుష్యంత్, ఆషికా రంగనాథ్ ప్రధాన పాత్రల్లో నటించిన ఈ సినిమా థియేటర్లలో అంతగా ఆకట్టుకోలేక పోయింది. అయితే ఓటీటీలో దీనికి మంచి స్పందన వస్తోంది. ఇప్పుడు ఈ సినిమా తెలుగులో కూడా అందుబాటులోకి వచ్చింది. ఇందులో నాలుగు కథలను చూపించే ప్రయత్నం జరిగింది. నాలుగు కాలాల్లో ఒక వ్యక్తి ప్రేమ కథ చుట్టూ కథ తిరుగుతుంది. ఇది ఏ ఓటీటీలో స్ట్రీమ్ అవుతోంది ? దీని కథ ఏమిటి ? అనే వివరాల్లోకి వెళ్తే …
సుని దర్శకత్వం వహించిన ‘గాథ వైభవ’ (Gatha Vaibhava) సినిమా 2025 నవంబర్ లో థియేటర్లలో విడుదలైంది. అయితే కమర్షియల్ గా విజయం సాధించలేకపోయింది. 2026 జనవరి 1 నుంచి ఈ సినిమా తెలుగు వెర్షన్ ‘గత వైభవం’ పేరుతో విడుదలైంది. ఇప్పుడు అంటే జనవరి 30 నుంచి ఈ సినిమా అమెజాన్ ప్రైమ్ వీడియోలో కన్నడ, తెలుగు రెండింటిలోనూ స్ట్రీమింగ్ అవుతోంది. ఈ చిత్రంలో ఎస్ఎస్ దుష్యంత్, ఆషికా రంగనాథ్ ప్రధాన పాత్రలు పోషించారు. బాక్సాఫీస్ వద్ద బాగా రాణించకపోయినా, ఓటీటీలో కొంచెం బెట్టర్ గా నే ఈ సినిమా నడుస్తోంది. ఈ చిత్రానికి జుడా సాంధీ సంగీతం అందించగా, విలియం జె. డేవిడ్ సినిమాటోగ్రఫీ అందించారు.
ఈ కథ ఆర్టికల్చర్ స్టూడెంట్ అయిన ఆధునిక (ఆషికా రంగనాథ్) తన ఊహల్లో కనిపించే ఒక వ్యక్తి చిత్రాన్ని గీయడంతో మొదలవుతుంది. ఆ చిత్రం సోషల్ మీడియాలో వైరల్ కావడంతో, అందులో ఉన్న వ్యక్తిని పోలి ఉన్న పురాతన్ (దుష్యంత్) ఆమెను కలవడానికి వస్తాడు. ఆధునిక అతన్ని చూడగానే, తామిద్దరం గత జన్మల ప్రేమికులమని, తమ మధ్య విడదీయలేని బంధం ఉందని చెబుతుంది. పురాతన్ మొదట దీన్ని నమ్మకపోయినా, ఆమె చెప్పే కథలు వాళ్ళను మూడు వేరు వేరు కాలాల్లోకి తీసుకువెళతాయి. ఆ ప్రేమికుల ప్రయాణం పురాణ కాలంలోని దేవలోకం నుండి ప్రారంభమై, పోర్చుగీస్ కాలం మీదుగా, ప్రస్తుత కాలమైన కర్ణాటక వరకు సాగుతుంది. ప్రతి జన్మలోనూ ఏదో ఒక కారణంతో విడిపోయిన ఈ జంట, ఈ కాలంలోనైనా కలుస్తారా లేదా అనేదే ఈ సినిమా మిగతా కథ.
Read Also : IMDbలో 7.8 రేటింగ్… థియేటర్లలో డిజాస్టర్‌… ఓటీటీలో మాత్రం 24 గంటల్లోనే ట్రెండింగ్‌ నంబర్ 1లో
Share
Nalgonda Crime: ప్రియురాలి శాడిజం..బిడ్డకు పాలిస్తున్న ప్రియుడి భార్యపై పెట్రోల్‌ పోసి..
Dhurandhar OTT : థియేటర్లో బ్లాక్ బస్టర్.. ఓటీటీలో మాత్రం మిశ్రమ స్పందన..!
