Gustaakh Ishq on OTT : IMDbలో 7.8 రేటింగ్… థియేటర్లలో డిజాస్టర్‌… ఓటీటీలో మాత్రం 24 గంటల్లోనే ట్రెండింగ్‌ నంబర్ 1లో

Gustaakh Ishq on OTT : థియేటర్లలోకి ప్రేక్షకులు సినిమాని ఎంజాయ్ చేయడానికి వస్తారు. అయితే కొన్ని సినిమాలు చూసిన తర్వాత టైమ్ వేస్ట్ చెసు కున్నందుకు బాధపడతారు. 2025లో విడుదలైన అలాంటి ఒక సినిమా, ప్రేక్షకుల తలలు గోక్కునేలా చేసింది. పరిస్థితి ఎలా ఉందంటే, ఆ సినిమా చూసిన తర్వాత, ప్రజలు దాని పేరును మళ్ళీ వినడానికి కూడా ఇష్టపడలేదు. అయితే ఆసక్తికరంగా ఆ సూపర్ డిజాస్టర్ సినిమా, 2026లో ఓటీటీ ప్లాట్‌ఫామ్‌లలో ప్రజాదరణ పొందుతోంది. ఇది ఫ్లాప్ సినిమా నుండి హిట్‌ మూవీగా మారింది. ఈ చిత్రం IMDbలో 7.8 రేటింగ్‌ను కూడా పొందింది.

ఆ సినిమా పేరు ఏమిటి?

విభు పూరి దర్శకత్వం వహించిన ఈ సినిమా పేరు “గుస్తాఖ్ ఇష్క్”. 2 గంటల 8 నిమిషాల నిడివి గల ఈ రొమాంటిక్ డ్రామాలో విజయ్ వర్మ, ఫాతిమా సనా షేక్,నసీరుద్దీన్ షా వంటి నటులు నటించారు. 2025 నవంబర్ 25న థియేటర్లలో విడుదలైన ఈ చిత్రంపై నిర్మాతలు చాలా ఆశలు పెట్టుకున్నారు. కానీ దానికి విరుద్ధంగా జరిగింది. ఈ చిత్రం బాక్సాఫీస్ వద్ద ఘోరంగా బోల్తా కొట్టింది. నిర్మాతలు ఇంకా షాక్ నుండి పూర్తిగా కోలుకోలేదు. సుమారు ₹25 కోట్ల బడ్జెట్‌తో నిర్మించిన ఈ చిత్రం రెండు కోట్లు మాత్రమే వసూలు చేసింది. ఈ చిత్రం కొన్ని రోజుల్లోనే థియేటర్ల నుండి తొలగించారు కూడా.

ఓటీటీలో హిట్టు

“గుస్తఖ్ ఇష్క్” 2026 జనవరి 27న ఓటీటీ ప్లాట్‌ఫామ్ జియో హాట్‌స్టార్‌లో విడుదలైనప్పుడు, దాని అదృష్టం మారిపోయింది. ఈ చిత్రం అనేక చిత్రాలను అధిగమించి నంబర్ 1 స్థానంలో ట్రెండ్ అవుతోంది. ఇప్పుడు ఈ చిత్రం IMDbలో 7.8 రేటింగ్‌ను కలిగి ఉంది. ఒకప్పుడు చెత్తగా కొట్టిపారేసిన ఈ చిత్రం ఇప్పుడు ఓటీటీలో తనకంటూ ఒక కొత్త స్థానాన్ని పొందింది.

కథ ఏమిటంటే ?

ఈ కథ 1990ల నాటి పాత ఢిల్లీ నేపథ్యంలో సాగుతుంది. నవాబుద్దీన్ (విజయ్ వర్మ) తన తండ్రికి చెందిన ఉర్దూ ప్రింటింగ్ ప్రెస్‌ను ఎలాగైనా కాపాడుకోవాలని పట్టుదలతో ఉంటాడు. ఆ ప్రెస్‌ను నిలబెట్టుకోవడానికి అవసరమైన ప్రావీణ్యం కోసం, అతను ఉర్దూ కవి అయిన అజీజ్ బేగ్ (నసీరుద్దీన్ షా) వద్ద శిష్యుడిగా చేరుతాడు. శిష్యుడిగా ఉన్న సమయంలో, నవాబుద్దీన్ తన గురువు కూతురైన మిన్నీ (ఫాతిమా సనా షేక్)తో ప్రేమలో పడతాడు. అయితే, గురువు పట్ల ఉన్న భక్తి, తన తండ్రి ఆశయమైన ప్రింటింగ్ ప్రెస్‌ను కాపాడుకోవాల్సిన బాధ్యత, మిన్నీపై ఉన్న ప్రేమ మధ్య అతను ఒత్తిడిలో పడతాడు. ఒకవైపు తన లక్ష్యం, మరోవైపు ప్రేమ.. ఈ రెండింటి మధ్య నవాబుద్దీన్ తీసుకున్న నిర్ణయాలే ఈ సినిమా క్లైమాక్స్.

Read Also :  25 ఏళ్లుగా నిర్మాణంలో ఉన్న విజయ్ సేతుపతి మూవీ… ఈ సైలెంట్ మూవీ స్ట్రీమింగ్ ఎక్కడంటే?

Share

• 
• 
• 
• 
• 
•