Heist Thriller OTT : హీస్ట్ థ్రిల్లర్ సినిమాలు అనగానే హాలీవుడ్ మూవీస్ గుర్తొస్తాయి. ముఖ్యంగా ‘మనీ హీస్ట్’. మరి ఆ సిరీస్ ప్రేక్షకులపై క్రియేట్ చేసిన ఇంపాక్ట్ అలాంటిది. కానీ ఈరోజు మన మూవీ సజెషన్ అది కాదు. రీసెంట్ గా థియేటర్లలో సందడి చేసిన మరో మూవీ. ఆ సినిమా పేరేంటి ? ఎక్కడ చూడవచ్చు ? అనే వివరాలపై ఒక లుక్కేద్దాం పదండి.
కవిన్, ఆండ్రియా జెరెమియా హీరో హీరోయిన్లుగా నటించిన మూవీ ‘మాస్క్’ (Mask). వికర్ణన్ అశోక్ దర్శకత్వం వహించిన ఈ తమిళ మూవీ రీసెంట్ గానే థియేటర్లలోకి వచ్చింది. డైరెక్టర్ గా ఆయనకు ఇదే మొదటి మూవీ. ఇందులో రుహాని శర్మ, చార్లే, ఆడుకలమ్ నరేన్, సుబ్రమణ్యం శివ, కల్లూరి వినోద్, మున్నార్ రమేష్, బాల శరవణన్, అర్చన చందోక్, జార్జ్ మేరియన్, పవన్, వెంకట్ సెంగుట్టువన్, మహదేవ్ పయ్యక్కల్ కీలక పాత్రలు పోషించారు. రెడిన్ కింగ్స్లీ అతిధి పాత్రలో మెరిశాడు. ఈ హీస్ట్ థ్రిల్లర్లో కవిన్ డబ్బు మీద ఆసక్తి ఉన్న డిటెక్టివ్ వేలుగా నటించగా, ఆండ్రియా అవినీతిపరురాలైన NGO నాయకురాలిగా కన్పిస్తుంది. ఆండ్రియా ఫస్ట్ టైమ్ లో ఇందులో విలన్ గా కన్పించింది. అయితే ఈ మూవీకి ఆడియన్స్ నుంచి పెద్దగా ఆదరణ లభించలేదు. ఒకవేళ థియేటర్లలో సినిమా చూడటం మిస్ అయితే, ఇప్పుడు ఎంచక్కా ఇంట్లోనే కూర్చుని ఈ సినిమాను చూడవచ్చు. జీ5 (ZEE5)లో ‘మాస్క్’ స్ట్రీమింగ్ అవుతోంది. నిజానికి థియేటర్లలో డిజాస్టర్ అన్పించుకున్న ఎన్నో సినిమాలు ఓటీటీలో దుమ్మురేపాయి. ఈ సినిమా అలాంటిది కాకపోయినా వన్ టైమ్ వాచ్ కి సరిపోతుంది. కాబట్టి కొత్తగా ఏదైనా హీస్ట్ థ్రిల్లర్ చూడాలి అనుకుంటే ఓసారి లుక్కేయండి.
Read Also : మరికొన్ని గంటల్లో ‘ఫ్రీడమ్ ఎట్ మిడ్ నైట్ సీజన్ 2’ స్ట్రీమింగ్… ఎక్కడ చూడొచ్చంటే ?
డిటెక్టివ్ వేలు డబ్బు కోసం కక్కుర్తి పడతాడు. మరో రకంగా చెప్పాలంటే అత్యాశ. మరోవైపు NGO పేరుతో అక్రమాలు చేస్తుంది భూమి (ఆండ్రియా జెర్మియా). అవినీతిపరుడైన ఒక పొలిటికల్ లీడర్ తన బ్లాక్ మనీని భూమికి అప్పగిస్తాడు. దాన్ని జాగ్రత్తగా దాచమని ఆమెకు చెప్తాడు. కానీ మాస్క్ ధరించిన ఒక ముఠా కారణంగా భూమి చేతుల్లో నుంచి ఆ డబ్బు చేజారుతుంది. అంటే ఆ డబ్బును దొంగిలిస్తారు. ఇప్పుడే హీరో రంగంలోకి దిగుతాడు. భూమి ఆ డబ్బును, ఈ పని చేసిన వాడిని కనిపెట్టడానికి డిటెక్టివ్ వేలుని తీసుకొస్తుంది. ఇక వేలు తన తెలివి తేటలు ఉపయోగించి ఆ డబ్బును వెనక్కి తీసుకురావడానికి ట్రై చేస్తాడు. ఇంతకీ వేలు ఆ డబ్బును తిరిగి తీసుకురాగలిగాడా ? అసలు కొట్టేసింది ఎవరు ? చివరికి ఏమైంది ? అనే ప్రశ్నలకు సమాధానం కావాలంటే ఈ మూవీని తెరపై చూడాల్సిందే.
Share
South Thrillers OTT : కేక పెట్టించే కన్నడ సినిమాల నుంచి అచ్చ తెలుగు ఆణిముత్యాల వరకు... ఓటీటీలో ఉన్న బెస్ట్ థ్రిల్లర్స్ ఇవే
OnePlus Turbo 6: ఐఫోన్ 17 కంటే పవర్ఫుల్ ఫోన్స్ లాంచ్ చేసిన వన్ప్లస్.. ఇక ఛార్జ్ చేయడం మర్చిపోండి
