Hey Balawanth movie OTT : థియేటర్లలో విడుదలకు ముందే సుహాస్ మూవీకి ఓటీటీ డీల్… స్ట్రీమింగ్ కూడా అప్పుడే

Hey Balawanth movie OTT : సుహాస్, శివాని నగరం ‘అంబాజీపేట మ్యారేజ్ బ్యాండ్’ తర్వాత ‘హే బలవంత్’ అనే కొత్త కామెడీ చిత్రంతో తిరిగి వస్తున్నారు. ఈ చిత్రానికి మొదట ‘హే భగవాన్’ అని పేరు పెట్టారు, కానీ సెన్సార్ అభ్యంతరం వ్యక్తం చేసిన తర్వాత దానిని హే బలవంత్ గా మార్చారు. ఈ కామెడీ డ్రామాలో VK నరేష్ ఒక ముఖ్యమైన పాత్ర పోషిస్తున్నారు. ప్రేక్షకులలో బలమైన బజ్ పెంచడానికి మేకర్స్ ఈ సినిమాను చురుగ్గా ప్రమోట్ చేస్తున్నారు. ఈ సినిమా థియేటర్లలో రిలీజ్ కాక ముందే ఓటీటీ, శాటిలైట్ హక్కులను సొంతం చేసుకుంది. ఈ సినిమా డిజిటల్ గా ఎక్కడ ప్రీమియం కాబోతోందో తెలుసుకుందాం పదండి.

ఏ ఓటీటీలో స్ట్రీమింగ్ అంటే

‘హే బలవంత్’ చిత్రానికి గోపి అచ్చర దర్శకత్వం వహించగా, త్రిశూల్ విజనరీ స్టూడియోస్ రెండవ బ్యానర్‌పై బి. నరేంద్ర రెడ్డి నిర్మించారు. ఈ సినిమాకి షణ్ముక ప్రశాంత్ కథను రాశారు. నెల్లూరు సుధాకర్, అన్నపూర్ణ, హర్ష వర్ధన్ వంటి నటులు కీలక పాత్రలు పోషించారు. వివేక్ సాగర్ సంగీత దర్శకుడిగా ఈ సినిమాకు పని చేశారు. ఈ చిత్రం థియేటర్లలో 2026 ఫిబ్రవరి 20న విడుదల కానుంది. ఇక ఈ సినిమా ఓటీటీ హక్కులను Z5 సొంతం చేసుకోగా , Z తెలుగు ఛానల్ శాటిలైట్ హక్కులను సొంతం చేసుకున్నాయి. ఈ హక్కుల నుండి మేకర్స్ మంచి మొత్తాన్ని పొందినట్లు తెలుస్తోంది. ఈ చిత్రం మార్చి 2026 రెండవ వారంలో డిజిటల్ గా ప్రసారం కానుంది.

సెన్సార్ వివరాలు

సుహాస్ చిత్రానికి సెన్సార్ A సర్టిఫికేట్ ఇవ్వడం జరిగింది. కనీసం U/A సర్టిఫికేట్ అయినా ఆశించామని నిర్మాతలు నిరాశ చెందారని తెలుస్తోంది. సినిమాలో తండ్రి చేసే వ్యాపారం కారణంగా ఈ రేటింగ్ వచ్చిందని తెలుస్తోంది. రెండు గంటల పద్నాలుగు నిమిషాల రన్‌టైమ్ తో ఈ సినిమా నడవనుంది.

కథ

సాధారణంగా సుహాస్ సినిమాలు సామాన్యుల సమస్యలను ఆసక్తిగా చూపిస్తాయి. ఈ సినిమాలో కూడా ఒక సామాన్య యువకుడు అనుకోకుండా ఎదుర్కొనే వింత పరిస్థితులు, వాటి నుండి తలెత్తే కామెడీ చుట్టూ కథ నడుస్తుంది. సొంతంగా వ్యాపారం ప్రారంభించాలని కలలు కనే యువకుడి కథ ఆధారంగా ఈ స్టోరీ ఉంటుంది. అయితే విధి మరోలా అతని జీవితంతో ఆడుకుంటుంది. అతను తన తండ్రి వ్యాపారంలో చేరవలసి వస్తుంది. అయితే ఆ వ్యాపారం బయటకి చెప్పుకోలేనిది ఉంటుంది. ఇంతలో ఆ వ్యాపారం హీరో ప్రేమకు కూడా సమస్యగా మారుతుంది. అసలు ఈ వ్యాపారం ఏమిటి? హీరో ప్రేమకథను ఇది ఎలా అడ్డుకుంటుంది? ఈ పరిస్థితిని హీరో ఎలా ఎదుర్కొంటాడు? అనే ఈ ప్రశ్నలకు సమాధానం తెలియాలంటే ఈ సినిమాను చూడాల్సిందే.

Read Also : ఒళ్లు గగుర్పొడిచే నిజాలతో బెంగాలీ థ్రిల్లర్ సిరీస్… రిలీజ్ డేట్ వాయిదా… అందుబాటులోకి వచ్చేది అప్పుడే

Share

• 
• 
• 
• 
• 
•