Horror Comedy OTT : ఇప్పుడు హారర్ కామెడీ సినిమాల ట్రెండ్ అయితే నడుస్తోంది. ఏ భాషలో వచ్చిన ఈ సినిమాలు, మినిమం గ్యారెంటీ తో నిర్మాతలను కాపాడేస్తున్నాయి కూడా. ఈ మధ్య వచ్చిన ‘సర్వం మాయ’ 100 కోట్ల క్లబ్లో చేరి అందర్నీ ఆశ్చర్య పరచింది. ఈ నేపథ్యంలో ఒక గుజరాతి హారర్ కామెడీ కూడా మంచి హిట్ గా నిలిచింది. ఈ కామెడీ ట్రాక్ కూడా నెక్స్ట్ లెవెల్ లో ఉంటుంది. అక్కడ ముగ్గురు వ్యక్తులు అనుకోకుండా ఒక ఊరిలో ఇరుక్కుపోతారు. అయితే అది ఒక దయ్యాల ఊరు, రాత్రి పూట మాత్రమే కనిపిస్తుంది. అక్కడ జరిగే సంఘటనలు పొట్ట చెక్కలయ్యేలా నవ్విస్తాయి.
ఈ గుజరాతీ హర్రర్ కామెడీ సినిమా పేరు ‘భల్లే పధర్యా’ (Bhalle Padharya). మనీష్ కుమార్ మాధవ్ దర్శకత్వం వహించిన ఈ సినిమాలో భరత్ చావడా, ప్రేమ్ గధ్వి, సౌరభ్ రాజ్యగురు, రాగి జాని ప్రధాన పాత్రల్లో నటించారు. ఈ చిత్రాన్ని పూజ ఎన్ మాధవ్ నిర్మించారు. 1 గంట 58 నిమిషాల నిడివి ఉన్న ఈ సినిమాకి, ఐయండిబిలో 7.5/10 రేటింగ్ లభించింది. 2024 అక్టోబర్ 11న విడుదలైన ఈ గుజరాతీ హారర్ కామెడీ, ప్రస్తుతం Amazon Prime Videoలో అందుబాటులో ఉంది.
ముగ్గురు దోస్తులు బర్త్డే పార్టీ కోసం ఫుల్లుగా ఎంజాయ్ చేద్దామని డిసైడ్ అవుతారు. వీళ్ళు అడవిలో ఉన్న ఒక రిసార్టుకు బయల్దేరుతారు. దారిలో ఎదురయ్యే అపశకునాలను అస్సలు పట్టించుకోకుండా, కారు వేగంగా పోనిచ్చి చివరకు ఒక పాడుబడ్డ ఊరికి చేరుకుంటారు. అక్కడ సీన్ కట్ చేస్తే, ఆ ఊరు మామూలు ఊరు కాదు! అది కేవలం రాత్రి పూట మాత్రమే కనిపిస్తూ, పగలు మాయమైపోయే ఒక శాపగ్రస్తమైన ఊరు. అక్కడున్న జనాలంతా ఎప్పుడో చచ్చిపోయి ఆత్మలుగా తిరుగుతుంటారు.
వీళ్లు లోపలికి వెళ్లగానే ఆ దయ్యాలు వీళ్లను చుట్టుముట్టి, తమకు శాప విముక్తి కలిగించమని టార్చర్ పెడతాయి. దీంతో ఆ ముగ్గురు దోస్తుల ప్యాంట్లు తడిచిపోతాయి. చావో రేవో తేల్చుకోవాలని డిసైడ్ అయిన మన హీరోలు, ఆ దయ్యాల నుండి ఎలాగోలా తప్పించుకోవడానికి చేసే పిచ్చి పిచ్చి ప్రయత్నాలే ఈ సినిమా. భయం కంటే భీభత్సమైన కామెడీయే ఇందులో ఎక్కువ. చివరకు ఆ ముగ్గురు ప్రాణాలతో బయటపడ్డారా ? ఆ దయ్యాలకే చుక్కలు చూపించారా ? అనేది ఈ సినిమాను చూసి తెలుసుకోండి.
Read Also : Horror comedy OTT: న్యూ ఇయర్ పార్టీలో నరాలు తెంపేసే ఉత్కంఠ… చావు కేక పెట్టించే సరదా
Share
Mojtaba Khamenei: ఇజ్రాయెల్ దాడుల్లో ఖమేని కొడుకు మోజ్తాబాకు గాయాలు, ఆయన ఆచూకీ ఎక్కడ?
Praja Palana: 99 రోజుల ప్రణాళిక పై ఆ రోజు అందరూ లెక్క చెప్పాల్సిందే: మహేష్ కుమార్ గౌడ్
