Comedy horror Thriller on OTT : ఓటీటీలో ఒక డిఫరెంట్ కామెడీ హారర్ థ్రిల్లర్ ను ఆడియన్స్ ను బాగా ఎంజాయ్ చేస్తున్నారు. ఇందులో దెయ్యాలు లేకపోయినా సీట్ ఎడ్జ్ కి తీసుకెళ్ళే సీన్స్ చాలానే ఉన్నాయి. ఇది అమెరికాలోని వలసదారుల సమస్యలను ఎత్తిచూపే ఒక పొలిటికల్ సటైర్. అమెరికాలో వలస వచ్చిన వాళ్ళను అక్కడి ప్రభుత్వం ఎంత దారుణంగా వాడుకుంటుందో చూపిస్తూ, దానికి కొంచెం కామెడీ, మరికొంత భయాన్ని జోడించి తీశారు. సినిమాలో కుర్రాళ్లు సడన్‌గా ముసలివాళ్లు అయిపోవడం, ఆ వెనుక ఉన్న మెడికల్ మాఫియా చేసే పనులు చూస్తుంటే ఒళ్లు గగుర్పొడుస్తుంది. కొత్త రకం కథలు, కాస్త డార్క్ గా ఉండే సినిమాలు ఇష్టపడే వాళ్లకి ఇది ఖచ్చితంగా ఒక వెరైటీ ఎక్స్‌పీరియన్స్ ఇస్తుంది.
2022లో వచ్చిన ఈ అమెరికన్ కామెడీ హారర్ సినిమా పేరు ‘అమెరికన్ కార్నేజ్’ (American Carnage). దీనికి డియెగో హాలివిస్ దర్శకత్వం వహించారు. ఈ సినిమా ప్రధానంగా అమెరికాలోని వలసదారుల హక్కులు, జాతి వివక్ష వంటి సోషల్ అంశాలను ఒక హారర్ కామెడీ రూపంలో చూపిస్తుంది. 2017లో డోనాల్డ్ ట్రంప్ తన ప్రసంగంలో వాడిన “American Carnage” అనే పదం నుండి సినిమా టైటిల్ తీసుకోబడింది. ఇందులో జెన్నా ఒర్టెగా, జార్జ్ లెండెబోర్గ్ నటనకు మంచి గుర్తింపు లభించగా, క్లైమాక్స్ లో వచ్చే కొన్ని మలుపులు ప్రేక్షకులను ఆశ్చర్యానికి గురిచేస్తాయి. ఈ సినిమా సుమారు 101 నిమిషాల నిడివితో సాగుతుంది. దీనికి డియెగో హాలివిస్ దర్శకత్వం వహించగా, ఉనాక్స్ మెండియా సినిమాటోగ్రఫీ అందించారు. ఈ సినిమా Prime Video లో స్ట్రీమింగ్‌కు అందుబాటులో ఉంది. ఇది Apple TV లో కూడా లభిస్తుంది.
అమెరికాలో ఒక రాష్ట్ర గవర్నర్ అకస్మాత్తుగా వలసదారుల పిల్లలందరినీ అరెస్టు చేయాలని ఆదేశిస్తాడు. ఈ క్రమంలో జేపీ అనే యువకుడు, అతని స్నేహితులతో కలిసి పోలీసులకు చిక్కుతాడు. అయితే ప్రభుత్వం వాళ్ళ దగ్గర ఒక ప్రతిపాదన పెడుతుంది. ఒక పెద్ద వృద్ధాశ్రమంలో వాలంటీర్లుగా పని చేస్తే, వారిపై ఉన్న కేసులను తొలగిస్తామని చెబుతారు. జైలు శిక్ష తప్పించుకోవడానికి వాళ్ళు ఆ ఒప్పందానికి సరే అని ఆశ్రమానికి వెళ్తారు. అయితే ఆశ్రమంలో మాత్రం వింత పరిణామాలు జరుగుతాయి. ఆ వృద్ధాశ్రమంలో అడుగుపెట్టిన కొద్దిరోజులకే అక్కడ ఏదో తేడాగా ఉందని జేపీ గమనిస్తాడు. అక్కడ ఉండే వృద్ధులు చాలా వింతగా ప్రవర్తిస్తుంటారు.
అసలు విషయం ఏమిటంటే, అక్కడ ఉన్న డాక్టర్లు ఈ యువకులకు పెట్టే ఆహారంలో ఒక రకమైన రసాయనాన్ని కలుపుతారు. దానివల్ల వీళ్ళు చాలా తొందరగా వృద్ధాప్యానికి గురవుతారు. నిజానికి అక్కడ ఉన్న వృద్ధులంతా ఒకప్పుడు ఇలాగే వాలంటీర్లుగా వచ్చిన యువకులేనని తెలిసి జేపీ షాక్ అవుతాడు. అంతేకాకుండా, చనిపోయిన వాళ్ళ శరీరాలతో మాంసం తయారు చేసి బయట అమ్ముతున్నారనే దారుణమైన నిజాన్ని జేపీ కనిపెడతాడు. రాజకీయ ప్రయోజనాల కోసం గవర్నర్ చేస్తున్న ఈ మాంసం వ్యాపారాన్ని అడ్డుకోవాలని జేపీ నిర్ణయించుకుంటాడు. చివరికి ప్రాణాలకు తెగించి ఆ నరకం నుండి వీళ్ళు ఎలా తప్పించుకున్నారు ? ఆ కుట్రను బయట ప్రపంచానికి ఎలా తెలియజేశారు ? అనే విషయాలను ఈ సినిమాను చూసి తెలుసుకోవాల్సిందే.
Read Also : ఆత్మల కేసులు ఇన్వెస్టిగేట్ చేసే దెయ్యాలు… అదిరిపోయే ఫాంటసీ అడ్వంచర్ భయ్యా
Share
సముద్రపు ఒడ్డున సయ్యాట... పాత ప్రేయసి రాకతో హీరో గుండెల్లో అలజడి... టాప్ రేటింగ్ తో అదరగొడుతున్న సిరీస్
హంతకుడు లేని మర్డర్ మిస్టరీ... అసలు ట్విస్ట్ తెలిస్తే షాక్ అవ్వాల్సిందే!
