Horror Movie OTT : కొరియాలో రొమాంటిక్ సినిమాలు ఫేమస్. ఇక్కడి నుంచి దెయ్యాల సినిమాలు తక్కువే. అయితే హర్రర్ సినిమాలకు అంతగా ఆదరణ ఉండని సమయంలో, ఒక దెయ్యం సినిమా వచ్చి సంచలనం సృష్టించింది. ఇది విడుదలైన కొద్ది రోజుల్లోనే 10 లక్షల మంది ప్రేక్షకులను థియేటర్లకు రప్పించి పెద్ద హిట్ కొట్టింది. ఇది మనుషుల స్వరం మారుస్తూ బలితీసుకునే దెయ్యం చుట్టూ ఈ కథ తిరుగుతుంది. ఈ సినిమా చూస్తున్నప్పుడు వచ్చే సౌండ్స్ కు సగం ప్రాణాలు పోతాయి. థియేటర్లలో చాలా భయానకంగా సౌండ్ ఎఫ్ఫెక్ట్ ఉంటుంది.
ఈ కొరియా హర్రర్ మూవీ పేరు ‘ది మిమిక్’ (The Mimic). 2017లో వచ్చిన ఈ సినిమా హు జంగ్ దర్శకత్వంలో, కొరియన్ జానపద కథ ఆధారంగా రూపొందింది. ఇందులో యమ్ జంగ్-ఆహ్, హ్యూక్-క్వాన్ ప్రధాన పాత్రల్లో నటించారు. ప్రస్తుతం ఈ చిత్రం నెట్ఫ్లిక్స్ (Netflix), ప్రైమ్ వీడియో (Prime Video) ప్లాట్ ఫామ్లలో అందుబాటులో ఉంది. ప్రధాన పాత్రలో నటించిన యమ్ జంగ్-ఆహ్ నటనకు చాలా ప్రశంసలు దక్కాయి. కొడుకును కోల్పోయిన తల్లి పడే ఆవేదనను, భయాన్ని ఆమె చాలా బాగా పండించారు ఇందులో.
యోన్ అనే మహిళ తన చిన్న కొడుకు ఐదేళ్ల క్రితం తప్పిపోవడంతో ఆ బాధ నుంచి కోలుకోలేకపోతుంది. ఆ జ్ఞాపకాల నుంచి బయటపడటానికి తన కుటుంబంతో కలిసి నగరం వదిలి, అడవికి దగ్గరగా ఉండే ఒక ఊరికి మారుతుంది. ఒకరోజు అడవిలో తిరుగుతుండగా, ఆమెకు ఒక చిన్న అమ్మాయి ఒంటరిగా కనిపిస్తుంది. ఆ పిల్ల పరిస్థితి చూసి జాలిపడి, తన ఇంటికి తీసుకువచ్చి ఆశ్రయం ఇస్తుంది. ఇక సినిమాలో అసలు కథ మొదలవుతుంది. ఆ అమ్మాయి ఇంటికి వచ్చినప్పటి నుండి వింత సంఘటనలు మొదలవుతాయి.
ఆశ్చర్యకరంగా, ఆ అమ్మాయి హీ-యోన్ కూతురు గొంతును అచ్చం అలాగే మాట్లాడటం మొదలుపెడుతుంది. అదే సమయంలో, ఆ ప్రాంతంలోని ఒక పాత గుహ గురించి భయంకరమైన నిజాలు బయటపడతాయి. అక్కడ ఉండే ఒక అతీంద్రియ శక్తి మనుషుల గొంతులను అనుకరిస్తూ, వాళ్ళ ప్రాణాలు తీస్తుందని తెలుస్తుంది. ఈ క్లైమాక్స్ వెన్నులో వణుకు పుట్టిస్తుంది. చివరికి ఆ చిన్న పాప యోన్ ప్రాణాలను కూడా తీస్తుందా ? ఆ పాపలో ఉన్న దెయ్యం ఎంత మందిని చంపుతుంది ? దీనికి అంతం లేదా ? ఈ కథ ముగింపు ఏంటి ? అనే విషయాలను, ఈ సినిమాను చూసి తెలుసుకోండి.
Read Also : ప్రతి ఉదయం ఒక కొత్త పరిచయం… గతం మరిచే ప్రియురాలి కోసం ప్రియుడి తపన… మళ్లీ మళ్లీ మొదలయ్యే ప్రేమ
Share
Psychological Thriller OTT : కసిగా నెత్తురు చిందించే సైకో పాప... క్షణ క్షణం ఉత్కంఠ... గుండె గట్టిగా ఉంటేనే చూడండి
Romantic Movie OTT: అరవై ఏళ్ళ ఆంటీ ప్రేమలో అందగాడు... ఇదెక్కడి వింత యవ్వారం సామీ
