Psychological Thriller OTT : మైండ్ బెండ్ చేసే ఒక మిస్టరీ థ్రిల్లర్ ఓటీటీలో స్ట్రీమింగ్ అవుతోంది. ఈ కొరియన్ థ్రిల్లర్ లో ఊహించని ట్విస్ట్లు వస్తూనే ఉంటాయి. ఇది 7 ఏళ్ల పాపతో మొదలవుతుంది. ఆ పాప అలాంటి, ఇలాంటి పాప కాదు. కత్తిపట్టే ఒక సైకో పాప. ఆడియన్స్ గుండెల్లో రైళ్లు పరిగెత్తించిన పాప, ఇక ఇలా చెప్పుకుంటూ పోతే బోలెడు చెప్పాలి ఈ పాప గురించి. ఎందుకంటే ఈ సినిమాలో పాప చేసే పనులు అలా ఉంటాయి మరి. క్లైమాక్స్ మరింత కన్ఫూస్ గా ఉంటుంది సామి. థ్రిల్లర్ ఫ్యాన్స్ మిస్ కాకుండా చూడాల్సిన సినిమా ఇది.
ఈ సైకలాజికల్ మిస్టరీ థ్రిల్లర్ సినిమా పేరు ‘సంబడీ’ (Somebody). కిమ్ యో-జియోంగ్, లీ జియోంగ్-చాన్ అనే ఇద్దరు దర్శకులు కలిసి ఈ సినిమాను చాలా గ్రిప్పింగ్గా తెరకెక్కించారు. ఇందులో క్వాక్ సన్-యంగ్, క్వాన్ యు-రి, లీ సియోల్ లీడ్ రోల్స్ లో నటించారు.
ఇది 2024 అక్టోబర్లో బుసాన్ ఇంటర్నేషనల్ ఫిల్మ్ ఫెస్టివల్లో ప్రదర్శించబడింది. ప్రస్తుతం ఈ సినిమా ‘ముబి’ (Mubi) ఓటీటీలో అందుబాటులో ఉంది.
యంగ్-యున్ అనే మహిళ ఒక స్విమ్మింగ్ కోచ్ గా ఉద్యోగం చేస్తుంటుంది. ఆమెకు ఏడేళ్ల కూతురు సో-హ్యూన్ ఉంటుంది. కానీ ఆ చిన్న పాపలో విపరీతమైన క్రూరత్వం, హింస కనిపిస్తాయి. ఆమె కళ్ల ముందే కుక్కను, పక్షులను దారుణంగా హింసించి చంపుతుంది కూతురు. తన కూతురు ఒక సైకోలా మారుతోందని, ఇతరులకు హాని చేస్తుందని ఆ తల్లి మనసులో ఒక రకమైన భయం మొదలవుతుంది. ఆ పసి వయసులోనే ఆ పాప చేసే పనులు చూసి యంగ్-యున్ తట్టుకోలేకపోతుంది.
ఇప్పుడు కథ ఇరవై ఏళ్లు ముందుకు వెళ్తుంది. ఇప్పుడు సీన్లోకి మిన్ , హే-యంగ్ అనే ఇద్దరు అమ్మాయిలు వస్తారు. వీళ్ళు ఒకే ఇంట్లో కలిసి ఉంటూ చాలా క్లోజ్ ఫ్రెండ్స్లా ఉంటారు. అయితే వీరిద్దరి మధ్య ఉండే బంధం వెనుక ఏదో ఒక తెలియని రహస్యం దాగి ఉన్నట్లు అనిపిస్తుంది. గతంలో ఆ చిన్న పాపకు, ఇప్పుడు ఈ ఇద్దరు అమ్మాయిలకు మధ్య ఉన్న సంబంధం ఏంటి అనేది అసలు ట్విస్ట్. ఆ తల్లి భయపడినట్లే తన కూతురు ఒక కిల్లర్గా మారిందా? ఈ ఇద్దరు స్నేహితుల్లో సో-హ్యూన్ ఎవరు ? ఇంతకీ ఆమె తల్లి ఏమైంది ? అనే ప్రశ్నలకు సమాధానాలను తెలుసుకోవాలనుకుంటే, ఈ సైకలాజికల్ మిస్టరీ థ్రిల్లర్ సినిమాను చూడాల్సిందే.
Read Also : స్పృహ లేని అమ్మాయితో రచ్చ చేసే రాక్ స్టార్ … పెళ్లి అంటూ రాత్రికి రాత్రే పాడుపని
Share
Horror Movie OTT : భార్యను దెయ్యానికి తాకట్టు... రాత్రయితే రగడ... వణికిస్తున్న ఒక్కో సీన్
Horror Movie OTT: అగచాట్లు పెట్టే పిల్ల పిశాచి... గుండె దడ పెంచే సీన్లు... వణికించే సౌండ్లు
