Horror Thriller OTT : ఒక సరికొత్త హాలీవుడ్ హారర్ థ్రిల్లర్ సినిమా ఓటీటీలోకి అడుగుపెట్టింది. సాధారణంగా దెయ్యం సినిమాలు అంటే చీకటి గదులు, పాడుబడ్డ బంగ్లాలు ఉంటాయి కానీ, ఇందులో మాత్రం అందమైన పార్కులో, పగటి వెలుతురులోనే భయాన్ని పుట్టించేలా తీశారు. ఒక అతీత శక్తి పిల్లలందరినీ తన గుప్పిట్లో పెట్టుకుని, వాళ్ళని వింత జీవుల్లా మార్చేయడం ఈ సినిమాలో హైలైట్. 1 గంట 31 నిమిషాల నిడివి ఉన్న ఈ సినిమా హారర్ ఫ్యాన్స్ బెస్ట్ ఛాయిస్ గా చెప్పుకోవచ్చు.
ఈ కెనడియన్ హారర్ థ్రిల్లర్ సినిమా పేరు ‘హైవ్’ (Hive). ఈ సినిమాకు ప్రధాన ఆకర్షణ దీని దర్శకుడు ఫెలిపే వర్గాస్. ఆయన తీసిన ఒక వైరల్ షార్ట్ ఫిలింకు వచ్చిన క్రేజ్ చూసి, ప్రముఖ స్ట్రీమింగ్ ప్లాట్ఫామ్ ‘టుబి’ (Tubi) దీనిని ఫీచర్ ఫిలింగా నిర్మించింది. ఇందులో మార్వెల్ నటి సోచిట్ల్ గోమెజ్ లీడ్ రోల్ చేయడంతో సినిమాకు మంచి హైప్ వచ్చింది. తక్కువ బడ్జెట్లో తీసినప్పటికీ, ఒక కొత్త రకమైన థ్రిల్లింగ్ ఎలిమెంట్స్ తో ఈ సినిమా సక్సెస్ టాక్ తో దూసుకెళ్తోంది. అయితే ఈ సినిమా థియేటర్లలో కాకుండా, 2026 ఏప్రిల్ 17న ఈ చిత్రం నేరుగా టుబి (Tubi) ఓటీటీ ప్లాట్ ఫామ్లో విడుదలైంది.
సాషా అనే అమ్మాయి సిటీకి దూరంగా ఉండే ఒక ఇంట్లో కేర్ టేకర్ గా జాయిన్ అవుతుంది. అయితే ఒక పెద్ద పార్కులోకి తను చూసుకోవాల్సిన ఒక చిన్న పిల్లాడిని తీసుకుని వెళ్తుంది. అంతా సాఫీగా సాగుతుందనుకున్న టైంలో, కన్ను మూసి తెరిచేలోపు ఆ పిల్లాడు మాయమైపోతాడు. పిల్లాడి కోసం దిక్కులు చూస్తూ వెతుకుతుంటే, ఆ ఏరియా అంతా ఎందుకో తేడాగా అనిపిస్తుంది. అక్కడ ఆడుకునే మిగతా పిల్లల మొహాల్లో కూడా ఏదో తెలియని వింత భయం, విచిత్రమైన చూపులు కనిపిస్తాయి. మెల్లగా చీకటి పడుతుంటే అసలు విషయం బయటపడుతుంది. ఆ పార్కులో ఉండే పిల్లలందరినీ ఒక వింతైన శక్తి తన గుప్పిట్లో పెట్టుకుంటుంది.
ఆ పిల్లలు మనుషుల్లా కాకుండా, ఏదో పురుగుల గుంపులాగా ప్రవర్తిస్తూ సాషాను చుట్టుముట్టేస్తారు. సాషాకు ఏం చేయాలో అర్థం కాక చుక్కలు కనిపిస్తాయి. కానీ ఎలాగైనా ఆ పిల్లాడిని కాపాడాలని తన తమ్ముడు మార్కోని కూడా పిలిపించుకుని, ఆ భయంకరమైన దుష్ట శక్తితో పోరాటానికి దిగుతుంది. అక్కడ ఉండే ఆ వింత శక్తి పిల్లల తల్లిదండ్రులను కూడా తన మాయలో కలిపేసుకోవాలని చూస్తుంటుంది. ఆ దెయ్యం శక్తి నుండి, ఆ వింత పిల్లల గుంపు నుండి సాషా ఎలా తప్పించుకుంది ? ఆ పిల్లాడిని సేఫ్ గా ఇంటికి తెచ్చిందా ? అనేదే ఈ సినిమా క్లైమాక్స్.
Read Also : ఆమె చూపు పడితే నాశనమే… ప్రేమిస్తే చావు మేళం పక్కా… భయపెడుతున్న హారర్ మూవీ
Share
పునర్విభజన ముసుగులో రిజర్వేషన్లకు పాతర.. కూనంనేని సంచలన వ్యాఖ్యలు
ఇంటర్ పూర్తి చేసిన వారికి గుడ్ న్యూస్.. నోటిఫికేషన్ విడుదల
