Horror Thriller OTT : దెయ్యాల సినిమాలు చాలా క్రేజీగా ఉంటాయి. అప్పుడప్పుడు వచ్చే సౌండ్స్, వింత ఆకారాలతో ఆడియన్స్ ను ఉలిక్కిపడేలా చేస్తుంటాయి. అయితే డిఫరెంట్ హారర్ కంటెంట్ తో భయపెడుతోంది ఒక హాలీవుడ్ హారర్ మూవీ. ఇది తల్లిపై కూతురు చేతబడి చేస్తుంది. ఆ తరువాత సాగే కథ వెన్నులో వణుకు పుట్టిస్తుంది. ఈ సినిమా క్లైమాక్స్ వరకు ఉత్కంఠగా సాగుతూ, ఒక షాకింగ్ ముగింపుతో మనల్ని ఆలోచింపజేస్తుంది కూడా. ఈ సినిమాకు విమర్శకుల నుండి మంచి ప్రశంసలు దక్కాయి. ముఖ్యంగా తల్లికూతుళ్ల మధ్య ఉండే సంబంధాన్ని హారర్ కోణంలో చూపించిన విధానం అందరినీ ఆకట్టుకుంది.
ఈ కెనడియన్ సూపర్ నేచురల్ హారర్ థ్రిల్లర్ సినిమా పేరు ‘పీవాకెట్’ (Pyewacket). ఆడమ్ మెక్‌డొనాల్డ్ ఈ చిత్రానికి దర్శకత్వం వహించారు. ఇందులో నికోల్ మునోజ్, లారీ హోల్డన్ లీడ్ రోల్స్ లో నటించారు. చిత్రానికి సంగీతం అందించిన లీ మాలియా, ప్రపంచ ప్రఖ్యాతి గాంచిన ‘బ్రింగ్ మీ ద హారిజన్’ అనే రాక్ బ్యాండ్‌లో సభ్యుడు. ఆయన అందించిన సంగీతం సినిమాని నెక్స్ట్ లెవెల్ కి తీసుకెళ్లింది. పెద్ద పెద్ద గ్రాఫిక్స్ వాడకుండా, కేవలం సౌండ్స్, నటీనటుల హావభావాలతోనే ప్రేక్షకులను టెన్షన్ పెట్టడం ఈ సినిమా స్పెషాలిటీ. తక్కువ బడ్జెట్‌తో తీసినా, 2017 టొరంటో ఇంటర్నేషనల్ ఫిల్మ్ ఫెస్టివల్‌లో ప్రదర్శితమై విమర్శకుల నుండి మంచి రేటింగ్స్ సొంతం చేసుకుంది ఈ మూవీ. ప్రస్తుతం ఇది ప్రైమ్ వీడియోలో అద్దెకు అందుబాటులో ఉంది.
ఈ కథలో ఒక ఇంట్లో తండ్రి చచ్చిపోతే, ఆ బాధ తట్టుకోలేక తల్లి కూతురు ఎప్పుడూ కొట్టుకుంటూ ఉంటారు. ఆ పిల్లకు వాళ్ళమ్మ మీద విపరీతమైన కోపం వచ్చేసి, ఆవేశంలో ఒక క్షుద్ర పూజ చేసే పుస్తకం కొంటుంది. అడవిలోకి వెళ్లి తన రక్తం చిందించి, వాళ్ళమ్మని చంపేయమని ‘పీవాకెట్’ అనే ఒక దయ్యాన్ని పిలుస్తుంది. అప్పుడు అది ఏదో సరదాకి చేసినట్టు అనిపించినా, అసలు కథ అక్కడే మొదలవుతుంది.
క్షుద్ర పూజ చేసిన కొద్దిసేపటికే ఆ పిల్లకు భయం పట్టుకుంటుంది. ఎంత పని చేశాను, అమ్మని చంపమని దయ్యాన్ని కోరుకోవడం ఏంటని బాధపడి, ఆ దయ్యాన్ని వెనక్కి వెళ్ళిపొమ్మని మళ్ళీ ఇంకో పూజ చేస్తుంది.
కానీ ఆ పీవాకెట్ దయ్యం అంత ఈజీగా వదిలేది కాదు. ఇంట్లో వింత వింత శబ్దాలు రావడం, ఎవరో తిరుగుతున్నట్టు అనిపించడం మొదలవుతుంది. ఆ దయ్యం తన రూపాన్ని మార్చుకుంటూ ఆ పిల్లను పిచ్చెక్కించడం స్టార్ట్ చేస్తుంది. ఇక చివరికి వచ్చేసరికి తన ముందు ఉన్నది తన అమ్మో లేక దయ్యమో అర్థం కాక ఆ పిల్లకి పిచ్చెక్కిపోతుంది. చివరికి ఆ దెయ్యం వచ్చిన పని ముగిస్తుందా ? దాని నుంచి ప్రాణాలతో వీళ్ళు బయట పడతారా ? ఈ క్లైమాక్స్ ఏమిటి ? అనే విషయాలను, ఈ హారర్ థ్రిల్లర్ సినిమాను చూసి తెలుసుకోండి.
Read Also : పెళ్లి పీటల మీద ప్రియురాలిని వదిలేసే ప్రియుడు… కట్ చేస్తే ఏడేళ్ల కూతురితో అదిరిపోయే ప్రేమకథ
Share
ఆ పీడకలల వెనుక వింత శాపం... నిద్రపోవాలంటేనే భయం పుట్టించే హారర్ థ్రిల్లర్
ఓటీటీలో ఇరగదీస్తున్న యాక్షన్ సినిమాలు... ఒక్కో సీన్ మెంటల్ మాస్
