Horror Thriller OTT : ఓటీటీలోకి ఒక సరికొత్త హాలీవుడ్ హారర్ థ్రిల్లర్ స్ట్రీమింగ్ కి వచ్చింది. ఈ కథలో చెల్లెలి మిస్సింగ్ మిస్టరీ కోసం, ఒక అక్క భయంకరమైన వేట మొదలుపెడుతుంది. ఇది కేవలం దెయ్యం సినిమా మాత్రమే కాదు, ఒక ఇన్వెస్టిగేటివ్ మిస్టరీ కూడా. పాత కెమెరా వీడియోల ద్వారా కథను నడిపిస్తూ, నిజంగానే మన పక్కన ఏదో జరుగుతుందనే ఫీలింగ్ని కలిగిస్తుంది. ఈ సినిమా చివర వరకు ఒక రకమైన టెన్షన్ని, భయాన్ని మెయింటైన్ చేస్తుంది. థ్రిల్లర్ ఫ్యాన్స్ కి మంచి మజా ఇచ్చే సినిమా ఇది.
ఈ అమెరికన్ సూపర్ నేచురల్ హారర్ మిస్టరీ మూవీ పేరు ‘షెల్బీ ఓక్స్’ (Shelby Oaks). ప్రముఖ యూట్యూబ్ మూవీ క్రిటిక్ క్రిస్ స్టక్మాన్ తన కలల ప్రాజెక్టుగా దీనిని రూపొందించారు. కేవలం అభిమానుల నుండే ‘కిక్స్టార్టర్’ ద్వారా దాదాపు ₹11.5 కోట్లకు పైగా నిధులు సేకరించి, అత్యధిక విరాళాలు పొందిన హారర్ చిత్రంగా ఇది ప్రపంచ రికార్డు సృష్టించింది. ఈ సినిమాను అత్యంత భయంకరమైన ప్రదేశాల్లో చిత్రీకరించారు. ముఖ్యంగా ఇందులోని జైలు సన్నివేశాలను ‘ఒహియో స్టేట్ రిఫార్మేటరీ’ లో షూట్ చేశారు. ఇదే జైలులో గతంలో సూపర్ హిట్ మూవీ ‘ది షాశాంక్ రిడంప్షన్’ ను కూడా తీశారు. ఇందులో కామిల్లె సుల్లివన్, సారా డర్న్, బ్రెండన్ సెక్స్టన్ III, కీత్ డేవిడ్ ప్రధాన పాత్రలు పోషించారు. ఈ సినిమా 2025 అక్టోబర్ 24న థియేటర్లలో విడుదలైంది. ఈ సినిమా 2026 ఏప్రిల్ 17 నుండి హులు (Hulu) ప్లాట్ ఫామ్లో స్ట్రీమింగ్ అవుతోంది.
‘పారానార్మల్ పారనాయిడ్స్’ అనే ఒక యూట్యూబ్ గ్రూప్, దెయ్యాలు ఉంటాయని నమ్మే ప్రాంతాలను షూట్ చేస్తూ ఉండేవాళ్ళు. ఒకసారి ఒక పాడుబడ్డ జైలుకు వెళ్ళినప్పుడు ఆ గ్రూప్లో ఉన్న ఐదుగురు వ్యక్తులు అడ్రస్ లేకుండా మాయమైపోతారు. ఆ బృందంలో రైలీ అనే అమ్మాయి కూడా ఉంటుంది. అప్పటి నుండి ఆమె అక్క మియా, తన చెల్లెలు ఏమైపోయిందో తెలియక తీవ్రమైన మనోవేదన అనుభవిస్తూ, తన కోసం వెతుకుతూనే ఉంటుంది. సుమారు 12 ఏళ్ల తర్వాత ఆ గ్రూప్ షూట్ చేసిన కొన్ని పాత వీడియో క్లిప్పింగ్స్ మియాకి దొరుకుతాయి.
అయితే ఆ వీడియోలను జాగ్రత్తగా గమనిస్తే, తన చెల్లెలి మాయం వెనుక ఏదో ఒక అతీంద్రియ శక్తి ఉందని ఆమెకు అర్థమవుతుంది. అది తన చిన్నతనంలో తను భయపడిన ఒక దుష్టశక్తి అని తెలుసుకుని మియా షాక్ అవుతుంది. ఆ క్లూస్ పట్టుకుని చెల్లెలి ఆచూకీ కోసం ఆమె ఒంటరి పోరాటం మొదలుపెడుతుంది. అసలు ఆ పాడుబడ్డ జైలులో ఆ రాత్రి ఏం జరిగింది? తన చెల్లెలు ఇంకా బతికే ఉందా? మియా ఈ మిస్టరీని ఎలా ఛేదిస్తుంది ? ఆ దుష్టశక్తిని ఎలా ఎదుర్కొంటుంది? అనే విషయాలతో సినిమా భయంకరమైన మలుపులు తిరుగుతుంది.
Read Also : ఇంట్లో ఇల్లాలు ఆఫీస్ లో ప్రియురాలు… మైండ్ బెండింగ్ ట్విస్టులతో అదరగొడుతున్న సిరీస్
Share
పరాయి స్త్రీ కోసం పరితపించే రక్త పిశాచి... వణుకు పుట్టిస్తున్న వింత స్టోరీ
గ్యాంగ్స్టర్లు గన్ లు.. మధ్యలో ఒకే ఒక్క పోలీస్... ఈ యాక్షన్ సినిమా చూస్తే వచ్చే కిక్కే వేరబ్బా
