Horror Thriller OTT : హారర్ సినిమాలకు ఉన్న క్రేజ్ మామూలుగా అయితే ఉండదు. ఈ సినిమాలను పగలు, రాత్రి అని తేడా లేకుండా చూసేస్తుంటారు. అయితే కొన్ని సినిమాలను రాత్రి పూట చూస్తే ఒంట్లో వణుకు పుట్టి చలి జ్వరం వస్తుంది. ఇప్పుడు చెప్పుకోబోయే సినిమా అలాంటిదే. ఈ సినిమాను పూర్తిగా యూదుల జానపద కథల ఆధారంగా తీశారు. ఇందులో చూపించిన దెయ్యం పురాణాల ప్రకారం గర్భవతులను, చిన్న పిల్లలను వేధిస్తుంటుంది. ఈ సినిమా పేరు ? ఏ ఓటీటీలో ఉంది ? అనే వివరాల్లోకి వెళ్తే..
‘ది ఆఫరింగ్’ (The Offering) 2022లో వచ్చిన ఒక అమెరికన్ సూపర్ నేచురల్ హారర్ సినిమా. దీనికి ఆలివర్ పార్క్ దర్శకత్వం వహించారు. ఇందులో నిక్ బ్లడ్, ఎమిలీ వైజ్మాన్, అలన్ కార్డనర్ ప్రధాన పాత్రలు పోషించారు. ఇందులో తండ్రి పాత్ర వేసిన అలన్ కార్డనర్, క్షుద్రశక్తుల గురించి తెలిసిన వ్యక్తిగా నటించిన పాల్ కే తమ నటనతో సినిమాకు ప్రాణం పోశారు. ముఖ్యంగా యూదు సంప్రదాయాలను చాలా సహజంగా చూపించారు. ఈ సినిమా అంతా ఒకే ఇంట్లో జరుగుతుంది. ఆ ఇల్లు, అక్కడి వాతావరణం ప్రేక్షకులకు ఒక రకమైన భయాన్ని కలిగిస్తాయి. ఈ సినిమాను ప్రసిద్ధ హాలీవుడ్ నిర్మాణ సంస్థ మిలీనియం మీడియా నిర్మించింది. ఈ సినిమా ప్రస్తుతం prime video లో అందుబాటులో ఉంది.
చాలా కాలం క్రితం తన తండ్రిని వదిలేసి వెళ్ళిపోయిన ఆర్థర్, అప్పుల బాధ నుండి బయటపడటానికి ప్రెగ్నెంట్ గా ఉన్న తన గర్భవతి భార్యతో కలిసి తిరిగి ఇంటికి వస్తాడు. అతని తండ్రి ఒక యూదు సంప్రదాయంలో శవాలకు అంత్యక్రియలు చేస్తుంటాడు. ఇప్పుడు తండ్రిని ఒప్పించి ఆ ఇంటిని తాకట్టు పెట్టి డబ్బు సంపాదించాలనేది ఆర్థర్ అసలు ప్లాన్. అదే సమయంలో ఒక ముసలోడు తన పెళ్లాన్ని బతికించుకోవాలని ఒక క్షుద్ర శక్తిని (అబిజూ అనే దెయ్యం) ఒక శవంలో బంధించి చనిపోతాడు. ఆ శవం వీళ్ల ఇంటికే వస్తుంది.
ఆర్థర్ తెలియక ఆ శవం మెడలో ఉన్న తాయెత్తును పగలగొట్టడంతో, అందులో ఉన్న ఆ దెయ్యం బయటికి వస్తుంది. ఇక ఈ దెయ్యం గర్భవతులను, పుట్టబోయే బిడ్డలను లక్ష్యంగా చేసుకుంటుంది. అది ఆ ఇంట్లో ఉన్న ఒక్కొక్కరిని భయపెట్టడం మొదలుపెడుతుంది. ఆర్థర్ తండ్రి తన కొడుకును, కోడలిని కాపాడటానికి శతవిధాలా ప్రయత్నిస్తాడు, కానీ ఆ క్రమంలో అతను ప్రాణాలు కోల్పోతాడు. ఇప్పుడు ఆ దెయ్యం చేసే బీభత్సం మామూలుగా ఉండదు. చివరికి ఆర్థర్ తన భార్యతో అక్కడి నుంచి బయట పడతాడా ? వీళ్ళు కూడా ఆ దెయ్యానికి బలి అవుతారా ? అనే విషయాలను, ఈ హారర్ సినిమాను చూసి తెలుసుకోవాల్సిందే.
Share
Allu Arjun: అల్లు అర్జున్ కు డాన్స్ నేర్పించింది నేనే.. క్రెడిట్ మొత్తం చోరీ చేసిన నటి!
Richest IPL Cricketers: ధోని, కోహ్లీ, రోహిత్ ఎవరూ కాదు..ఐపీఎల్ లో రిచెస్ట్ క్రికెటర్ ఎవరంటే
