Horror Thriller OTT : థ్రిల్లర్ సినిమాలకు ఉన్న క్రేజ్ మిగతా సినిమాలతో పోలిస్తే ఎక్కువే. ఎంత థ్రిల్లింగ్ గా ఉంటే, ఈ సినిమాలు అంత బాగా హిట్ అవుతుంటాయి. ఓటీటీలో ఈ జానర్ కంటెంట్ తో వస్తున్న సినిమాలే ఇప్పుడు ట్రెండింగ్ లో కూడా ఉన్నాయి. ఇప్పుడు మనం చెప్పుకోబోయే సినిమాలో కూడా థ్రిల్ ఓ రేంజ్ లో ఉంటుంది. ఈ సినిమాలో ఇద్దరు అమ్మాయిలు చిన్న చిన్న మోసాలు చేస్తూ, జల్సాలు చేస్తుంటారు. అయితే ఒక సైకో డాక్టర్ చేతిలో పడ్డాక వీళ్ళ జీవితం తలకిందులు అవుతుంది. ఈ సినిమా ఈ ఏడాది ఫిబ్రవరిలో నేరుగా ఓటీటీలో స్ట్రీమింగ్ కి వచ్చింది.
ఈ అమెరికన్ హారర్ థ్రిల్లర్ సినిమా పేరు ‘ట్విస్టెడ్’ (Twisted). ఈ సినిమాను డైరెక్ట్ చేసిన డారెన్ లిన్ బౌస్మాన్, హారర్ సినిమాల్లో ఫేమస్ అయిన Saw II, III, IV చిత్రాలకు కూడా దర్శకుడు. అందుకే ఈ సినిమాలో రక్తం చిందించే ఎలిమెంట్స్ ఎక్కువగా ఉంటాయి. ఇక ఈ సినిమాలో నటించిన లారెన్ లావెరాకు హారర్ ఫ్యాన్స్లో మంచి ఫాలోయింగ్ ఉంది. ఆమె ఇంతకుముందు Terrifier 2 లో నటించి పాపులర్ అయ్యింది. ఇక విలన్గా నటించిన జిమోన్ హౌన్సో హాలీవుడ్ లో పరిచయం ఉన్న మోహమే. ఈ సినిమా 2026 ఫిబ్రవరి 6న నుంచి ప్రైమ్ వీడియో, Zee5 ప్లాట్ఫామ్లలో అందుబాటులోకి వచ్చింది.
న్యూయార్క్లో పలోమా, స్మిత్ అనే ఇద్దరు కిలాడీ లేడీలు ఉంటారు. వీళ్ల పని ఏంటంటే… తమవి కాని ఖరీదైన విలాసవంతమైన అపార్ట్మెంట్లను చూపిస్తూ, అమాయకపు జనాలకు అద్దెకు ఇస్తామని చెప్పి అడ్వాన్స్లు నొక్కేసి జెండా ఎత్తేస్తుంటారు. ఇలా ఈజీగా డబ్బులు సంపాదించేసి లైఫ్ ఎంజాయ్ చేయాలనుకుంటారు. అలాగే ఆ డబ్బుతో జల్సాలు చేస్తుంటారు కూడా. కానీ ఒకరోజు వీళ్లు వేసిన ప్లాన్ రివర్స్ అవుతుంది. వీళ్ళు డాక్టర్ రాబర్ట్ కెజియన్ అనే ఒక సర్జన్ అపార్ట్మెంట్లోకి పొరపాటున అడుగుపెడతారు. ఆ డాక్టర్ చూడటానికి చాలా పద్ధతిగా ఉన్నా, లోపల మాత్రం అసలు సిసలైన సైకో. ఈ ఇద్దరు అమ్మాయిలు తన ఇంటిని అద్దెకు ఇస్తామని ఎర వేస్తున్నారని తెలుసుకున్న డాక్టర్, వాళ్లను వదిలేయకుండా తన గదిలో బంధిస్తాడు.
అక్కడనుంచి మొదలవుతుంది అసలు ఆట. ఆ డాక్టర్ దగ్గర ఒక వింతైన మెషిన్ ఉంటుంది. ఆ మెషిన్ ద్వారా ఒక మనిషి మెదడులోని జ్ఞాపకాలను, అనుభవాలను ఇంకో మనిషిలోకి మార్చవచ్చని అతను నమ్ముతుంటాడు. ఆ ప్రయోగం కోసమే ఈ అమ్మాయిలను బలిపశువులను చేయాలని ప్లాన్ చేస్తాడు. ఇప్పుడు కథ పీక్స్ లోఉంటుంది. చివరికి ఆ డాక్టర్ దగ్గర నుండి ఈ ఇద్దరు కిలాడీలు తప్పించుకున్నారా ? అతని ప్రయోగాలకు బలైపోయారా ? అనే విషయాలను,ఈ సినిమాను చూసి తెలుసుకోవాల్సిందే.
Read Also : చావు భయంతో వణికిపోయే డ్యాన్సర్లు… అవంతిక వందనపు నటించిన హాలీవుడ్ థ్రిల్లర్ ఓటీటీలోకి… ఎక్కడ చూడచ్చు అంటే
Share
Dil Raju: ‘దేత్తడి’ కథ పుట్టడానికి కారణం ఎవరంటే?
BHIM Small UPI Payments: ఇక పై రూ.5000 వరకు నో పిన్.. BHIM యాప్ లో కొత్త ఫీచర్
