Thriller Movie OTT : ఓటీటీలోకి ఒక హాలీవుడ్ మూవీ నేరుగా స్ట్రీమింగ్ కి వస్తోంది. ఈ సినిమా యాక్షన్ థ్రిల్లర్ నేపథ్యంలో సాగుతుంది. ఇందులో అవంతిక వందనపు ఒక ముఖ్యమైన పాత్రలో నటించింది. మన తెలుగు అమ్మాయి హాలీవుడ్లో ఇలాంటి క్రేజీ యాక్షన్ థ్రిల్లర్లో నటించడం విశేషం. ఇక ‘కిల్ బిల్’ వంటి సినిమాలతో యాక్షన్ క్వీన్గా పేరు తెచ్చుకున్న ఉమా థర్మన్ ఇందులో నెగటివ్ షేడ్స్ ఉన్న పాత్రలో నటించింది. ఆమె యాక్టింగ్ ఈ సినిమాకు మెయిన్ హైలైట్ కూడా. ఇది ఒక డ్యాన్స్ పోటీకి వెళ్తున్న ఐదుగురు ప్రొఫెషనల్ బాలే డ్యాన్సర్ల చుట్టూ తిరుగుతుంది. వీళ్ళంతా ఒక అడవిలో ఉన్న వింత హోటల్ లో చిక్కుకోవడంతో అసలు కథ ఉంటుంది. ఈ సినిమా షూటింగ్ హంగేరీలోని బుడాపెస్ట్ పరిసరాల్లో జరిగింది. అక్కడి దట్టమైన అడవులు, పాతకాలపు కట్టడాలు సినిమాలోని భయానక వాతావరణాన్ని పీక్స్కి తీసుకెళ్లాయి.
ఈ థ్రిల్లర్ మూవీ పేరు ‘ప్రెట్టీ లీతల్’ (Pretty Lethal). ఈ చిత్రం థియేటర్లలో విడుదలయ్యే అవకాశం లేదు. అయితే 2026 మార్చి 13న జరిగిన SXSW ఫిల్మ్ ఫెస్టివల్లో దీనికి సంబంధించి ప్రత్యేక ప్రదర్శనలు జరిగాయి. అమెజాన్ ఎంజిఎం స్టూడియోస్ ఈ సినిమాను నేరుగా తమ ఓటీటీ ప్లాట్ఫామ్ అయిన ప్రైమ్ వీడియో (Prime Video) లోనే విడుదల చేస్తోంది. ఇది ప్రేక్షకులకు మార్చి 25 నుండి ప్రైమ్ వీడియోలో మాత్రమే అందుబాటులో ఉంటుంది.
ఐదుగురు బాలే డ్యాన్సర్ల టీమ్ అదిరిపోయే డ్యాన్స్ కాంపిటీషన్ కోసం బస్సు ప్రయాణం మొదలు పెడతారు. కానీ దారి మధ్యలో ఒక అడవి దగ్గర వాళ్ల బస్సు ట్రబుల్ ఇచ్చి ఆగిపోతుంది. సహాయం కోసం ఎదురుచూస్తున్నప్పుడు, అడవిలో ఒక పాతకాలపు రోడ్సైడ్ హోటల్ కనిపిస్తుంది. ఆ హోటల్ యజమాని ఒకప్పుడు పెద్ద డ్యాన్సర్ అని వాళ్ళకు తెలుస్తుంది. దీంతో వీళ్ళు కూడా హ్యాపీగా ఫీల్ అవుతారు. కానీ కథ నడిచే కొద్ది, ఇప్పుడు ఆమెలో ఏదో తెలియని క్రూరత్వం ఉందని వాళ్లకి మెల్లమెల్లగా అర్థమవుతుంది. ఆ హోటల్ లోపల అడుగుపెట్టినప్పటి నుండి వాళ్లకి చావు భయం మొదలవుతుంది.
ఆ హోటల్ బయట గడ్డకట్టే చలి, లోపల ఏమో గడ్డపారల్లాంటి ఆయుధాలతో సైకో ముసలామె. అమ్మాయిలను గదిలో బంధించి, వాళ్లతో పిచ్చి ఆటలు ఆడిస్తుంది ఆమె. ఇక లాభం లేదనుకున్న ఆ ఐదుగురు డ్యాన్సర్లు, అక్కడ ఉన్న వింత మనుషుల నుండి తప్పించుకోవడానికి నడుం బిగిస్తారు. ఈ అమ్మాయిలు తమ డ్యాన్స్ విద్యనే ఆయుధంగా మలుచుకుంటారు. ఈ క్లైమాక్స్ లో ఫైట్స్ కూడా చాలా క్రేజీగా ఉంటాయి. చివరికి వీళ్ళంతా ఆ హోటల్ నుంచి బయట పడతారా ? ఆ హోటల్ లో ఎందుకు వీళ్ళను వేధించారు ? అనే విషయాలను, ఈ సినిమాను చూసి తెలుసుకోవాల్సిందే.
Read Also : మాఫియా లీడర్ గా మారే గూఢచారి… వెంట పడే డిటెక్టివ్… కేక పెట్టిస్తున్న కొరియన్ థ్రిల్లర్
Share
CM Revanth Reddy: హైదరాబాద్ నగర జీవన ప్రమాణాలు మెరుగుపరుస్తాం.. శాసన మండలిలో సీఎం రేవంత్ రెడ్డి
Heavy rains: రాష్ట్రంలో భారీ వర్షం.. ఈ జిల్లాల్లో పిడుగుల వాన
