Hot Spot 2 Much OTT : విఘ్నేష్ కార్తీక్ దర్శకత్వంలో ఇటీవల విడుదలైన తమిళ చిత్రం ‘హాట్ స్పాట్ 2 మచ్’ (Hot Spot 2 Much). ఇది 2024లో విడుదలైన ‘హాట్ స్పాట్’ కి సీక్వెల్ గా వచ్చింది. థియేటర్లలో విడుదలైన సమయంలో అంత ఆదరణ లభించకపోయినా, ఈ సినిమా ఇప్పుడు డిజిటల్ గా సెన్సేషన్ అవుతోంది. ఎందుకంటే ఈ సినిమా ఒకటి కాదు, రెండు కాదు, ఏకంగా ఆరు స్ట్రీమింగ్ ప్లాట్‌ఫామ్‌లలో స్ట్రీమింగ్ కాబోతోంది. మరి ఈ సినిమా ఏ ఓటీటీలలో స్ట్రీమింగ్ కాబోతోంది ? దీని కథ ఏమిటి ? అనే విషయాలపై ఓ లుక్ వేద్దాం పదండి.
‘హాట్ స్పాట్ 2 మచ్’ విఘ్నేష్ కార్తీక్ దర్శకత్వంలో 2026 జనవరి 23న విడుదలైన ఒక హైపర్ లింక్ డ్రామా. ఇందులో ప్రియా భవానీ శంకర్, MS బాస్కర్, తంబి రామయ్య, రక్షణ, అశ్విన్ కుమార్, ఆదిత్య బాస్కర్, భవాని శ్రీ నటించారు. దీనిని కెజెబి టాకీస్, యాంట్స్ టు ఎలిఫెంట్స్ నిర్మించారు. ఇది ఆరు స్ట్రీమింగ్ ప్లాట్‌ఫామ్‌లలో 2026 ఫిబ్రవరి 20న ప్రీమియర్ అవుతుంది. అమెజాన్ ప్రైమ్ వీడియో, ఆహా, లయన్స్‌గేట్ ప్లే, సింప్లీ సౌత్, AP ఇంటర్నేషనల్ సౌత్ సినిమా, షార్ట్ ఫ్లిక్స్ లో అందుబాటులో ఉండనుంది.
ఈ సినిమా కథ ఒక దర్శకురాలు (ప్రియా భవానీ శంకర్) ఒక నిర్మాతకు మూడు వేర్వేరు కథలను వినిపించే నేపథ్యంలో సాగుతుంది. మొదటి కథలో హీరోల మీద ఉండే మితిమీరిన అభిమానం (Toxic Fan Culture) వల్ల వచ్చే సమస్యలను చూపించారు. రెండో కథలో ఆడవాళ్ళ బట్టల మీద సమాజం చేసే కామెంట్స్, వాటి వెనక ఉండే రాజకీయాల గురించి చూపించారు. ఇక మూడో కథలో టైమ్ ట్రావెల్ కాన్సెప్ట్‌ని వాడుకుని, నేటి తరం ప్రేమ బంధాలను వినోదాత్మకంగా, కాస్త ఘాటుగా చూపించడం జరిగింది. దర్శకుడు విఘ్నేష్ కార్తీక్ సమాజంలో మనం బయటికి చెప్పుకోలేని కొన్ని సున్నితమైన విషయాలను ఈ మూడు కథల ద్వారా చాలా బోల్డ్‌గా చూపించారు. ప్రతి కథలోనూ ఒక సోషల్ మెసేజ్ ఉంటుంది. సమాజం మార్చుకోవాల్సిన పద్ధతులను ఈ ‘హాట్ స్పాట్ 2 మచ్’ మన ముందుకు తీసుకొచ్చింది.
Share
Oppo Foldable N6: 16GB ర్యామ్, అడ్వాన్స్ పవర్‌ఫుల్ ప్రాసెసర్‌తో కొత్త ఫోల్డెబుల్ ఫోన్.. త్వరలోనే లాంచ్ చేయనున్న ఓప్పో
Begumpet Theft: శివరాత్రి జాగారం కోసం వెళ్తే ఇల్లు గుల్ల.. దొంగల బీభత్సం, 30 తులాల బంగారం అపహరణ
