Crime Thriller Series : అది ఢిల్లీ.. ఉదయం.. ప్రాంతం ఓ ప్రముఖ జైలు..! అక్కడ గేటు బయట పోలీసులు చూసిన దృశ్యం దేశాన్ని షాక్‌కు గురిచేసింది. తల తెగిపోయిన ఒక శవం.. పక్కనే ఒక లెటర్..పోలీసులకే సవాల్ విసురుతూ రాసిన ఆ లెటర్ చూసి ఖాకీలు సైతం షాక్ అయ్యారు. ఆ తర్వాత బయటపడిన నిజాలు మొత్తం పోలీసు వ్యవస్థను ఉలిక్కిపడేలా చేశాయి. నిజజీవిత ఘటనల ఆధారంగా రూపొందిన ఈ ట్రూ క్రైమ్ డాక్యుసిరీస్ భారత్‌లో అత్యంత భయంకరమైన సీరియల్ కిల్లర్ కేసుల్లో ఒకదాన్ని ప్రేక్షకుల ముందుకు తీసుకొచ్చిది. మొత్తం మూడు ఎపిసోడ్లతో రూపొందిన ఈ సిరీస్ ప్రస్తుతం నెట్ ఫ్లిక్స్ లో స్ట్రీమింగ్ అవుతోంది.
ఈ కథ 2006లో ఢిల్లీలో జరిగిన వరుస హత్యల చుట్టూ తిరుగుతుంది. నగరంలోని వేర్వేరు ప్రాంతాల్లో శవాలు కనిపించడం మొదలవుతుంది. కొన్ని సందర్భాల్లో శరీర భాగాలు విడిగా కనిపిస్తాయి. మరికొన్ని చోట్ల హత్యలకు సంబంధించిన భయంకరమైన ఆధారాలు లభిస్తాయి. అయితే ఈ కేసును మరింత సంచలనంగా మార్చింది హంతకుడి ప్రవర్తనే. ప్రతి హత్య తర్వాత అతను పోలీసులను ఎగతాళి చేస్తూ లేఖలు పంపేవాడు. తనను పట్టుకునే శక్తి పోలీసులకు లేదని బహిరంగంగా సవాల్ చేసేవాడు. హత్యలు చేయడమే కాకుండా వాటిని ఒక ఆటగా భావిస్తూ వ్యవహరించిన తీరు దర్యాప్తు అధికారులను కూడా ఆశ్చర్యానికి గురిచేసింది. అతని ప్రతి అడుగు వెనుక ఒక ప్రణాళిక ఉండేది. ప్రతి నేరం వెనుక ఒక మెసేజీ ఉండేది.
సిరీస్‌లో పోలీసులు ఎదుర్కొన్న సవాళ్లు, కేసు దర్యాప్తు తీరు, హంతకుడి మానసిక స్థితి, అతని గతం గురించి ఆసక్తికరంగా చూపించారు. ముఖ్యంగా నేరస్థుడి ఆలోచనా విధానం ఎంత ప్రమాదకరంగా ఉంటుందో ఈ డాక్యుమెంటరీ స్పష్టంగా వివరిస్తుంది. ఒక వ్యక్తి ఎలా ఇంత క్రూరంగా మారాడు అనే ప్రశ్నకు సమాధానాలు వెతికే ప్రయత్నం కూడా ఇందులో కనిపిస్తుంది.
ట్రూ క్రైమ్ డాక్యుమెంటరీలు, సీరియల్ కిల్లర్ కేసులు, పోలీసు దర్యాప్తు కథలు ఇష్టపడేవారికి ఇది తప్పక చూడాల్సిన సిరీస్. అయితే ఒక విషయం మాత్రం ఖాయం. ఈ కేసు గురించి తెలుసుకున్న తర్వాత ఆ హంతకుడి ధైర్యం చూసి ఆశ్చర్యపోతారు. అతని క్రూరత్వం చూసి భయపడతారు.
Read Also : నిబ్బా నిబ్బి లవ్ స్టోరీకి ఇంత క్రేజా… మోస్ట్ ఇన్‌స్టా ట్రెండింగ్ మలయాళం మూవీ
Share
ప్రాణం వచ్చే బొమ్మలు... శపించబడిన జోకర్లు... తోడేలు మనుషులు... క్లైమాక్స్ కెవ్వు కేక
Modi-Babar: మోడీనా మాజాకా...బాబ‌ర్ ఆజం నోట్లో మ‌ట్టి కొట్ట‌డం గ్యారెంటీ
