Romantic drama OTT : 2025 మలయాళ సినిమా ప్రియులకు ప్రత్యేకంగా గుర్తుండిపోయే ఏడాది. ఈ సంవత్సరం థియేటర్స్‌ లో దుమ్మురేపిన చాలా మలయాళం సినిమాలకు ఓటీటీలోనూ అదిరిపోయే రెస్పాన్స్ దక్కింది. అలాంటి సినిమాలలో ‘ఇతిరి నేరం’ (Ithiri Neram) కూడా ఒకటి. మరి ఈ మూవీ ఏ ఓటీటీలో స్ట్రీమింగ్ అవుతోంది ? స్టోరీ ఏంటి? అనే వివరాలపై ఒక లుక్కేద్దాం పదండి.
ప్రశాంత్ విజయ్ డైరెక్ట్ చేసిన రొమాంటిక్ డ్రామా ‘ఇతిరి నేరం’ డిసెంబర్ 31న సన్ నెక్స్ట్ (Sun NXT) ఓటీటీలో స్ట్రీమింగ్ షురూ అయ్యింది. రోషన్ మాథ్యూ, జరీన్ షిహాబ్ లీడ్ రూల్స్ లో నటించిన ఈ మూవీ థియేటర్స్‌లో రిలీజ్ అయిన నెల తర్వాత ఓటీటీలోకి వచ్చింది. మొదట క్రిస్మస్ కానుకగా డిసెంబర్ 25న ప్లాన్ చేసినా, కొన్ని కారణాలతో డిలే అయింది. సినిమాలో బాసిల్ సీజే మ్యూజిక్ హైలైట్ అయ్యింది. అలాగే ఎమోషనల్ నరేషన్ బాగుంటుంది. 1 గంట 45 నిమిషాలు రన్ టైమ్ ఉన్న ఈ మూవీ ఓటీటీలో మలయాళం లాంగ్వేజ్ లో మాత్రమే అందుబాటులో ఉంది. కాకపోతే ఇంగ్షీషు సబ్ టైటిల్స్ అవైలబుల్ గా ఉన్నాయి. థియేటర్లలో కంటే ఈ మూవీకి ఓటీటీలోనే మంచి రెస్పాన్స్ దక్కే ఛాన్స్ ఉంది. కాబట్టి మలయాళం మూవీ లవర్స్ డోంట్ మిస్.
Read Also : భార్య ఉండగానే ప్రియురాలితో… మర్డర్ మిస్టరీలో మతిపోగొట్టే ట్విస్ట్… ఇంటెన్స్ క్రైమ్ థ్రిల్లర్
అనిష్ (రోషన్ మాథ్యూ) అనే వ్యక్తి చిన్న కూతురు బాప్టిజం ఈవెంట్ జరుగుతుంది. ఈ సందర్భంగా ఆయన ఫ్యామిలీ మొత్తం సంతోషంగా ఉంటారు. ఈ క్రమంలోనే తన బెస్ట్ ఫ్రెండ్స్ తో కలిసి పార్టీ ప్లాన్ చేస్తాడు. ఎప్పటి నుంచో ఎదురు చూస్తున్న ఈ మూమెంట్ ను సెలబ్రేట్ చేసుకోవడానికి ఫ్రెండ్స్ కి కావలసినంత మందును తెప్పిస్తాడు. కానీ ఇలాంటి టైమ్ లో హీరో ఎక్స్ గర్ల్ ఫ్రెండ్ అంజనా (జరీన్ షిహాబ్) నుంచి సడన్‌ గా కాల్ వస్తుంది. ఫోన్ లో తాను అమెరికాకు వెళ్లిపోతున్నానని, వెళ్ళే ముందు ఒక్కసారి కలుద్దామని అతన్ని రిక్వెస్ట్ చేస్తుంది. అనిష్ కూడా కాదనలేకపోతాడు. ఇంకేముంది ఇద్దరూ కలుస్తారు. గత జ్ఞాపకాలు నెమరేసుకుంటారు.
ఇద్దరి మధ్య ప్రేమ చిగురించడం నుంచి విడిపోవడం వరకు అన్ని విషయాలను మాట్లాడుకుంటారు. ఆ చల్లని సాయంత్రం పూట ఈ జంట మధ్య నడిచే కథ మనసుకు హత్తుకునేలా ఉంటుంది. ఎమోషనల్ రోలర్‌ కోస్టర్ లాగా సాగే ఈ స్టోరీ ప్రతీ ఒక్కరికీ కనెక్ట్ అవుతుంది. నిజానికి హీరో ముందుగా మాజీ గర్ల్ ఫ్రెండ్ దగ్గరకు వెళ్ళాలా ? వద్దా ? అని కన్ఫ్యూజన్ లో పడతాడు. కానీ వెళ్లడానికే మొగ్గు చూపుతాడు. మరి అక్కడికి వెళ్ళాక ఏం జరిగింది ? అన్నది తెరపై చూసి తెలుసుకోవాల్సిందే.
Share
Srisailam: శ్రీశైలం ఘాట్ రోడ్డులో లిఫ్ట్ అడుగుతున్నారా..? తస్మాత్ జాగ్రత్త, మహిళ వీడియో వైరల్
KCR: కేసీఆర్‌తో మాజీ మంత్రులు భేటీ.. అసెంబ్లీ యుద్ధానికి గులాబీ బాస్ వ్యూహరచన
