Jugnuma The Fable OTT : మనోజ్ బాజ్పేయి ఫ్యాన్స్కు సూపర్ గుడ్ న్యూస్. Jugnuma: The Fable సినిమా ఓటీటీలోకి వచ్చేసింది. మనోజ్ బాజ్పేయి మళ్లీ మాస్టర్పీస్ పర్ఫార్మెన్స్ ఇచ్చాడు. థియేటర్లలో రిలీజ్ అయి కొంచెం అండర్రేటెడ్ అయినా, క్రిటిక్స్ నుంచి రేవ్ రివ్యూస్ వచ్చిన మూవీ ఇది. ఇప్పుడు 4 నెలల తర్వాత స్ట్రీమింగ్ స్టార్ట్ అయింది. మరి ఇది ఏ ఓటీటీలో స్ట్రీమింగ్ అవుతోంది ? దీని కథ ఏంటి ? అనే విషయాలను తెలుసుకుందాం.
మనోజ్ బాజ్పేయితో పాటు దీపక్ డోబ్రియాల్, ప్రియాంక బోస్, తిలోత్తమ శోమ్ కీలక పాత్రలు పోషించిన ‘Jugnuma: The Fable’ రామ్ రెడ్డి దర్శకత్వంలో వచ్చింది. థియేటర్లలో 2025 సెప్టెంబర్ 12న రిలీజ్ అయి, 2026 జనవరి 22 నుంచి Amazon Prime Videoలో హిందీ ఆడియోతో ఇంగ్లీష్ సబ్టైటిల్స్ అందుబాటులో ఉంది. థియేటర్లలో పెద్దగా నోటీస్ చేయకపోయినా, 74వ అంతర్జాతీయ బెర్లిన్ ఫిల్మ్ ఫెస్టివల్ లో ప్రీమియర్ అయి మంచి ప్రశంసలు అందుకుంది. మ్యాజికల్, ఎమోషనల్ డ్రామా మిక్స్తో సూపర్ ఎక్స్పీరియన్స్ ఇస్తుంది. 38వ లీడ్స్ ఇంటర్నేషనల్ ఫిల్మ్ ఫెస్టివల్లో ఉత్తమ చిత్రంగా అవార్డు గెలుచుకుంది.
1989వ సంవత్సరంలో హిమాలయ పర్వతాల పైన ఉన్న ఒక విశాలమైన పండ్ల తోట నేపథ్యంలో ఈ కథ మొదలవుతుంది. దేవ్ (మనోజ్ బాజ్పేయి) తన భార్య నందిని, పిల్లలతో కలిసి అక్కడ ఒక పురాతన బంగ్లాలో నివసిస్తుంటాడు. దేవ్కు తానే సొంతంగా తయారు చేసుకున్న చెక్క రెక్కలతో పర్వతాల పైనుండి ఎగరడం అంటే చాలా ఇష్టం. దానిని అతను ఒక ధ్యానంలా భావిస్తాడు. అందంగా, ప్రశాంతంగా సాగిపోతున్న అతని జీవితంలోకి అనుకోకుండా కొన్ని వింత సంఘటనలు జరుగుతాయి. వాళ్ళ తోటలోని యాపిల్ చెట్లు కాలిపోవడం మొదలవుతాయి. ఈ మంటలు ఎవరు పెడుతున్నారు, ఎందుకు పెడుతున్నారో ఎవరికీ అర్థం కాదు.
ఈ మంటల వెనుక ఉన్న నిజాన్ని కనిపెట్టే క్రమంలో దేవ్ తన మేనేజర్ మోహన్తో కలిసి దర్యాప్తు ప్రారంభిస్తాడు. మంటలు ఆర్పడానికి ప్రయత్నిస్తున్న కొద్దీ అడవిలో కొత్త చోట్ల మంటలు పుడుతూనే ఉంటాయి. ఈ క్రమంలో స్థానిక గ్రామస్థులు, సంచార జాతులపై అనుమానాలు మొదలై, వారి మధ్య విభేదాలు పెరుగుతాయి.చివరకు ఈ సంఘటనలకు కారణం ఎవరు ? దేవ్ వాళ్ళను కనిపెట్టాడా ? అనేదే మిగతా కథ.
Read Also : పట్టుకొచ్చిన కొద్దీ పారిపోయే కూతురు… అండర్ వరల్డ్ ట్విస్ట్ తో సాగే సీట్ ఎడ్జ్ క్రైమ్ థ్రిల్లర్
Share
Hardik-Murali kartik: హార్దిక్ పాండ్యాకు ఒళ్లంతా బలుపే...మురళి కార్తీక్ తో గొడవ, వార్నింగ్ ఇస్తూ మరీ
Today Movies in TV : శనివారం టీవీ సినిమాలు.. వీటిని మిస్ అవ్వకండి..
