Kannada Gangster Crime Thriller: ఓ గ్యాంగ్స్టర్ కు అత్యంత నమ్మకమైన అనుచరుడు. అతనికి ఇచ్చిన టార్గెట్ ఓ రాజకీయ నాయకుడి హత్య. పని పూర్తి చేయడానికి వందల కిలోమీటర్లు వెళ్లిన తర్వాత అసలు నిజం బయటపడితే ? తాను చంపడానికి వెళ్లిన వ్యక్తితోనే తన గతానికి సంబంధం ఉందని తెలిస్తే ? అంతేకాదు… నమ్మిన గ్యాంగే తనను వేటాడటం మొదలు పెడితే ? వేటగాడిగా బయలుదేరిన ఓ క్రిమినల్‌… చివరకు తానే వేటగా మారిన కథే ‘రాక్కీ’ (Rakky). మరి ఈ కన్నడ క్రైమ్ థ్రిల్లర్ ను తెలుగులో ఎక్కడ చూడవచ్చు ? ఏ ఓటీటీలో అందుబాటులో ఉంది ? అనే వివరాలను తెలుసుకుందాం పదండి.
బెంగళూరు, కేజీఎఫ్ అండర్‌ వరల్డ్‌లో డానీ అనే గ్యాంగ్స్టర్ కు మంచి పేరు ఉంటుంది. అతని గ్యాంగ్ లో రాక్కీ అత్యంత నమ్మకమైన వ్యక్తి. డానీ ఏ పని అప్పగించినా వెనక్కి తగ్గకుండా పూర్తి చేసే మొండితనం అతని సొంతం. అయితే రాక్కీకి డానీ కూతురు సిరితో ఉన్న ప్రేమ సంబంధం కూడా అతని జీవితంలో కీలకంగా మారుతుంది. రాక్కీని మరింత పెద్ద హిట్‌మ్యాన్‌ గా మార్చాలని భావించిన డానీ… సీనియర్ గ్యాంగ్స్టర్ గణేష్ తో కలిసి అతనికి ఓ ప్రమాదకరమైన కాంట్రాక్ట్ ఇస్తాడు.
ఎన్నికల్లో టికెట్ కోసం ప్రయత్నిస్తున్న రాజకీయ నాయకుడు వివేక్ తో పాటు అతని భార్య సుమ అలియాస్ చాందినిని హత్య చేయాలి. దీంతో రాక్కీ, గణేష్ తమ టార్గెట్ ను వెతుక్కుంటూ బయలు దేరుతారు. అయితే అసలు కథ ఇక్కడే మొదలవుతుంది. వివేక్ దగ్గరకు వెళ్లిన తర్వాత రాక్కీకి ఊహించని విషయాలు తెలుస్తాయి. తనకు అప్పగించిన ఈ హత్య వెనుక సాధారణ రాజకీయ కక్ష లేదని అర్థమవుతుంది. తన గతానికి, ఆ రాజకీయ కుటుంబానికి మధ్య ఉన్న సంబంధం ఒక్కొక్కటిగా బయట పడుతుంది. దీంతో టార్గెట్ ను చంపాలనే నిర్ణయంపై రాక్కీకి సందేహాలు మొదలవుతాయి.
ఇదే సమయంలో పోలీసుల ఎంట్రీ కథను మరో మలుపు తిప్పుతుంది. రాజకీయ నాయకుల వ్యక్తిగత జీవితాలు, విడాకులు, భరణం పేరుతో నడుస్తున్న చీకటి వ్యవహారాలు కూడా ఈ కేసుతో ముడిపడి ఉన్నాయని తెలుస్తుంది. అసలు ఈ కాంట్రాక్ట్ వెనుక ఎవరు ఉన్నారు ? రాక్కీని ఎందుకు ఉపయోగించుకున్నారు ? అనే ప్రశ్నలు మరింత ఆసక్తిని పెంచుతాయి.
చివరకు రాక్కీ తనను నమ్ముకున్న గ్యాంగ్ నుంచే నమ్మకద్రోహాన్ని ఎదుర్కోవాల్సి వస్తుంది. తాను వేటాడిన వాళ్ల కంటే… తనను వేటాడుతున్న వాళ్లే ప్రమాదకరంగా మారతారు. తన మనుగడ కోసం పోరాడుతూ, తన గతానికి సంబంధించిన నిజాన్ని ఎదుర్కొంటాడు. చివరకు ఈ వేట నుంచి రాక్కీ ఎలా బయటపడ్డాడు ? తన ప్రాణాలను కాపాడుకోగలిగాడా ? అనేదే సినిమాలో చూడాల్సిన కథ.
‘రాక్కీ’కి వెంకట్ భరద్వాజ్ దర్శకత్వం వహించారు. రాక్కీ సురేష్ ఈ సినిమాతో హీరోగా పరిచయమయ్యారు. బి. సురేష్, పల్లవి మంజునాథ్, సంపత్ మైత్రేయ, ఆషికా సోమశేఖర్ తదితరులు కీలక పాత్రల్లో నటించారు. క్రైమ్, యాక్షన్, పొలిటికల్ సస్పెన్స్ అంశాలతో తెరకెక్కిన ఈ సినిమా ప్రస్తుతం ‘అమెజాన్ ప్రైమ్ వీడియో’ (Amazon Prime Video)లో స్ట్రీమింగ్ అవుతోంది. అయితే తెలుగులో ఆడియో అందుబాటులో లేదు. ఒరిజినల్ కన్నడలోనే చూడాలి. అండర్‌వరల్డ్, కాంట్రాక్ట్ కిల్లింగ్స్, పొలిటికల్ కుట్రలతో కూడిన యాక్షన్ థ్రిల్లర్స్ ఇష్టమైతే ‘రాక్కీ’ని ఓసారి ట్రై చేయొచ్చు.
Share
క్లీన్ గోదావరి సాధ్యమేనా?
DSC స్కామ్‌పై ప్రభుత్వం ఎందుకు మౌనం..?
