Vaa Vaathiyaar OTT : రిలీజైన 14 రోజులకే ఓటీటీలోకి వచ్చేసిన ‘వా వాతియార్’… కార్తీ సినిమాను ఏ ఓటీటీలో చూడొచ్చంటే ?

Vaa Vaathiyaar OTT : తమిళ నటుడు కార్తీ, కృతి శెట్టి రీసెంట్ గా నటించిన కొత్త చిత్రం ‘వా వాతియార్’ (Vaa Vaathiyaar Movie) . ఇది థియేటర్లలో సంక్రాంతి కానుకాగా విడుదలైన ఈ సినిమా ఆశించిన స్థాయిలో విజయం సాధించలేకపోయింది. ఇక ఈ మూవీ విడుదలైన 14 రోజులకే ఓటీటీలోకి అడుగు పెట్టింది. ఒక పెద్ద నటుడి సినిమా, ఇంత తక్కువ సమయంలో డిజిటల్ ప్లాట్‌ఫామ్‌లోకి రావడం ఒకింత ఆశ్చర్యకరమైన విషయమే. మరి ఓటీటీలో ఏ మాత్రం ప్రేక్షకులను ఆకట్టుకుంటుందో చూడాలి. ఈ సినిమా ఏ ఓటీటీలో స్ట్రీమ్ అవుతుంది ? దీని కథ ఏంటి ? అనే విషయాలను తెలుసుకుందాం పదండి.

ప్రైమ్ వీడియోలో స్ట్రీమింగ్

నలన్ కుమారసామి దర్శకత్వం వహించిన ఈ సినిమా ‘వా వాతియార్’ జనవరి 14, 2026న థియేటర్లలోకి వచ్చింది. 2026 జనవరి 28 నుంచి ప్రైమ్ వీడియో Prime videoలో స్ట్రీమింగ్ అవుతోంది ఈ సినిమా. ఈ చిత్రం OTTplay ప్రీమియం సబ్‌స్క్రైబర్‌లకు కూడా టాప్-అప్ ఆప్షన్‌తో అందుబాటులో ఉంటుంది. ఇక ఇందులోకార్తీ కథా నాయకుడిగా, కృతి శెట్టి కథానాయికగా నటిస్తుండగా, సత్యరాజ్, రాజ్‌కిరణ్, ఆనందరాజ్, శిల్పా మంజునాథ్, కరుణాకరన్, జిఎం సుందర్, రమేష్ తిలక్ సహాయక పాత్రల్లో నటించారు. ఇది నేటి నుండి తమిళం, తెలుగు, కన్నడ, హిందీ మలయాళంలో ప్రైమ్ వీడియోలో స్ట్రీమ్ అవుతోంది.

కథ ఏమిటంటే

రామేశ్వరన్ (కార్తీ) విలాసవంతమైన జీవితాన్ని ఇష్టపడే పోలీస్ ఆఫీసర్. అయితే అతని తాత (రాజ్‌కిరణ్) పురాాతన కాలం నాటి ఎం.జి. రామచంద్రన్ (MGR)కి పరమ భక్తుడు. తన మనవడు సాక్షాత్తు ఆ ఎంజీఆర్ పునర్జన్మ అని, ప్రజల కోసం పోరాడే గొప్ప నాయకుడని ఆ తాత బలంగా నమ్ముతుంటాడు. తాత సెంటిమెంట్ కోసం కార్తీ బయటకి మంచివాడిగా నటిస్తూ, లోపల తన స్వార్థం చూసుకునే రెండు రకాల జీవితాలను గడుపుతుంటాడు. అయితే ఒకానొక సందర్భంలో తన తాత ఆశయాలు, తన నిజాయితీ లేని ప్రవర్తన మధ్య స్టోరీ మలుపులు తిరుగుతుంది. ఇక తన తాత గౌరవాన్ని కాపాడుకోవడానికి, ఒక సామాన్య పోలీస్ ఆఫీసర్ నుండి ఒక ప్రజా నాయకుడిగా (వాతియార్‌గా) రామేశ్వరన్ ఎలా మారాడు అనేదే ఈ సినిమా క్లైమాక్స్.