OTT Movie : కొరియన్ వెబ్‌కామిక్ హారర్ కాన్సెప్ట్ లో తెరకెక్కిన ఒక సినిమా, సినీ ప్రియులను బాగా అలరించింది. ఇందులో వచ్చే ట్విస్టులు, హారర్ ఎలిమెంట్స్ కు ప్రశంసలు కూడా వచ్చాయి. ఈ సినిమా ఒక రచయిత్రి చుట్టూ తిరుగుతుంది. ఆమె పుస్తకంలో రాసిన రచనలు, నిజ జీవితంలో కూడా జరుగుతుంటాయి. అసలు ఇవి ఎలా జరుగుతున్నాయనేదే ఈ కథ. ఈ సినిమా ట్విస్టులతో మెంటలెక్కిస్తుంది. దీని పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాలను తెలుసుకుందాం పదండి.
ఈ సినిమా కథ కంగ్ జీ-యూన్ అనే ప్రముఖ హారర్ వెబ్‌కామిక్ రచయిత చుట్టూ తిరుగుతుంది. ఆమె తన కామిక్‌లలో భయంకరమైన, అతీంద్రియ కథలను రాస్తూ బాగా పేరు తెచ్చుకుంది. కథ మొదలవ్వడంతో, జీ-యూన్ తన తాజా వెబ్‌కామిక్‌ను విడుదల చేయడానికి సిద్ధమవుతుంది. ఈ కామిక్‌లో ఒక దెయ్యం ఒక కంపెనీ ప్రెసిడెంట్‌ను హత్య చేసే కథ ఉంటుంది. ఇది ఆగస్టు 27న విడుదల కావాల్సి ఉంది. ఇప్పుడు కథలో మొదటి ట్విస్ట్ వస్తుంది. జీ-యూన్ పనిచేసే కామిక్ ప్రచురణ సంస్థ అధ్యక్షుడు యోన్-వూ, ఆమె కామిక్‌లో వర్ణించిన విధంగానే దారుణంగా హత్య చేయబడతాడు. ఈ హత్య జరిగిన సమయంలో జీ-యూన్ సంఘటనా స్థలంలో ఉంటుంది. దీంతో పోలీసులు ఆమెను ప్రధాన అనుమానితగా అరెస్టు చేస్తారు.
జీ-యూన్ తన అమాయకత్వాన్ని నిరూపించడానికి ప్రయత్నిస్తూ, తన కామిక్‌లోని దెయ్యం నిజంగా ఈ హత్యలకు కారణమని చెబుతుంది. అయితే ఆమె వాదనను ఎవరూ నమ్మరు. పోలీసు డిటెక్టివ్ లీ కి-చుల్ ఈ కేసును దర్యాప్తు చేస్తూ, జీ-యూన్ గతం తవ్వడం మొదలుపెడతాడు. ఈ పరిశోధనలో ఆమె గతంలో సో-హ్యూన్ అనే యువతి కథలను దొంగిలించినట్లు తెలుస్తుంది. సో-హ్యూన్ అనే రచయిత, అతీంద్రియ కథలు చెప్పడంలో నైపుణ్యం కలిగి ఉండేది. ఆ కామిక్‌లకు కథలను జీ-యూన్ సొంతం చేసుకోవడానికి, సో-హ్యూన్‌ను హత్య చేసినట్టు బయటపడుతుంది. అయితే సో-హ్యూన్ చనిపోయే ముందు ఒక హెచ్చరిక చేస్తుంది. ఆమె కథల వల్ల ఆత్మలు శక్తి పొందుతాయి. కథలోని సంఘటనలు నిజ జీవితంలో జరుగుతాయి. ముఖ్యంగా హత్యల రూపంలో జరుగుతుంటాయి.
ఇక జీ-యూన్ కామిక్‌లోని సంఘటనలు ఒక్కొక్కటిగా నిజ జీవితంలో జరగడం మొదలవుతాయి. దీంతో ఆమె భయంతో వణికిపోతుంది. ఈ హత్యల వెనుక సో-హ్యూన్ ఆత్మ ఉందని, ఆమె ప్రతీకారం తీర్చుకోవడానికి తిరిగి వచ్చిందని జీ-యూన్ అనుమానిస్తుంది. ఈ సమయంలో ఆమె తన గిల్ట్ తో మానసికంగా పోరాడుతుంది. క్లైమాక్స్ లో జీ-యూన్ తన గతంలో చేసిన తప్పులను ఎదుర్కోవలసి వస్తుంది. సో-హ్యూన్ ఆత్మ, జీ-యూన్ రాసిన కామిక్‌ల ద్వారా ప్రతీకారం తీర్చుకుంటుంది. జీ-యూన్ తన కామిక్‌లో రాసిన ముగింపును మార్చడం ద్వారా ఈ హత్యలను ఆపడానికి ప్రయత్నిస్తుంది. సినిమా ఒక షాకింగ్ ట్విస్ట్‌తో ముగుస్తుంది. ఆ ట్విస్ట్ ఏమిటి ? జీ-యూన్ పై సో-హ్యూన్ ప్రతీకారం ఎలా తీర్చుకుంది ? అనే విషయాలను ఈ సినిమాను చూసి తెలుసుకోవాల్సిందే.
‘కిల్లర్ టూన్’ (Killer toon) అనేది 2013లో విడుదలైన దక్షిణ కొరియా సైకలాజికల్ హారర్ మిస్టరీ చిత్రం. ఇది కిమ్ యోంగ్-గ్యూన్ దర్శకత్వంలో రూపొందింది. ఇందులో లీ సి-యౌంగ్ (జీ-యూన్, వెబ్‌కామిక్ ఆర్టిస్ట్), ఉమ్ కీ-జూన్ (కీ-చుల్, డిటెక్టివ్), హ్యూన్‌వూ (జీ-హ్యూన్, పబ్లిషర్), కిమ్ ఎ-జూ (సూన్-హీ, జీ-యూన్ ఏజెంట్) ప్రధాన పాత్రల్లో నటించారు. ఇది 1 గంట 44 నిమిషాల రన్‌టైమ్ తో IMDbలో 6.2/10 రేటింగ్ పొందింది. ఈ సినిమా 2013 జూన్ 27న విడుదలై, ప్రస్తుతం నెట్‌ఫ్లిక్స్‌లో అందుబాటులో ఉంది.
Read Also : నది ఒడ్డున అమ్మాయి శవం… ఒంటిపై బట్టల్లేకుండా దారుణం… చేసిందెవరో తెలిస్తే ఫ్యూజులు అవుట్
Share
Maoists: మావోయిస్టులు కీలక నిర్ణయం.. పోరాటానికి తాత్కాలిక విరమణ, ఆయుధాలు వదిలేస్తాం!
Today Horoscope in Telugu: నేటి రాశిఫలాలు.. (16/09/2025)
