Horror Thriller OTT : ఒళ్లు గగుర్పొడిచే హర్రర్ మూవీస్ ఓటీటీలో ఎన్నో ఉన్నాయి. కానీ థియేటర్లలో డదడదలాడించి, తాజాగా ఓటీటీలోకి వచ్చిన హారర్-థ్రిల్లర్ చిత్రం Lee Cronin’s The Mummy (2026). Evil Dead Rise ఫేమ్ దర్శకుడు లీ క్రోనిన్ తెరకెక్కించిన ఈ హర్రర్ మూవీ పాత యాక్షన్-అడ్వెంచర్ మమ్మీ సినిమాలా మాత్రం ఉండదు.
ఈ హర్రర్ విజువల్ వండర్ 2026 ఏప్రిల్ 17న ప్రపంచవ్యాప్తంగా భారీ ఎత్తున థియేటర్లలో రిలీజ్ అయ్యింది. జేమ్స్ వాన్ – జేసన్ బ్లమ్ సంయుక్తంగా నిర్మించిన ఈ మూవీ ఇప్పుడు డిజిటల్ స్ట్రీమింగ్ కు సిద్ధమైంది. థియేట్రికల్ రన్ ముగిసిన తర్వాత ఈ సినిమా Amazon Prime Videoలో రెంట్ కి స్ట్రీమింగ్ కు అందుబాటులోకి వచ్చేసింది. మే 19 నుంచి ఈ హర్రర్ మూవీ అందుబాటులోకి వచ్చింది. నటాలీ గ్రేస్ దెయ్యం పట్టిన అమ్మాయిగా ఒళ్లు గగుర్పొడిచే యాక్టింగ్ ను కనబరిచింది. ‘Evil Dead’, ‘Hereditary’ వంటి ప్యూర్ హారర్ సినిమాలను ఇష్టపడే వారికి ఈ సినిమా పీడకల లాంటి అనుభూతిని ఇవ్వడం మాత్రం పక్కా.
చార్లి కానన్ (జాక్ రేనర్) అనే జర్నలిస్ట్, అతని కుటుంబం చుట్టూ తిరిగే స్టోరీ ఇది. ఈ ఫ్యామిలీ అంతా కలిసి ఈజిప్ట్ కు వెళ్తుంది. వాళ్ళకు 9 ఏళ్ల చిన్న కూతురు కేటీ కూడా ఉంటుంది. అయితే ఆ పాప ఎడారిలో అకస్మాత్తుగా మిస్ అవుతుంది. ఫ్యామిలీ అంతా కలిసి ఎంత వెతికినా ఆ పాప జాడ మాత్రం దొరకదు. అయితే షాకింగ్ గా 8 సంవత్సరాల తర్వాతకు స్టోరీ మారుతుంది. ఆ కుటుంబం అమెరికాలోని అల్బుకెర్కీ నగరంలో స్థిరపడుతుంది. ఈ క్రమంలో వారికి ఈజిప్ట్ డిటెక్టివ్ డాలియా నుండి ఫోన్ కాల్ వస్తుంది. 3,000 ఏళ్ల నాటి పురాతన శవపేటికలో కేటీ ప్రాణాలతో దొరికిందనేది ఆ కాల్ సారాంశం.
Also Read : సినిమా హిస్టరీలోనే అత్యంత భారీ బడ్జెట్… హైవోల్టేజ్ యాక్షన్ తో సాగే మాస్టర్ పీస్ సిరీస్
8 ఏళ్ల క్రితం మిస్ అయిన ఆ పాప 17 ఏళ్ల వయసులో ఇంటికి తిరిగి వస్తుంది. ఇన్నేళ్ల తరువాత కేటీని చూసి తల్లిదండ్రులు తెగ సంతోష పడతారు. కానీ ఆమె మానసికంగా బాగా దెబ్బతింటుంది. ఆమె శరీరంపై ప్రాచీన మంత్రాల రాతలు రాసి ఉన్న బట్టలు ఉంటాయి. ఇక్కడే ట్విస్ట్ ఉంటుంది. ఆమెను ఇంటికి తీసుకు వచ్చాక ఆ ఇంట్లో వింత వింత సంఘటనలు జరుగుతాయి. భయంకరమైన నరకంలా తయారవుతుంది ఇల్లు. ఆకలి, ఎండ లేకపోవడం వల్ల ఆమె అలా మారిందని ముందు అనుకుంటారు. కానీ ఆమెను బంధించిన వారు ఆమె శరీరాన్ని పురాతన ఈజిప్షియన్ దుష్టాత్మకు వాహనంగా మార్చేశారని చార్లి దంపతులు గ్రహించడానికి ఎక్కువ సమయం పట్టదు. కేటీ శరీరం నుండి ఒక్కో కట్టు విడిపోతున్న కొద్దీ, ఆమెలోని ఆ రాక్షస శక్తి మరింత స్ట్రాంగ్ అవుతుంది. మరి ఆ అమ్మాయిని తల్లితండ్రులు ఎలా కాపాడుకున్నారు ? చివరికి ఏమైంది ? అనేది తెలుసుకోవాలంటే ఈ మూవీని చూడాల్సిందే.
Share
Today Movies in TV : గురువారం టీవీ సినిమాలు.. ఆ 3 డోంట్ మిస్..
Nindu Noorella Saavasam Serial Today Episode May 21st ‘నిండు నూరేళ్ల సావాసం’ సీరియల్: అంజును రణవీర్ కు అప్పగిస్తానన్న మనోహరి 
