OTT Movie : భార్యా పిల్లలు ఉండగా మరో అమ్మాయితో… ఎక్స్పెక్ట్ చేయని ట్విస్టులున్న క్రైమ్ థ్రిల్లర్

OTT Movie : ఒక సాధారణ మధ్యతరగతి ఫ్యామిలీలో భర్త మీద అనుమానం వస్తే ఎలా ఉంటుందనేది 2024లో వచ్చిన ‘మాగ్పై’ సినిమాలో చూపించారు. ఇది వరకే ఇలాంటి స్టోరీలు చాలానే వచ్చాయి. అయితే ఈ కథ మాత్రం చాలా డిఫరెంట్ గా ఉంటుంది. భార్యాభర్తల మధ్యలో ఒక అందమైన హీరోయిన్ వచ్చి పడితే ఏం జరుగుతుందో… ఆ టెన్షన్‌ని ఈ సినిమాలో గట్టిగా చూపించారు. థ్రిల్లర్ ఫ్యాన్స్ మిస్ కాకుండా చూడాల్సిన సినిమా ఇది. ఇది ఏ ఓటీటీలో ఉంది ? దీని కథ ఏమిటి ? అనే వివరాల్లోకి వెళ్తే ..

ఏ ఓటీటీలో ఉందంటే

‘మాగ్పై’ 2024లో విడుదలైన ఇంగ్లీష్ నియో నాయిర్ థ్రిల్లర్ మూవీ. సామ్ యేట్స్ డైరెక్ట్ చేసిన ఈ చిత్రంలో డైజీ రిడ్లీ (అనెట్ పాత్రలో), షాజాద్ లతీఫ్ (బెన్), మాటిల్డా లట్జ్ (అలిసియా) మెయిన్ లీడ్స్‌లో నటించారు. ఈ సినిమా 2024 అక్టోబర్ 25న థియేటర్లలో రిలీజ్ అయింది. 90 నిమిషాల ఈ చిత్రం ఐయండిబిలో 6.2/10 రేటింగ్ పొందింది. ప్రస్తుతం ఈ సినిమా Huluలో మాత్రమే అందుబాటులో ఉంది.

స్టోరీ ఏమిటంటే

అనెట్, బెన్ అనే దంపతులకు ఒక చిన్న పాప ఉంటుంది. వాళ్ళ లైఫ్ మామూలుగానే సాగిపోతోంది. అనెట్ మరో సారి ఒక బాబుకు జన్మనిస్తుంది. బెన్ రైటర్ కావడంతో బయట తిరుగుతుంటాడు. ఇద్దరూ మధ్యలో ఫోన్‌లోనే మాట్లాడుకుంటూ ఉంటారు. ఒక రోజు వాళ్ల పాపకి ఒక పెద్ద సినిమాలో చిన్న రోల్ వస్తుంది. దీంతో కూతురితో సెట్‌కి తోడుగా బెన్ వెళ్తాడు. అక్కడ హీరోయిన్ అలిసియా ఉంటుంది. ఆమె ఇటీవల సెక్స్ టేప్ లీక్ అయి మీడియాలో రచ్చ చేసిన ఒక హాట్ టాపిక్ ఆంటీ. మొదట్లో బెన్ ఆమెని దూరంగానే చూస్తాడు. కానీ రోజులు గడిచే కొద్దీ అలిసియా పాపతో చాలా బాగా కలిసిపోతుంది. పాపకి మంచి మాతృత్వం చూపిస్తుంది. బెన్ ఆమెలో ఏదో కొత్త సైడ్ చూసి మైమరిచిపోతాడు. ఫోన్‌లో ఎక్కువ సేపు మాట్లాడటం, మెసేజ్‌లు, లేట్ నైట్ చాట్స్… ఇలా దూరంగా ఉన్న భార్యకి తెలియకుండా ఏదో జరుగుతుంది. అయితే ఇంట్లో ఉన్న అనెట్ ఇవన్నీ గమనిస్తుంది.

మొదట అనెట్ కి బెన్ మీద చిన్న అనుమానం మొదలవుతుంది. తర్వాత ఈర్ష్యగా టర్న్ అవుతుంది. నా భర్త నా కూతురు సెట్‌లో ఏం చేస్తున్నారనే టెన్షన్ లో ఉంటుంది. ఫోన్ చెక్ చేయడం, సెట్‌కి వెళ్లి చూడడం, రాత్రిపూట ఏడవడం… ఇలా అనెట్ లోపల ఒక రకమైన పిచ్చి మొదలవుతుంది. ఇక ఆమె చర్యలు కూడా పీక్స్ కి వెళ్తాయి. క్లైమాక్స్ లో ఒళ్లు గగుర్పొడిచే ఒక పెద్ద ట్విస్ట్ వస్తుంది. ఆ ట్విస్ట్ ఏమిటి ? అలిసియాతో బెన్ రియల్‌గా సంబంధం పెట్టుకుంటాడా ? లేక అనెట్ మైండ్‌లోనే గోల చేసుకుంటుందా? అనే విషయాలను, ఈ థ్రిల్లర్ సినిమాను చూసి తెలుసుకోండి.